Исай 37:19 - Библи

¹⁹ Тэдэнэй бурхадые шатаагаал! Ушар юуб гэхэдэ, тэдэ бурхад бэшэ, харин хүнэй гараар бүтээгдэһэн модод ба шулуунууд байшоол! Тиимэһээ тэдэ юумэд усадхагдаа!

Исай 37:19 ပူးပေါင်းရင်းမြစ်များ

2 Хаан түрэнүүд 5:21

Пилиштүүд тэрьедэхэдээ, тэндэ бурхадайнгаа дүрсэнүүдые хаяа бэлэй. Давид зонтоёо тэдэнииень оложо абаа һэн.

Египедһээ гаралга 32:20

Тугалай хүрэгые галда хаяжа хайлуулаад, уйгааг тоброог болоторнь нюдэбэ. Тэрэнээ уһа руу хаяжа, Израилиин зониие үтэр уугты гэжэ зандаран, тэрэ уһыень уулгаба.

Исай 10:7

Гэбэшье Ассири иихэеэ һананагүй, энээн тушаа бодоногүй, тэрэ олон үндэһэ яһатаниие хюдаха, һалгааха һанаатай.

Исай 17:8

Тэдэ өөһэдынгөө гар бүтээл болохо үргэлэй шэрээнүүдээ ойшохогүй, өөһэдынгөө бүтээһэн Ашэраа бурханай дүрсэнүүдтэ, шүтөөнүүдтэнь найдахагүй.

Исай 2:8

Газар нютагынь шүтөөнүүдөөр дүүрэнхэй, өөрын гараар бүтээһэн бүтээлнүүдтээ тэдэ мүргэнэ.

Исай 26:14

Мүнөө тэдэ эзэд үхэнхэй, дахин амидырха бэшэ. Тэдэнэй һүнэһэншье дахин эрьехэгүй. Ушарынь гэхэдэ, Та тэдэниие хэһээн һалгаагаат. Хэншье тэдээн тушаа һанахагүй.

Исай 41:24

Гэбэшье таанад юуншье бэшэт, юушье хэжэ шадахагүйт! Таанадта мүргэгшэд жэгшүүритэй!

Исай 41:29

Тиимэһээ тэдэ бултадаа мэхэлхэ зүйл, юушье хэжэ шадахагүй, һула, хүсэгүй шүтөөнүүд гээшэл!

Исай 41:7

Модошо дархан хайлуулагшын һүр һүлдэ үргэжэ, «һайнаар хээш!» гэнэ. Түмэршэ дархан дүшэ дээрэ хүдэлөөшые зоригжуулна, гагнуур тушаа «һайнаар хэгдээ» гэжэ, хүрэгэй ганхахагүйн тула хадааһаар бүхэлнэ.

Исай 44:17

Харин модонойнгоо үлэгдэлөөр тэрэ шүтөөн өөртөө бүтээжэ, урдань һүгэдэн унажа, мүргэдэг. Тэрэ баһа шүтөөндөө зальбаран, иигэжэ хэлэдэг: «Ши болбол минии бурхан гээшэш. Намайе абарыш!»

Ерэмияа 1:16

Намайе орхижо, ондоо бурхадта үргэл үргэжэ, шүтөөнүүдые хэжэ, тэдээндэ һүгэдэн мүргэдэг болоһонойнь, нүгэл үйлэдэһэнэйнь тула Би Өөрын арадта хэһээлтэ амасуулхаб.

Ерэмияа 10:11

Таанад, улад зон, үндэһэ яһатанда иигэжэ хэлыт: «Огторгой болон газарые бүтээгээгүй бурхад үгы хэгдэжэ, хүрьһэтэ дэлхэй дээрэһээ халиха».

Ерэмияа 16:20

Хүн өөртөө бурхадые хэжэ шадаха гү? Үгы! Тиигээ һаань, тэдэ – ёһотой Бурхан бэшэ байхал! – гэжэ хэлэнэ.

Ерэмияа 2:11

Ямаршье арад үндэһэтэн бурхадаа һэлгэжэ байгаагүй, бурхадайнь бурхадшье бэшэ байгаа хадань тиигэжэ байгаагүй. Харин Минии арад зон Намайе, нэрэ хүндэ тэдээндэ олгуулһан Бурханиие, орхижо, аша туһагүй шүтөөнүүдтэ мүргэжэ эхилээ.

Даниил 11:8

Шүтөөнүүдынь, шудхамал хүрэгүүдынь, алта, мүнгэн амһартануудынь тэрэ эзэмдэжэ, Египет руу абаашаха. Тиигээд хэдэн жэл соо хойто хаанда тэрэ хамаархахагүй.

Даниил 5:23

Огторгойн Эзэнэй урдаһаа һөөргэдэбэш: нангин ордонһоонь асарагдаһан амһартануудые шам руу асарба, түшэмэлнүүдтэеэ, һамгадтаяа, бага һамгадтаяа хамта тэдэ хундагануудһаа үзэмэй дараһан архи уубаш, тиигээд юушье харадаггүй, дууладаггүй, ойлгодоггүй мүнгэн, алтан, гуулин, түмэр, модон болон шулуун бурхадаа магтан-түүрээн байбаш. Харин ами наһа, хуби заяаеш зонхилон байдаг Бурханиие ши алдаршуулнагүйш.

Һошээ 8:6

Онгониие Израилиин арад зон дархалаа, уран дархан тэрэниие шудхаа, тиимэһээ тэрэ бурхан бэшэ шуу. Самариин тугал онгон бута һүрэхэ!

Галадуудта 4:8

Урдань таанад Бурханиие мэдэхэгүй ушарһаа үнэн дээрээ бурхад бэшэ «бурхадуудта» алба хэжэ байгаат.