Исай 35:9 - Библи

⁹ Тэндэ нэгэшье арсалан ябахагүй, ямаршье мяхаша ан арьяатан гаража ерэхэгүй. Эзэнэй абарһан зон лэ тэрэ харгыгаар гэртээ бусан ябаха.

Исай 35:9 ပူးပေါင်းရင်းမြစ်များ

Псалманууд 107:2

Бурхан, зүрхэмни Тандаал үнэн сэхэ. Дуу дуулахаб, магтаал татахаб! Сэдьхэлни!

Египедһээ гаралга 15:13

Абарагша угсаатанаа үршөөлдэ хүртөөн, арюун нангин газартаа абаашаха гэжэ дахуулбаш.

Исай 1:27

Үнэн шударга хэрэгүүдээрээ Иерусалим абарагдаха, гэмшэжэ, гэмээ мэдэрһэн зон үнэн зүб хэрэгүүдээрээ өөһэдтөө абарал буулгаха.

Исай 30:21

Харгы замһаа баруун, зүүн зүгүүд руу хадууран байбал, таанад ара тээһээ Тэрэнэй иимэ абяа дуулахат: «Харгы – тэндэ. Тэрээгүүр ябагты!»

Исай 30:6

Урда зүгэй элһэн сүл губиин амитад тушаа Эзэнэй буулгаһан айладхал энэ: Арсаланай, хорото могойн, луугай һуурижаһан аймшагтай орон нютагаар элшэнэр аяншална. Элжэгэдтээ, тэмээнүүдтээ хүндэ ашаа тээн, тэдэ ондоо арад зондо бэлэг-сэлэг абаашахаяа һэдэнэ. Теэд тэрэ арад өөһэдтэнь ямаршье туһа хүргэхэгүй.

Исай 43:19

Харагты, Би шэнэ зүйл хэхэм. Тэрэ мүнөө бэелүүлэгдэжэ эхилээ, харахадатнай болохо. Мүн Би хээрэ талада зам гаргажа, элһэн сүл губида уһа урдахуулхаб.

Исай 5:29

Дайсанай сэрэгшэд залуу арсалан мэтэ архиржа, олзоо шүүрэн абахадань, хэншье буляан абажа шадахагүй.

Исай 51:10

Абарһан зонойнгоо гаталан гарахын тула далайе шэргээжэ, гүн уһые харгы зам болгогшонь мүн лэ Та бэлэйт.

Исай 62:10

Иерусалимай улад зон, хотоһоо гаража, баряанһаа бусажа байһан арад зондоо харгы зам баригты! Зам жэгдэлэгты, шулуунуудһаа сэбэрлэгты! Арадуудай ойлгохын тула дээшэнь туг үргэгты!

Исай 62:12

Таанад «Эзэнэй абарһан нангин арад түмэн» гэжэ нэрлэгдэхэт. Иерусалим хадаа «Эзэнэй орхёогүй хото, Бурханай дуратай хото» гэжэ нэрлэгдэхэ.

Исай 63:4

Өөрын арад түмэниие абарха, дайсадыень хэһээхэ саг ерээ гэжэ шиидэбэб.

Исай 65:25

Шоно хурьгадтай хамта бэлшэхэ, арсалан үхэр мэтэ һолоомо эдихэ, шорой могойн хоол болохо. Минии нангин уула дээрэ ямаршье муу, хорото хэрэг ябуулагдахагүй».

Ерэмияа 30:10

Минии зараса Яков, бү ай, Израилиин зон, бү һүрдэ. Баряанда байһан холын нютагһаатнай Би таанадые абархаб. Таанад гэртээ бусажа, амар амгалан ажаһуухат. Таанадые хэншье айлгахагүй.

Эзэкээл 34:25

Амгалан тайбан байдал үршөөһэн тухай хэлсээ таанадтай баталхаб. Тиигэжэ ан арьяатаниие тала дайдаһаа, ой модонһоо үлдэхэб, тиихэдэм таанад аюулгүй амгалан ажамидархат.

Эзэкээл 34:27

Талын модод үрэ жэмэс үгэн байха, газар баян ургаса бэлэглэхэ. Би таанадые богоол байдалһаа сүлөөлжэ, өөрын газар дээрэ амгалан ажаһуухыетнай зүбшөөхэб. Тиихэдэм Намайе Эзэн гээд мэдэхэт.

Һошээ 2:18

Тэрэ үедэ Би талын ан гүрөөлтэй, огторгойн жэгүүртэнтэй, мүлхидэг амитадтай холбоо харилсаа тогтоожо, тэдэ Минии арад түмэндэ һаад түбэг ушаруулхагүй. Номо һаадаг, эритэ һэлмэ, дайн дажар тэрэ газарта ушархагүй, иигэжэ тэдэ амгалан тайбан ажаһууха.

Левит 26:6

Амгалан тайбан, хэншье таниие хүлгүүлхэгүй, һанаан сэдьхэл тэгшэ ажаһуухат. Аймшагтай зэрлиг амитадые газар дээрэһээтнай намнахаб. Һэлмэтэ дайсан газар дээгүүртнай ябахагүй.

Галадуудта 3:13

Дээрэмнай бууха ёһотой байһан Хуулиин хэһээлтэһээ бидэниие Христоос аршалжа, тэрэ хэһээлтые Өөр дээрээ даажа абаа. Тиимэһээ Хуули соо баһа иигэжэ бэшэгдээтэй: «Модондо үлгөөтэй хүн хараалда хүртөө».

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Пётрой 1-дэхи хандалга 1:18

Үбгэ эсэгэнэрһээ залгамжалһан удхагүй хооһон ажамидаралһаа таанад үмхирдэг мүнгэ алтаар абтаагүйт,

Гэршэлгэ 5:9

Тиин тэдэнэр иимэ шэнэ дуу дуулаба: Та энэ ном абажа, тамгыень эбдэжэ тайлаха эрхэтэйт, Та үргэл болгогдожо алуулаад, Өөрынгөө улаан шуһанай сэнгээр али бүхы угсаатаниие, элдэб янзын хэлэтэй зониие, бүхы уг изагууртаниие, үндэһэ яһатаниие Бурханда абажа үгөөт.