Исай 35:8 - Библи

⁸ Тэндэ нэгэ ехэ харгы зам бии боложо, «Нангин арюун зам» гэжэ нэрлэгдэхэ. Тэрээгээр нүгэлтэй нэгэшье хүн ябахагүй, ямаршье тэнэг хүн энэ замаар ябагшадые төөрюулхэгүй.

Исай 35:8 ပူးပေါင်းရင်းမြစ်များ

Псалманууд 118:20

Танай тогтоолнуудые хододоо хүсэн эрмэлзэһээр сэдьхэлни шаналжа байнал.

Псалманууд 19:7

Эзэн Өөрын ёһолон шэлэһэн хаанаа абардаг гэгшые мүнөө мэдэбэб. Өөрын арюун тэнгэриһээ тэрээндэ харюу үгэжэ, хүсэ шадалта гараараа тэрээндэ илалта туйлуулаа.

Псалманууд 23:4

Гэм зэмэ хээгүй, муу юумэ бодоогүй, бурханай дүрсэнүүдтэ мүргөөгүй, худал тангариг үргөөгүйл хүн!

Һургаал 16:17

Үнэн сэдьхэлтэй хүнүүдэй зам хадаа өөрыгөө хорото мууһаа холодуулха ябадал. Өөрынгөө зам анхаралтай ажагладаг хүн амияа хамгаална.

Һургаал 4:18

Харин үнэн шударга хүнүүдэй зам хадаа үүрэй толон мэтэ үдэрэй ерэхэдэ улам һаруул болодог.

Һургаал 8:20

Би зүб ёһын харгыгаар, үнэн шударгын зүргөөр ябанаб.

Һургаал 9:4

«Гэнэн хонгорнууд, наашаа эрьегты». Ухаа муутайнуудые тэрэ баһа уриба:

Исай 11:16

Израилиин зоной Египедэй орон нютагһаа гараһандал адли Ассиридэ амиды мэндэ үлэһэн Тэрэнэй арад түмэндэ һөөргөө бусаха ехэ зам харгы нээгдэхэ.

Исай 19:23

Тэрэ сагай ерэхэдэ, Египедһээ Ассири хүрэтэр дардам харгы бии боложо, Ассириин зон Египет руу, Египедэй улад Ассири руу ябадаг болохо, тэдэ хамтадаа Эзэндэ мүргэдэг байхал.

Исай 30:21

Харгы замһаа баруун, зүүн зүгүүд руу хадууран байбал, таанад ара тээһээ Тэрэнэй иимэ абяа дуулахат: «Харгы – тэндэ. Тэрээгүүр ябагты!»

Исай 33:8

Харгы замууд хооһороо, аяншад харагдахаа болёо. Хэлсээн эбдэгдэжэ, гэршэнүүд хараада абтахаяа болижо, хэншье хэнииешье хүндэлнэгүй.

Исай 4:3

Сиондо амиды мэндэ үлөөшэд, Иерусалим соо амиды үлэгшэд, юрэдөө, амиды зоной тоодо Иерусалимда бэшэгдэнхэй бүхы зон гэгээн гээд нэрлэгдэхэ.

Исай 42:16

Би Өөрын һохор зониие мэдэхэгүй замаарнь хүтэлэн ябахаб, тэдэнэй урда харанхые гэрэл, барзагар газарые тэгшэ тала болгохоб. Энэ болбол Минии хэхэ юумэн. Би тэдэниие хэнгүй орхихогүйб.

Исай 43:19

Харагты, Би шэнэ зүйл хэхэм. Тэрэ мүнөө бэелүүлэгдэжэ эхилээ, харахадатнай болохо. Мүн Би хээрэ талада зам гаргажа, элһэн сүл губида уһа урдахуулхаб.

Исай 51:10

Абарһан зонойнгоо гаталан гарахын тула далайе шэргээжэ, гүн уһые харгы зам болгогшонь мүн лэ Та бэлэйт.

Исай 52:1

Сион, һэрииш, һэрииш, дахин хүсэ шадалаа нэмэрыш! Нангин хото Иерусалим, алдар солынгоо хубсаһа үмдыш! Буруу номнолтон ба бэеэ арюудхаагүй зон шинии бартаануудаар бэшэ орохогүй.

Исай 52:11

Ябагты, ябагты! Вавилоонһоо гарагты! Эзэнэй нангин үргөөгэй хэрэгсэлнүүдые үргэн ябаашад, бузар юумэндэ бү хүрэгты! Өөһэдыгөө арюунаар абан ябагты!

Исай 57:14

Эзэн иигэжэ айладхана: «Минии арад түмэнэй Нам руугаа бусахадань туһалагты. Харгы зам жэгдэлэгты. Харгы дээрэ байгша һаалта зүйлнүүдые үгы хэгты.

Исай 60:21

Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.

Исай 62:10

Иерусалимай улад зон, хотоһоо гаража, баряанһаа бусажа байһан арад зондоо харгы зам баригты! Зам жэгдэлэгты, шулуунуудһаа сэбэрлэгты! Арадуудай ойлгохын тула дээшэнь туг үргэгты!

Исай 62:12

Таанад «Эзэнэй абарһан нангин арад түмэн» гэжэ нэрлэгдэхэт. Иерусалим хадаа «Эзэнэй орхёогүй хото, Бурханай дуратай хото» гэжэ нэрлэгдэхэ.

Ерэмияа 31:21

Өөртөө зорюулан, замай тэмдэгүүдые табижа, дохёо тэмдэгүүдые бүхэлэ. Өөрын оюун бодолые ябаһан зам руугаа, ехэ зам руу шэглүүлэ. Эрьен ерыт, Израилиин улад зон, өөрын орхин ошоһон хото руу эрьен ерэгты.

Эзэкээл 43:12

Нангин үргөө тушаа эгээл шухала ёһо дүрим гэбэл, иимэ: энэ хада уулын бүхы оршолон нангин, мүргэлтэй.

Эзэкээл 44:9

Би, Эзэн Бурхан, иигэжэ захирнаб: „Намда шүтэдэггүй, этигэдэггүй нэгэшье хариин хүн, Израилиин арад түмэнэй дунда ажаһуудаг байгаашье һаа, Минии нангин үргөө руу орохо эрхэгүй!

Ёһээл 3:17

«Тиихэдэ таанад Намайе Өөрын нангин уулада оршодог таанадай Бурхан, Эзэн мүн гэжэ мэдэхэ болохот. Иерусалим арюун боложо, хойто үедэ хари хүнүүд тэрэниие дайран үнгэрхэеэ болихо.

Левит 26:6

Амгалан тайбан, хэншье таниие хүлгүүлхэгүй, һанаан сэдьхэл тэгшэ ажаһуухат. Аймшагтай зэрлиг амитадые газар дээрэһээтнай намнахаб. Һэлмэтэ дайсан газар дээгүүртнай ябахагүй.

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Иоанн 14:6

– Би болбол Харгы зам гээшэб, Үнэн зүйл, Ажамидарал гээшэб. Намаар дамжан ошоогүй хүн Эсэгэдэ хүрэжэ шадахагүй.

Иоанн 7:17

Тэрэнэй дура хүсэл дүүргэхэ һанаатай хүн һаа, энэ Бурханай һургаал гээшэ гү, али Би Өөрэһөөн хэлэжэ байна гүб гэжэ мэдэдэг болохо.

Эфесэйхиндэ 2:10

Ямар байнабди, тиимээр Бурхан бидэниие бүтээгөө, бидэниие Иисүүс Христоостой нэгэдүүлэн һайн һайхан хэрэгүүдые хэдэг заншалтай байхыемнай анханһаа түлэблэн бүтээгөө.

Фессалоникиинхидтэ 1-дэхи 4:7

Бурхан бидэниие забхайралдахыемнай бэшэ, харин арюун гэгээнээр амидархыемнай уряалаа юм.

Тимофейдэ 2-дохи 1:9

Бурхан хэһэн хэрэгүүдэймнай түлөө бидэниие абараа бэшэ, харин Өөрынгөө һайн хүсэлөөр ба үршөөл хайраар бидэниие абаржа, нангин арад болгохоёо дуудаа. Бурхан сагай урадхалай эхи абахаһаа урда бидэндэ Иисүүс Христоосой ашаар Өөрынгөө үршөөлые хайрлаа.

Еврейнүүдтэ 12:14

Хүн бүхэнтэй эбтэй эетэй байхые, арюун амидаралтай һуухые оролдожо байг, тиигээгүй хүнүүд Эзэн Бурханиие харахагүй.

Пётрой 1-дэхи хандалга 1:16

«Таанад арюун нангин байгты, юуб гэбэл, Би арюун нангинби», – гэжэ Нангин Бэшэг соо хэлэгдэнэ.

Пётрой 2-дохи хандалга 3:13

Тиихэдэ бидэ Бурханай найдуулһан ёһоор ажамидарха шэнэ огторгой ба шэнэ газар дэлхэй хүлеэжэ байнабди.

Иоаннай 1-дэхи хандалга 2:20

Таанарта Арюун Һүлдэ Бурханһаа үгтөө, тиимэһээ таанар бүхы юумэ мэдэнэт.

Иоаннай 1-дэхи хандалга 2:27

Бурханай таанадта үгэһэн Арюун Һүлдэ сэдьхэлдэтнай байна, тиимэһээ таанарые хэн нэгэнэй һургаһанай хэрэгынь үгы. Арюун Һүлдэ үнэн зүб юумэ хэлэнэ, худал юумэ хэлэнэгүй, тиигэжэ таанарые бүхы юумэндэ һургана. Арюун Һүлдын һургаһан ёһоор таанар Христоостой нэгэн хамта байгты.

Гэршэлгэ 21:27

Бузарлагдаһан ямаршье юумэн тэрэ хотодо орохогүй, гутамшаг муухай юумэ хэгшэд, мэхэ гохо гаргагшад тэрэ хотодо орохогүй. Үргэлэй Хурьганай амидаралай ном дэбтэртэ нэрээ бэшүүлһэн хүнүүд лэ тиишэ оруулагдаха.