Исай 35:6 - Библи

⁶ Дохолон хүн буга мэтэ собхоржо эхилхэ, хэлэгүй хүн баяртайгаар хашхарха. Уһан элһэн сүл губяар урдаха.

Исай 35:6 ပူးပေါင်းရင်းမြစ်များ

Нэхэмьяа 9:15

Та тэдэнэртэ үл залгахыень огторгойһоо хилээмэ, шулуун хабсагайһаа уһа гаргажа, ундыень харяагаалта. Та тэдэнэртэ үгэхэб гэжэ гараа үргэн тангариглаһан газар руу ошожо, эзэлэн абахыень айладаалта.

Псалманууд 46:4

Тэрэ бидэн доро арадуудые, ула доромнай арад зониие оруулаа.

Египедһээ гаралга 17:6

Тэндэ, Хорээб хада дээрэ, Би урдаш хабсагай дээрэ байлсахаб. Хабсагай ёборходош уһан дэлбэрэн гараха. Зон уһа уужа садаха, – гэжэ Эзэн Моисейе зонхилбо. Моисей айладхалыень Израилиин ахамад тэргүүтэнэй хараһаар байтар бүтээбэ.

Исай 30:25

Дайсадые олоор алаһан, хэрэмүүдэйнь унаһан тэрэ агууехэ үдэр хада уула бүхэнһөө, гүбээ бүхэнһөө уһан урдаха.

Исай 32:2

Эдэ удамаршадай хүн бүхэниинь һалхинһаа хорохо газар, шуурганһаа халхалха халхабша мэтэ, хуурай газараар урдагша уһанай һубаг, ангаһан-хатаһан газарта үндэр хабсагайн һүүдэр мэтэ болохо.

Исай 32:4

Яарадаг зоной ухаан номгорхо, һанаһанаа ойлгуулжа шададаггүйшүүл эли тодоор хэлэдэг болохо.

Исай 33:23

Аргамжануудтнай һула болоо, далбагын модо баринагүй, далбагануудые татаха арга байхагүй. Баян эд баялиг хубаарилагдаха, дохолоншье хүн зөөри буляан абахал.

Исай 35:1

Зэлүүд хооһон газар, хуурай сүл губи баярлан, тэндэ сэсэгүүд һалбархал.

Исай 42:11

Элһэн сүл губи, хотонуудынь Бурханиие магтаг лэ, Кэдаарай улад зон Тэрэниие магтаг, Сээлын ажаһуугшад уулын оройһоо баярлан хашхарха болтогой!

Исай 44:3

Ангаһан-хатаһан газарта Би уһа адхахаб, хуурай газар дээгүүр гол горхо урдахуулхаб. Би таанадай үри ашанар дээрэ Өөрын Һүлдэ адхажа, уг удамдатнай Өөрын юрөөл хүртөөхэб.

Исай 48:21

Эзэн Бурханай Өөрын арад зониие элһэн сүл губяар хүтэлэн ябахада, тэдэ ангажа зобоогүй. Бурхан хабсагайһаа тэдээндэ уһа гаргажа, хадые хахалан, уһа урдахуулаа.

Исай 51:3

Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Ёһээл 3:18

Тэрэ үдэр хада уулаһаа үзэмэй дараһан архи дуһалжа, гүбээнүүдһээ һүн урдаха, Иудын бүхы горхонууд уһаар дүүрэхэ. Эзэнэй үргөөһөө булаг орьёлон, Шиттиимэй хүндые уһалхал.

Захарияа 14:8

Тэрэ үдэр амидаралта уһан Иерусалимһаа урдан гаража, хахад уһаниинь зүүн зүгэй далайда, хахад уһаниинь баруун зүгэй тэнгис далай тээшэ урдаха. Урасхалынь үбэл, зун таһалгаряагүй урдаха.

Малаахи 4:2

«Гэбэшье Минии нэрын урда һүгэдэдэг хүнүүдэй түлөө үнэн шударгын наран мандажа, эдэгээгшэ туяа гийгүүлхэл. Таанад хашаанһаа гүйжэ гараһан тугал шэнги сүлөөтэй хүхюу харайлдахат.

Тоололго 20:11

Моисей гараа үргэжэ, тэрэ дулдыгаар байсын шулууе хоёр дахин тоншобо. Тэрэ шулуунһаа уһанай ехээр урдахада, тэндэ байһан хүнүүд болон үхэр мал уһа уужа, ундаа харяабад.

Матвей 12:22

Нэгэтэ хүнүүд ада шүдхэртэ барюулһан дээрэһээ һохор, хэлэ амагүй хүниие Иисүүстэ асарба. Иисүүс тэрэ хүниие эдэгээбэ: тэрэ юумэ хэлэдэг, харадаг болобо.

Матвей 21:14

Һүмэдэ Иисүүстэ һохор дохолон хүнүүд ерэбэ, Иисүүс тэдэниие эдэгээбэ.

Лука 1:64

Тэрэ дары Захарияагай аман нээгдэжэ, хэлэниинь табигдажа, тэрэ Бурханиие магтажа оробо.

Лука 11:14

Иисүүс нэгэ хүндэ шэгэһэн хэлэгүй ада шүдхэрые бэеһээнь зайлуулба. Ада шүдхэрэй гарахада, тэрэ хүн дуугардаг болошобо. Улад зон ехэтэ гайхалдаба:

Хэрэгүүд 3:2

Һүмын «Үзэсхэлэнтэ» гэгдэдэг хаалгын хажууда түрэхэһөөн дохолон хүниие үдэр бүри асаржа һуулгадаг байгаа. Тэрэ хүн Һүмэ руу ерэһэн зонһоо юумэ гуйраншалдаг һэн.

Хэрэгүүд 8:7

Олон ада шүдхэрнүүдынь оог хашхараа табин гаража, олон саа үбшэнтэн болон дохолон хүнүүд эдэгэбэ.

Колоссынхидтэ 3:16

Христоосой һургаал ажамидаралайтнай гол хүтэлэгшэнь болог лэ. Бэе бэеэ ухаатайгаар, бодомжотойгоор һургажа, заабарилжа байгты. Бурханда баяр хүргэн, псаломууд, магтаалнууд, арюун нангин дуунуудые дуулажа байгты.

Гэршэлгэ 22:1

Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.

Гэршэлгэ 22:17

Арюун Һүлдэшье, хадамай басаганшье: «Ерэ!» – гэнэд. Шагнажа байгаашашье: «Ерэ!» – гэг. Ундаа ехээр хүрэгшэдшье ерэг! Амидаралгын уһа абаха дуратайшуул ерэжэ, тэрэ уһа миинтэ абаг лэ!