Исай 35:2 - Библи

² Зэлүүд хооһон газар сэнгэн баясажа, баяртайгаар хашхаран хуугайлан байха. Ливаанай хада ууладал энэ угаа һайхан, Кармээл болон Шарооной таряалангуудтал үрэжэлтэ баян болохо. Хүн бүхэн Эзэнэй ялас гэмэ оршол, һүр жабхалан адаглан хараха.

Исай 35:2 ပူးပေါင်းရင်းမြစ်များ

1 Угай бэшэг 16:33

Тала газар болон дээрэнь байгааша бүхы юумэн баярлана, ойн модод бултадаа баясан дуулана, Эзэнэй урда! Юуб гэбэл, Тэрэ заларан ерэжэ байна, газар дэлхэйе шүүбэрилхээр заларжа байна.

1 Угай бэшэг 27:29

Шароондо бэлшэдэг эбэртэ бодо малай түлөө энэ нютагай Шитрай; харин Шитрай голой мал – Адлайн Шапаат;

1 Угай бэшэг 5:16

Тэдэ Галаадта, Башаанда, хажуугаархи һууринуудтань, Шарооной бэлшээри газарнуудаар холын заха хүрэтэрынь ажаһуугаа.

Псалманууд 50:2

Давидай Бат-Шээбэтэй унтаһанай дараа лүндэншэ Натаан тэрээн руу ерээ һэн, тиихэдэ Давид энээниие зохёогоо бэлэй.]

Псалманууд 72:16

Юундэ иимэ гээшэб даа гэжэ ойлгохые би һэдээб, энээнтэй эбсэхэнь намда хүндэ байгаа.

Псалманууд 72:19

Хосоролынь гэнтэ ерэхэ! Тэдэ үхэхэ, эсэсынь угаа муухай байха.

Псалманууд 89:12

Үдэрнүүдээ яажа тоолохыемнай һургыт, сэсэн ухаатай байхыемнай үршөөгыт.

Псалманууд 97:6

Бүреэ болон эбэр бүреэ дуугарган, Эзэн Хаанай урда баясан байгты!

Египедһээ гаралга 16:7

Үглөөдэр үглөөгүүр Эзэнэй һүр соло харахат. Юуб гэхэдэ, таанадай гэмэрэлдээн Тэрээндэ дуулдаба. Харин бидэ хэн гээшэбибди? Юундэ манда гэмэрхэ болобот?

Дуунай дуун 2:1

Бардамай нэгэн би бэшэб. Харин би Шарооной талын сарнай, уулын зэрлиг сараана мүн!

Дуунай дуун 7:5

Хүзүүншни заанай яһан самхаг мэтэ. Нюдэншни Бат-Рабим хаалгын хажуудахи Хэшбоон хотын сөөрэмэй гүн уһан мэтэ тунгалаг. Хамаршни Дамааск хотын дээгүүр омог бардам шэртэһэн Ливаан уулын орьёл мэтэ.

Исай 25:9

Эдэ бүгэдын тохёолдоһон үдэр зон иигэжэ хэлэхэ: «Энэл даа, манай Бурхан! Тэрээндэ этигэн найдаа бэлэйбди, тиихэдэмнай Тэрэ маанадые абараа. Энэл даа, Эзэн! Бидэ Тэрээндэ этигэн найдаа һэмди, маанадые абарһандань баясан сэнгэел!»

Исай 27:6

Ерэхэ сагта Израилиин улад зон, Яковай үри һадаһад, модон мэтэ үндэһэлжэ, сэсэглэжэ, үрэ үгэхэ. Бүхы юртэмсэ тэдэнэй жэмэсээр дүүрээд байхал.

Исай 32:15

Гэбэшье Бурхан бидэндэ дээрэһээ Һүлдөө дахин эльгээхэ. Тиихэдэнь зэлүүд хооһон газар үрэжэл шэмэтэй болохо, таряалангуудаар баян ургаса ургаха.

Исай 33:9

Газар гашуудан хатаба. Ливаанай ой модоной набша уршын хатана, Шароон гэдэг үрэжэлтэ һайн газар элһэн сүл губидал адли болоо, Башаан ба Кармээлдэшье мододой набша шарлан унана.

Исай 35:10

Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Исай 40:5

Тиихэдэ Эзэнэй алдар солонь эли болон тодорхо, бүхы зон тэрэниие хараха. Юуб гэхэдэ, Өөрөө Эзэн иимэ юумэн болохо гээд найдуулаа бшуу».

Исай 40:9

Иерусалим, үндэр хада уула өөдэ гаража, һайн мэдээ соносхо! Сион, хоолойгоо шангадхан, һайн мэдээ дуулга! Соносхогты, бү айгты! Иудын хан түрын хотонуудта Бурханайнь заларан ерэжэ байһые дуулгагты!

Исай 41:19

Элһэн сүл губи газарта хуша, акаци, мирт, чидун модо тарихаб. Зэлүүд хооһон, үрэжэлгүй газарта арса, жодоо, нарһан модо ургуулхаб.

Исай 49:13

Огторгой, баярлан дуула! Газар, баясан хашхара! Ууланууд, бахархан дуулагты! Юуб гэхэдэ, Эзэн Өөрын арад түмэниие номгоруулжа, зобоһон арад түмэнөө хайрлаа.

Исай 6:3

Нэгэнь нүгөөдэдөө хашхаран: – Түмэн Сэрэгтэ Эзэн нангин, нангин, нангин! Тэрэнэй алдараар бүхы газар дэлхэй дүүрэнхэй! – гэжэ хэлэжэ байба.

Исай 60:13

Минии нангин үргөөе, Иерусалим, шамайе үзэсхэлэн һайхан, һүр жабхалантай болгохын тула нарһан, арса, жодоо модод – Ливаанай ойн эгээл үнэтэй модод шам руу асарагдаха.

Исай 60:19

Энээнһээ хойшо үдэртөө наранай гэрэл, һүниндөө һарын туяа шамда хэрэгтэй бэшэ болохо, Би, Эзэн, шинии хэтэ мүнхын гэрэл туяа болохоб, Минии алдар солын гэрэл таанадые гэрэлтүүлхэ.

Исай 60:21

Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.

Исай 61:3

Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Исай 66:10

Иерусалимда дуратай зон, тэрээнтэй баясан сэнгэгты! Тэрэнэй түлөө һанаагаа зобогшод, булта тэрээнтэй хамта баясан жаргагты!

Исай 66:14

Энээниие харахадаа, сэдьхэлтнай баясаха, бэе тамиртнай зүлгэ ногоондол һалбаран, элүүр энхэ болохот. Минии, Эзэнэй, үгэ дуулагша зондо туһалдагыем, дайсадтаа уур хилэнгээ харуулдагыем ойлгохот».

Һошээ 14:5

Эзэн иигэжэ айладхана: Өөрын арадые һөөргэнь бусаахаб, үнэнхэ зүрхэнһөө тэдэндэ дурлахаб. Би тэдээндэ бэшэ уурлахагүйб.

Аввакуум 2:14

Юуб гэбэл, уһан далайе дүүргэдэгтэл, газар дэлхэй хадаа Эзэнэй алдар тухай мэдэсээр дүүрэнхэй байха.

Захарияа 10:7

Эпрааим хүсэрхэг эрэ боложо, үзэмэй дараһан архи ууһан мэтэ баясаха. Хүүгэдынь энээниие харахадаа хүхижэ, тэдэнэй зүрхэ сэдьхэлые Эзэн баярлан хөөрүүлхэ.

Иоанн 12:41

Исай юундэ тиигэжэ хэлээб гэбэл, Иисүүсэй хүсэ шадалые үзэһэн, хараһан байгаа.

Иоанн 17:24

Эсэгэмни аа! Танай үгэһэн хүнүүдэй Намтай хамта Минии ошохо газарта байхыень хүсэнэб. Юртэмсэ дэлхэйн бии болохоһоо урда Та Намда дуратай байжа, Намда олгоһон алдар солыетнай тэдэнэр хараг лэ.

Хэрэгүүд 9:35

Энэ бүхэниие хараһан Лидда ба Шароон хотонуудай зон Эзэндэ этигэбэ ха.

Римэйхиндэ 10:15

Тиихэдэ номногшодые ябуулаагүй һаа, яажа мэдээсэлые номнолтойб? «Һайн Мэдээсэл дэлгэрүүлэгшын алхамууд хэды дэмбэрэлтэйб», – гэжэ Нангин Бэшэг соо хэлэгдэнэ.

Римэйхиндэ 15:10

«Бусад яһатад, Бурханай арадтай хамта баярлагты», – гэжэ баһа бэшээтэй байдаг.

Коринфынхидтэ 2-дохи 3:18

Тиимэһээ бидэ булта халхалагдаагүй нюураараа Эзэнэй алдарые харанабди. Эзэнэй Һүлдэ Эзэнэй алдарта бүри ойртуулан маанадые хубилгана.

Коринфынхидтэ 2-дохи 4:6

«Гэрэл туяагай харанхыһаа гэрэлтэхэнь болтогой», – гэжэ Бурхан хэлээ. Мүнөө тэрэл Бурхан манай сэдьхэлдэ гэрэлтэжэ, Христоосто оршожо байһан Бурханай алдарай мэдээгээр бидэниие гэгээрүүлээ.

Нүүнэй Иисүүс 19:26

Аламмээлэх, Амаад ба Мишаал; тиигээд хилэ баруун талаһаань Кармээлдэ, Шиһоор-Либнаадта тулгана;

Гэршэлгэ 21:23

Хотын һаруул гэрэлтэй байхын тула нара, һарашье хэрэггүй байгаа, юундэб гэбэл, Бурханай алдар солонь хотые гэрэлтүүлээ. Хурьган Тэрэнэй дэнгынь мүн.