Исай 35:10 - Библи

¹⁰ Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Исай 35:10 ပူးပေါင်းရင်းမြစ်များ

Псалманууд 107:2

Бурхан, зүрхэмни Тандаал үнэн сэхэ. Дуу дуулахаб, магтаал татахаб! Сэдьхэлни!

Псалманууд 126:2

Таанар дэмы эртэ бодожо, орой болотор унтанагүйт. Ажаллажа олоһон хоолоо зоогложо байгаашадта, Өөрын дуратай зондо Эзэн нойр бэлэглэнэ.

Псалманууд 126:5

Тэдээр һаадагаа дүүргэгшэ хүн угаа юрөөлтэй. Тэрэ хаалгануудай хажууда дайсадтай мүргэлдэбэл, эшэхэ байдалда орохогүй.

Псалманууд 51:8

Зүб шударга зон хараад айха, наада барижа, иигэжэ хэлэхэл:

Псалманууд 84:7

Танай өөһэдтэйнь байһанда арад түмэнэйнгөө баясахын тула маанадые дахин һэргээхэгүй юм гүт?!

Исай 1:27

Үнэн шударга хэрэгүүдээрээ Иерусалим абарагдаха, гэмшэжэ, гэмээ мэдэрһэн зон үнэн зүб хэрэгүүдээрээ өөһэдтөө абарал буулгаха.

Исай 25:8

Эзэн Бурхан үхэл хаталые хэтын хэтэдэ усадхаха. Бүхы зоной нюурһаа Тэрэ нулимса аршажа, Өөрын арад түмэнэй нэрээ гутааһан ушарые бүхы дэлхэйгээр зайлуулха. Энээн тушаа Өөрөө Эзэн айладхаа бэлэйл.

Исай 30:19

Сион дээрэ, Иерусалимда ажаһуугша арад! Танай нёлбоһод хатаха. Абарал тушаа гуйхадатнай, Эзэн таанадта туһалха, таанадые дуулажа, харюу үгэхэ.

Исай 35:2

Зэлүүд хооһон газар сэнгэн баясажа, баяртайгаар хашхаран хуугайлан байха. Ливаанай хада ууладал энэ угаа һайхан, Кармээл болон Шарооной таряалангуудтал үрэжэлтэ баян болохо. Хүн бүхэн Эзэнэй ялас гэмэ оршол, һүр жабхалан адаглан хараха.

Исай 41:14

Жаахан, хүсэгүй Израиль, бү ай, Би шамда туһалхаб. Би болбол Израилиин арюун Бурхан, таанадай Абарагша мүн.

Исай 41:16

Таанад тэдэниие һагшажа, һалхин хиидүүлжэ, шуурган тарааха. Тиихэдэнь Минии танай Бурхан байһанда баясажа, Израилиин арюун Бурхан болохо Намайе магтан байхат.

Исай 60:20

Голхорхо сагшни түгэсэхэ. Би, Эзэн, шамда хэтэ мүнхын гэрэл болохоб, нара, һарада орходоо далда оронгүй, хододоо байхаб.

Исай 61:7

Доромжолуулдаг сагтнай дүүрээ. Таанад өөһэдынгөө газар дайда дээрэ ажаһуужа, хоёр дахин ехээр эд баялигтнай нэмэхэ, хэтэ мүнхэдөө баясан баярлан байхат.

Исай 65:18

Таанад Минии бүтээжэ байгаа юумэндэ хүхилдэн, хэтэ мүнхэдөө баясан байхат. Минии бүтээжэ байгааша Иерусалим хүхюун зугаагаар билтаржа, арад зониинь баяраар халин байха.

Исай 65:19

Иерусалимда баярлан, арад түмэндөө баясажа байхаб. Тиигээд тэндэ уйлаха, туһа эрин орилхо абяан саашадаа бэшэ дуулдахагүй.

Исай 9:3

Бурхан, Та үндэһэ яһатаниие олошоруулаат, ехэ баяр тэдээндэ түхөөгөөт. Зон олзо хубааха үедэ баярладаг мэтэ, Танай урда ургаса хуряан баярлана.

Ерэмияа 30:19

Тэндэ ажаһуугшад магтаал дуулаха, баясан-сэнгэн хашхаралдаха. Минии үршөөхэдэ, тэдэ олошорхо. Минии дээгүүр үргэхэдэ, тэдэ доромжолуулхаяа болихо.

Ерэмияа 33:11

баяр, хүхилдөөнэй, түрэ хуримай абяануудые соносохот. Зоной дуу дуулахые шагнахат. Тэдэ хадаа баяр баясхалан хүргэн, Минии Һүмэ соо үргэл хэхэ. Тэдэ иигэжэ хэлэн байхал: «Түмэн Сэрэгтэ Эзэндэ баясхалан хүргыт. Тэрэ хадаа угаа һайн. Тэрэнэй үршөөл хайра мүнхэ». Би энэ орон нютагые урданайхидань адли амжалта түгэс болгохоб. Энэ болбол Би, Эзэн, айладхана мүн!

Матвей 20:28

Хүн түрэлхитэнэй Хүбүүн хүнүүдые зарахаяа ерээ бэшэ, харин бусад уладта алба хэхэеэ, мүн үнэтэ ами наһанайнгаа сэнгээр олон хүнүүдые абархаяа ерээ, – гэбэ.

Иоанн 16:22

Тэрээндэл адляар мүнөө таанадшье уйданат, харин дахин таанараа харахадамни зүрхэ сэдьхэлтнай баяраар дүүрэхэ, тэрэ баясхалангыетнай хэншье бууруулжа шадахагүй.

Гэршэлгэ 18:20

Огторгой тэнгэри, Бурханай хүнүүд, элшэд, лүндэншэд, энээндэ хүхин баясыт! Таанарай түлөө тэрэ ниислэлые Бурхан хэһээгээл!»

Гэршэлгэ 21:4

Бурхан тэдэ хүнүүдэй нюдэнһөө гараһан дуһал нулимса бүхэниие аршаха. Үхэлгэ хосоролгошье саашадаа байхагүй, уйдхар гашуудал, орилолдоон бархиралдаан, үбдэлгэ хабдалгашье саашадаа байхагүй, ушарынь гэбэл, урданай бүхы юумэн урдажа ошоо».