Исай 33:20 - Библи

²⁰ Сион руу харыт! Найр наадаяа һайндэрлэдэг хото руугаа харыт! Иерусалим руу анхаралаа хандуулан ажаглыт! Ямар энхэ амгалан газар, хэзээшье хухархагүй гадаһануудтай, нэгэшье аргамжань таһархагүй майхандал адли тэрэ гээшэб!

Исай 33:20 ပူးပေါင်းရင်းမြစ်များ

Псалманууд 128:5

Сиониие үзэн ядагшад бултадаа эшхэбтэр байдалда орожо, һөөргэлэг лэ.

Псалманууд 46:5

Тэрэ маанадта дуратай Яковай һүр жабхалангаа – уг залгамжалан дамжуулха газар шэлээл. [Хүгжэм]

Псалманууд 46:6

Эзэн Бурхан хашхарха дуунай дунда, бүреэгэй абяан доро дээшээ залараа!

Исай 32:18

Бурханай арад түмэн һанаа амархан, энхэ тайбан, аюул гээшые мэдэнгүй гэрнүүдтээ ажамидарха.

Исай 33:6

Тэрэ танай ажабайдалда найдамтай аршалалта болохо. Үршөөдэг эрдэни зэндэмэнинь – мэргэн ухаан, эрдэм мэдэсэ, Өөрһөөнь түбэгшөөлгэ.

Исай 37:33

Ассириин хаан тушаа Эзэн айладхаба: Тэрэ энэ хото руу орохогүй, тиишэнь ном годлинуудаа харбахагүй. Хотын урдаһаа бамбай бариһан сэрэгынь ерэхэгүй, бүһэлүүр обоошье бодхоохогүй!

Исай 4:5

Тиигээд Сионой уулаар болон тэндэ сугларагшад дээгүүр Эзэн үдэртөө үүлэ, һүниндөө утаа, дүлэлзэһэн гал түхөөхэ. Эзэнэй алдар соло бүхы хотые бүрхөөн, халхалан байха.

Исай 54:2

Майхангаа үргэдхэгты! Һарабша татагты! Аргамжануудаа утадхажа, гадаһыень бүхэлэгты!

Исай 66:14

Энээниие харахадаа, сэдьхэлтнай баясаха, бэе тамиртнай зүлгэ ногоондол һалбаран, элүүр энхэ болохот. Минии, Эзэнэй, үгэ дуулагша зондо туһалдагыем, дайсадтаа уур хилэнгээ харуулдагыем ойлгохот».

Эзэкээл 48:35

Бүхыдөө хотын хана арбан найман мянган тохой ута байха. Хото болбол «Эзэн эндэ бии!» гэдэг шэнэ нэрэтэй болохо юм.

Эзэкээл 48:8

Иудын обогой газарай удаа, урагшаа, тусхай хуби газар байха. Тэрэнэй утань хорин табан мянган тохой, үргэниинь бусад хуби газарнуудтай адли байха. Тэрэ тусхай хуби газар дээрэ Минии нангин үргөө оршохо.

Матвей 16:18

Тиимэһээ Би шамда хэлэнэб: ши, Пётр – шулуун гээшэш, тиин Би энэ шулуун дээрэ Өөрынгөө һүзэглэгшэдэй бүлгэмые бодхоохоб, тэрэнииемни үхэлшье өөрөө диилэхэгүй.

Хуули дабталга 12:5

Эзэн Бурхантнай бүхы обогуудайтнай газар дайдада Өөрынгөө һуури шэлэн тодорхойлжо, тэндэ Өөрынгөө нэрэ баталха. Мүргэхэеэ таанад гансал тиишээ ерэхэ ёһотойт.

Хуули дабталга 16:16

Танай үндэһэ яһанай бүхы эрэ зон Эзэн Бурханайнгаа нангин үргөөдэ жэлдээ гурба дахин ерэхэ ёһотой: Паасхын, Ургаса хуряалгын һайндэр болон Майхангуудай һайндэрнүүдэй үедэ. Ерэхэдээ, Эзэнэй урда гар хооһон бү ерэгты.

Гэршэлгэ 3:12

Илагшые Би Өөрынгөө Бурханай Һүмэ доторхи бахана тулгань болгохоб, тиин тэрэ илагша хэтэ заяандаа тэндэ үлэхэ. Бурханайгаа нэрые, Минии Бурханай үршөөлөөр тэнгэриһээ бууха Бурханайгаа хотын, шэнэ Иерусалимай нэрые, мүн Өөрынгөө шэнэ нэрые тэрэ Һүмын бахана дээрэ бэшэхэб.