Исай 33:16 - Библи

¹⁶ Тиимэ зон амар амгалан ажаһууха. Хабсагайн саана байһандал, тэдэ аюул гээшые мэдэнгүй ажамидарха, эдихэ эдеэтэй, ууха ундатай хододоо байха.

Исай 33:16 ပူးပေါင်းရင်းမြစ်များ

3 Хаан түрэнүүд 19:6

Элияагай харахада, толгойнь хажууда халуун шулуунууд дээрэ хилээмэн, амһарта соо уһан байба. Тэрэ эдеэлээд, ундалаад, дахин унташаба.

Псалманууд 111:5

Һайн хүн нигүүлэсхы сэдьхэлтэй, зээлеэр үгэдэг, י Ёд зарга шүүбэридэ зүб шударгаар хэрэгээ баталдаг. כ Каап

Псалманууд 15:1

[Давидай шүлэг.] Бурхан, намайе хамгаалыт! Хорохо газар Танһаал бэдэрнэлби.

Псалманууд 33:18

Дуудаһан зониие Эзэн соносодог, ямаршье гай гасаланһаа абардаг. ק Кооп

Псалманууд 34:10

Минии бүхы бэе иигэжэ хэлэнэ: «Эзэн! Хэн Тантай адлиб? Хүсэгүйе хүсэтэйһөө, үгытэйе, ядууе дээрмэшэдһээ абараат!»

Псалманууд 37:3

Юуб гэхэдэ, годлинуудтнай намайе нэбтэ харбаа, гартнай намайе доошоо дарана.

Псалманууд 62:7

Би орондоо Таниие һанахадаа, бүхэли һүни Тан тухай бодоноб.

Псалманууд 90:1

Ши, Дээдэ Бурханай халхабша доро ажаһуугша, Түгэс Хүсэтэ Бурханай һүүдэр доро амидарагша,

Псалманууд 91:14

Эзэнэй нангин үргөө соо һуулгагданхай, Бурханаймнай хашаа соо тэдэ сэсэглэнэ.

Һургаал 1:33

Харин намайе шагнадаг хүн аюулгүй байжа, гай тодхорһоо айнгүй амгалан тайбан һууха».

Һургаал 10:9

Үнэн шударга замаар алхагша аюулһаа зайладаг, гажуу харгыда гараһан хүн эсэстээ элишэлэгдэдэг.

Һургаал 18:10

Эзэнэй нэрэ бата бэхи хэрэм. Үнэн шударга хүн тиишээ тэрьелээд, абаралта олоно.

Исай 25:4

Та үгытэйшүүлдэ хамгаалалтань, ядуу зондо түшэг тулгуубаринь боложо, шуурганһаа хоргодохо газар, халуунһаа халхалха һүүдэрынь болоо бэлэйт. Хэрзэгы дайсадай добтолгонь шулуун ханын урдаһаа ороһон бороо шуургандал һэн.

Исай 30:20

Эзэн таанадта уйдхарай эдеэ эдюулээшье һаа, зоболонгой уһаар ундалуулаашье һаа, саашадаа хоргодохогүй, нюдөөрөө Багшаяа харахат!

Исай 32:18

Бурханай арад түмэн һанаа амархан, энхэ тайбан, аюул гээшые мэдэнгүй гэрнүүдтээ ажамидарха.

Исай 49:10

Тэдэ гэдэһээ үлдэхэгүй, ангахагүй, ааяма халуунда, наранда ядархагүй. Юуб гэхэдэ, тэдэниие Энэрэгшэнь хүтэлжэ, уһанай сөөрэмүүд руу дахуулха.

Исай 58:14

таанад Намда мүргэжэ, баярта хүртэхэт. Би таанадые хада ууланууд өөдэ гаргахаб, элинсэг эсэгэтнай болохо Яковта Минии үгэһэн орон нютагаар сэдьхэлээ ханан байхат. Энэ болбол Би, Эзэн, айладхана мүн!»

Ерэмияа 37:21

Тиигэжэ Цэдэкиия хаан намайе ордоной досоо хашаа соо хаахые захирба. Би тэндэ байжа, үдэр бүри намда нэгэ зүһэм хилээмэ үгэдэг байгаа. Хото соо бүхы эдеэ хоолой дууһатар намда зүһэм хилээмэ үгэжэ байгаа.

Ёһээл 3:16

Эзэн Сионһоо нэерэн, Иерусалимһаа дуугаа шангадхаха. Газар тэнгэри шэшэрхэ. Гэбэшье Эзэн арад түмэнэйгөө хорохо газар, Израилиин хүбүүдэй бата тулга болохо.

Аввакуум 3:19

Эзэн Бурхан – минии хүсэ шадал. Тэрэ хүлыем һогооной хүл мэтэ болгожо, үндэр газарнуудаар намайе ябуулхал! Дуунай бүлэгэй хүтэлбэрилэгшэдэ: хүбшэргэйтэ зэмсэгэй дууряалга доро.

Матвей 6:11

Ажамидаралаймнай хоол мүнөөдэр мандаа хайрлыт!

Хуули дабталга 33:29

Буянтайш, Израиль! Эзэнэй хамгаалдаг шамдал адли арад байхагүй! Эзэн – шамайе аршалдаг бамбай, алдар солыншни һэлмэ. Дайсадшни шинии урда дохин байха, нюргыень ши дэбһэхэш.