Исай 33:14 - Библи

¹⁴ Сионой нүгэлтэй зон айба, бурхангүйшүүл шэшэрбэ: «Залгидаг гал дотор хэмнай амидаржа шадахаб, хэтэ мүнхэдөө соробхилдог дүлэн дотор хэмнай амидаржа шадахаб?!»

Исай 33:14 ပူးပေါင်းရင်းမြစ်များ

Иоов 18:11

Тиимэ хүн аюул аймшагта бүһэлэгдэн, гараха газаргүй болоно.

Псалманууд 11:6

Эзэн «Үгытэйшүүлэй хооһорхо, ядуу зоной ёолохо абяанһаа боложо Би мүнөө бодохоб. Хүсэһэнэйнь ёһоор аюулгүй газарта абаашахаб!» гэнэ.

Псалманууд 21:9

«Тэрэ Эзэндэ этигэдэг байгаа, тиимэ хадань Эзэниинь лэ абараг! Тэрээндэ Эзэн дуратай һаа, абараг!»

Псалманууд 50:3

Бурхан, энэрэл хайраараа Та намайе хайрлыт! Үршөөл ехэтэй Та алдуу эндүүем арилгыт!

Псалманууд 53:5

Юуб гэбэл, хари зон урдаһаам эсэргүүсэн бодоол, хэрзэгышүүл намайе алахаа бэдэрнэ. Өөһэдын урда Бурханиие заладаггүйшүүл тэдэ мүн. [Хүгжэм]

Һургаал 28:1

Муу хүн хүнэй мүрдөө мүшхөөгүй байхада зугадажа ябадаг, үнэн шударга хүн арсалан шэнги доро зүрхэтэй.

Исай 1:28

Буһалгаалагшад, нүгэлтэй зон усадхагдаха, Эзэниие мартагшад һалаха.

Исай 10:16

Тиимэһээ шанга баатарнуудыень хэһээхын тула Түмэн Сэрэгтэ Эзэн үбшэ хабша эльгэхэеэ байна. Тэдэнэй бэе махабадта гал дүлэн аһажа байһандал болохо, тэдэ шатаха-зобохо.

Исай 10:6

Би Ассириие бурхангүй үндэһэтэнэй урдаһаа, Минии уур хилэн хүдэлгэһэн арад түмэнэй урдаһаа ябуулхаб. Дээрмэдэхэ, тонохын тула, гудамжын шабар шабхай мэтээр зониие гэшхэхын тула эльгээхэб».

Исай 29:13

Эзэн иигэжэ айладхаа: «Энэ улад зон Намда зальбарна, теэд үгэнүүдынь удхагүй хооһон, тэдэ хэлэ амаараа Намайе хүндэлнэ, харин зүрхэ сэдьхэлдээ Нам тухай огто бодоногүй. Тэдэнэй шүтэхэ зүйлынь гэбэл, гансал зоной ёһонууд, заншалнууд.

Исай 29:6

Түмэн Сэрэгтэ Эзэн аянга буулган, газар хүдэлгэн, ехэ дуу шуугаар, хуй һалхяар, шуургаар, түймэрэй галаар таанадые абарха.

Исай 32:11

Таанад ехэ хүнгэн, сүлөөхэн ажаһуугаат, харин мүнөө айн шэшэрыта! Хубсаһаа тайлан нюсэгэлжэ, бэлхүүһээрээ таар орёогты.

Исай 34:9

Эдоомой голнууд дабирхай боложо, хүрьһэтэ газарынь шатажа байһан хүхэр болон хубилха. Иигэжэ энэ орон нютаг шатажа байһан дабирхайдал адли болохо.

Исай 47:14

Тэдэ һолоомо мэтэ боложо, галда дүрөө! Өөһэдыгөөшье абаржа шадаагүй! Дулаасаха согшье, хажуудань һууха галшье үлөөгүй.

Исай 5:24

Тиимэһээ тэдэнэй үндэһэн һолоомын болон хатаһан үбһэнэй гал дүлэндэ шатаһандал адли хосорхо, тэдэнэй сэсэг хатажа, хумхаа тооһон болохо, юундэб гэхэдэ, тэдэ Түмэн Сэрэгтэ Эзэнэй Хуули буруушаагаа, Израилиин арюун Бурханай үгэнүүдые тоогоогүй.

Исай 66:24

Гэртээ харихаяа гаража байхадаа тэдэ Минии урдаһаа эсэргүүсэһэн зоной хүүрнүүдые хараха. Тэдэниие эдигшэ хорхойнууд хэзээдэшье үхэхэгүй, тэдэниие шатаагша гал дүлэн хэзээдэшье унтархагүй. Бүхы зон жэрхэн, эдээниие харан байха».

Исай 7:2

Эпрааимай газар дайдада Араамай сэрэгэй ороод байһан тухай мэдээсэл Давидай гэр бүлэдэ дуулдахадань, Ахааз хаан арад зонтоёо хамта һалхинда найгажа байһан ойн модод мэтэ шэшэрэлдэн айба.

Исай 9:17

Тиимэ ушарһаа Эзэн өөрын арад түмэнэй залуу зон тушаашье һанаагаа табихагүй, үншэн хүүгэдые, бэлбэһэн эхэнэрнүүдыешье хайрлахагүй. Юуб гэбэл, тэдэ бултадаа Бурхангүй ба муу хэрэг үйлэдэгшэд, муу юумэ амалжал байгшад. Энээнэй удаашье Эзэнэй уур хилэн буурахагүй, зониие хэһээхэ гэжэ гарынь һунгаатай зандаал байха.

Исай 9:18

Зоной муу муухай ябадал гал мэтэ соробхилжо, үүргэнэ болон хадхуурта һөөгүүдые шатаана. Энэ хадаа ойн шэрэнгэ хүрэтэр носожо, дээшээ утаан бахана мэтэ хөөрэнэ.

Исай 9:19

Түмэн Сэрэгтэ Эзэнэй уур хилэн газар дэлхэйгээр хаа-хаанагүй бушаганаха, зониие шатаан һалгааха, хэншье хэнииешье хайрлахагүй.

Амоос 9:10

«Гай тодхор болохогүй, маанадта тэрэ хүрэхэгүй» гэжэ арад түмэнэйм дундаһаа хэлээшэ нүгэлтэд бултадаа һэлмээр сабшагдаха!

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Малаахи 3:2

«Гэбэшье Тэрэнэй ерэхэ үдэр хэн тэсэжэ гарахаб? Тэрэнэй үзэгдэхэдэ хэн зогсожо шадахаб? Тэрэ арюудхагша гал мэтэ, сэбэрлэгшэ сабан шэнги юм.

Матвей 18:8

Хэрбээ гарайшни гү, али хүлэйшни нүгэлдэ шамайе оруулаа һаань, тэдэнээ таһа сабшаад хая, хоёр гартайгаа, хоёр хүлтэйгөө залиршагүй галай тамада хаягданхаар, гаргүйгөөр гү, али хүлгүйгөөр хэтэдээ амиды ябабалшни дээрэ.

Матвей 22:12

тэрээндэ хандажа: «Нүхэр! Ши хуримай дэгэлгүйгөөр иишээ хайшан гээд орообши?» – гэжэ һураба. Теэд нүгөө хүниинь юушье дуугарбагүй.

Матвей 24:51

Тиигээд эзэн тэрэ зарасаяа зада сохёод, билдагуушадые хэһээдэг хэһээлтэдэ оруулха: тэндэнь хүнүүд бархиралдаха, шүдөө хабиралдаха.

Матвей 25:41

Тиигээд хаан Тэрэнэй зүүн талада байгаашадта хандан: «Бурханай хараалда хүртэгшэ таанад, Намһаа холо бологты! Шолмосто, мүн тэрэнэй эльгээмэлнүүдтэ бэлдээтэй хэтэ заяанай гал тамада ошогты!

Матвей 25:46

Тиигээд тэдэ буруутаһан зон хэтэ заяандаа хэһээгдэхэ, харин Бурханай һайшаалда хүртэһэн зон мүнхын амидаралда хүртэхэ.

Хуули дабталга 4:24

Юуб гэхэдэ, Эзэн Бурхантнай үрэбхилдэг гал дүлэн мэтэ, Тэрэ ондоо бурхадые тэсэхэгүй.

Еврейнүүдтэ 12:29

Ушарынь гэхэдэ, манай Бурхан үнэхөөрөө һүнөөдэг гал дүлэн гээшэ.

Гэршэлгэ 14:10

Бурханай уур сухалай аягаһаа Тэрэнэй уур сухалай холисогүй сэбэр үзэмэй дараһан архи ууха, тэдэ хүнүүдые арюун нангин Эльгээмэлнүүдэй урда, Үргэлэй Хурьганай урда асараад, гал түймэр руу, хүхэрэй хүхэ дүлэн руу хаяжа, тамалан хэһээхэ.

Гэршэлгэ 20:10

Тэдэ зониие мэхэлэгшэ шолмос дүрэжэ байһан дүүрэн хүхэртэй нуур худар хаюулаа һэн. Түрүүн тэрэ нуур руу арьяатан, хуурмаг лүндэншэ хоёр шэдүүлээ. Тэдэниие хэтын хэтэдэ, үдэр һүнигүй тэндэ зобоожо туляажа байха юм.