Исай 31:9 - Библи

⁹ Ехэ айн-һүрдэн, тэдэнэй хэрэм бутаран унаха, ударидагшадынь зугадаха, байлдаанай тугһаа айха. Энэ болбол Иерусалимда тахилгатай, Сион дээрэ үргэлэй галтай Эзэн тунхаглаа мүн!

Исай 31:9 ပူးပေါင်းရင်းမြစ်များ

Исай 10:16

Тиимэһээ шанга баатарнуудыень хэһээхын тула Түмэн Сэрэгтэ Эзэн үбшэ хабша эльгэхэеэ байна. Тэдэнэй бэе махабадта гал дүлэн аһажа байһандал болохо, тэдэ шатаха-зобохо.

Исай 10:17

Израилиин Гэрэл Бурхан гал дүлэн болохо. Израилиин арюун Бурхан гал дүлэн боложо, нэгэ үдэр тэдэниие – үүргэнэ, халаахайе шатааха!

Исай 11:10

Тэрэ үдэр Ишайн үри һадаһан арадуудта туг болохо, тэдэ арадууд тэрээн руу эрьехэ, оршодог газарынь алдар суутай болохо.

Исай 13:2

Нюсэгэн толгой дээрэ туг бодхоон намилзуулагты! Сэрэгшэд руу хашхаран захиралта үгэгты! Омог бардам хотын бартаануудта добтолон орохо тухай дохёо тэмдэг үгэн, гараараа зангагты!

Исай 17:13

Үндэһэтэдэй ехэ шууяан мантан долгинуудай хүүеэн мэтэ, теэд Бурханай тэдэниие зэмэлхэдэ, һалхинда хиидэһэн хада уулын тооһо шорой мэтэ, хуй шуурганай тооһон мэтэ туугдан, тэдэ аяар холуур хиидэнэ.

Исай 18:3

Юртэмсын улад зон, газар дэлхэй дээрэ ажаһуугша бүгэдэ зон! Гүбээнүүд дээрэ дохёо тэмдэг туг үргэгдэхэ, харахат! Бүреэгэй дуу шагнахат!

Исай 26:1

Иудын хан түрын газар дайдада иимэ дуу дууладаг болохо саг дүтэлжэ байна: «Манай хото хүсэтэй! Бурхан Өөрөө хана хэрэмынь болон хамгаалжа байна!

Исай 27:7

Дайсадтаал адляар тэдэ Эзэндэ хэһээгдээ бэшэ. Алууршадтаал адляар тэдэ Эзэндэ алуулагдаа бэшэ.

Исай 29:6

Түмэн Сэрэгтэ Эзэн аянга буулган, газар хүдэлгэн, ехэ дуу шуугаар, хуй һалхяар, шуургаар, түймэрэй галаар таанадые абарха.

Исай 30:33

Ассириин хааниие асари ехэ галда шатааха газар үнинэй бэлдэгдэнхэй. Тэрэ газар гүнзэгы, үргэн. Тэндэ үндэрөөр ябталаатай түлеэе шатаахын тула Эзэн гал дүлэ аманһаа гаргаха!

Исай 37:37

Ассириин хаан Сэннахэрииб сухарижа, гэр тээшээ тэрьедэн зугадаһаар, Нинэвээдэ бусаба.

Исай 4:4

Өөрынгөө галта хүсөөр Эзэн Сионой басагадһаа муу муухайень шүүбэрилэн угааха, Иерусалимые шуһанһаань сэбэрлэхэ.

Исай 5:26

Эзэн алас холын үндэһэ яһатаниие урижа, туг үргэхэ, газар дэлхэйн захаһаа ерэхыень тэдээндэ эшхэрхэ. Харыт, тиихэдэнь тэдэ шуумар түргэн ерэхэл!

Исай 66:15

Үзөөрэйгты, Эзэн гал дүлэн мэтэ бууха. Уурлаһан зоноо хэһээхэеэ Тэрэ шуурган һалхин мэтэ шуумайха.

Левит 6:13

Үргэлэй шэрээ дээрэ гал унтарангүй, хододоо носожо байха ёһотой.

Захарияа 2:5

Эзэн айладажа байна: «Тэрэ хотые хүреэлһэн галта хана болохоб, тэрэнэй дунда алдар соломни дэлгэрхэ» гээ.

Малаахи 4:1

«Харагты, хэрэг шүүлгын үдэр ерэхэнь гээшэ, тэрэ халааһан зууха шэнги халуун байха. Омог бардам хүнүүд хуу хэһээгдэхэ, муу үйлэ хэгшэд һолоомон шэнги шатаха. Тэдэнһээ мүшэршье, үндэһэншье үлэхэгүй», – гэжэ Түмэн Сэрэгтэ Эзэн айладажа байна.

Хуули дабталга 32:31

Дайсадай «хабсагайнь» манай Хабсагайдал адли бата бэхи бэшэ юм. Тэдэ өөһэдөө энээн тушаа мэдэнэ.

Хуули дабталга 32:37

Тиихэдэ Эзэн Өөрын улад зонһоо иигэжэ асууха: «Найдадаг бурхадтнай хаана гээшэб? Хабсагайтнай хаанаб?