Исай 31:8 - Библи

⁸ Эзэн иигэжэ айладхана: Ассири дайн дажарай үедэ диилдэхэ, харин хүнэй хүсэ шадал тэрэниие диилэхэ бэшэ. Ассириин улад зон байлдаанһаа зугадан гүйхэ, залуушуулынь богоолнууд болохо.

Исай 31:8 ပူးပေါင်းရင်းမြစ်များ

Эхин 49:15

Үбһэ ногоотой газарта амаржа байхада аятай гэжэ харахадаа, уг удамшни хүсэ шадалаа зангидан, хүндэ ажалда богоол мэтэ жүдхэхэл.

2 Угай бэшэг 32:21

Эзэн Эльгээмэлээ ябуулжа, тэрэ Ассириин сэрэгые ноёд һайдтайнь хамта хюдаба. Иигэжэ Ассириин хаан өөрынгөө газар руу нэрээ хухараад бусаа һэн. Тиигээд тэрэнэй өөрынгөө бурханай һүмэ соо мүргэл хэхэеэ ерэхэдэ, тэрэнэй түрэһэн хүбүүд эсэгээ һэлмээр сабшан алаа бэлэй.

Исай 10:12

«Сион уула дээрэ болон Иерусалимда Өөрынгөө хэрэг хэжэ дүүргэхэдөө, бардам һайрхуу зантай Ассириин хааниие хэһээхэб», – гэжэ Эзэн айладхана.

Исай 10:25

Удахагүй Минии сухал тараха, Би таанадые хэһээхэеэ болихоб. Тиигээд тэдэниие хюдажа эхилхэб.

Исай 14:2

Орон нютагтаа бусахадань олохон арадууд Израильда туһалха. Тиигээд Эзэнэй тэрэ газар нютагта тэдэ арадууд Израилиин богоолнууд болохо. Израилиие баряанда барижа байгаашад өөһэдөө баряанда баригдаха, дарлагшадаа тэдэ өөһэдөө дарлаха болоно.

Исай 14:25

Минии газар дайда Израиль соо Ассириин зониие хюдан һалгаахаб, хада ууланууд дээрээ тэдэниие дэбһэн гэшхэхэб. Өөрынгөө улад зониие Ассириин хүндэ хөөмэгшэһөө сүлөөлхэб, мөөрһөөнь хүндэ ашаа абан буулгахаб!»

Исай 17:13

Үндэһэтэдэй ехэ шууяан мантан долгинуудай хүүеэн мэтэ, теэд Бурханай тэдэниие зэмэлхэдэ, һалхинда хиидэһэн хада уулын тооһо шорой мэтэ, хуй шуурганай тооһон мэтэ туугдан, тэдэ аяар холуур хиидэнэ.

Исай 21:15

Юуб гэбэл, тэдэ һэлмэһээ, далайһан һэлмэһээ, татаһан һурша номһоо, дайнай аюулһаа зугадан тэрьедээ бшуу.

Исай 27:7

Дайсадтаал адляар тэдэ Эзэндэ хэһээгдээ бэшэ. Алууршадтаал адляар тэдэ Эзэндэ алуулагдаа бэшэ.

Исай 29:5

Иерусалимда добтолһон дайсад тооһондол мэтээр үлеэгдэн һалаха, тэдэнэй аймшагтай сэрэг һолоомодол хиидэн үгы болохо. Гэнтэ, нюдөө сабшама зуура

Исай 33:1

Үшөө дээрмэдүүлэгдээгүй дээрмэдэгшэ, урбалга үшөө өөр дээрээ мэдэрээгүй урбагша ши! Шамда өөртэш гай тодхор хүрэхэ! Дээрмэдэжэ дүүргэхэдэшни өөрыеш дээрмэдэхэ, урбажа садахадашни өөртэшни урбаха!

Исай 37:7

Би Ассириин хаанда һүлдэеэ эльгээхэб, тэрэ нэгэ мэдээсэл абамсаараа, өөрынгөө орон нютаг руу бусаха. Тиигээд Би тэрэниие тэндэнь һэлмээр сабшан һүнөөхэб».

Исай 66:16

Эзэн дэлхэйн бүхы амин голтойшуулые гал дүлэнөөр, эритэ һэлмээр шүүбэрилхэ, олохониинь Тэрээндэ усадхагдаха.

Ерэмияа 46:10

Энэ үдэр болбол Түмэн Сэрэгтэ Эзэнэй үһөөгөө абаха үдэр. Тэрэ дайсадһаа үһөөгөө абажа, һэлмэнь садатараа тэдэниие залгиха, шуһыень садатараа ууха. Энэ хадаа Түмэн Сэрэгтэ Эзэндэ хойто зүгтэ, Евфрат мүрэнэй дэргэдэ үргэһэн үргэл болоно.

Эзэкээл 21:28

Хүнэй үри Эзэкээл, лүндэн табижа, Израилиие доромжолһон Аммооной арад зон тушаа Минии, Эзэн Бурханай, айладхал тунхагла: «Һэлмэ, һэлмэ һугалаатай, сахилгаан мэтэ түргөөр алахын тула тэрэ мэлигдээтэй.

Һошээ 1:7

Харин Иудын арад зониие хайрлахаб. Би, Эзэн Бурханиинь, тэдэниие абархаб. Гэбэшье дайн дажар – һурша номо, һэлмэ, морин сэрэг эндэ хэрэглэхэгүйб.