Исай 31:2 - Библи

² Эзэн Бурхан сэсэн мэргэн ухаатай! Гай тодхор Тэрэ татаха. Нүгэл хэгшэдые, мүн тэдээндэ туһалагшадые хэһээхэ гэжэ шиидээл хадаа Тэрэ хэһээхэ, үгэеэ һөөргэнь абахагүй.

Исай 31:2 ပူးပေါင်းရင်းမြစ်များ

Иоов 12:16

Хэмжээгүй ехэ хүсөөрөө хамагые Тэрэ диилэжэ шадаха, мэхэлэгдэһэн ба мэхэлһэн хүнүүд барандаа Тэрэнэй гарта ородог.

Иоов 5:13

Тэрэ мэргэн ухаантайшуулые мэхэ гохоорнь баридаг, хэдышье сог залитайгаар забдаа һаань, тэрээнииень үрэ дүнгүй болгодог.

Исай 1:4

Ай, халаг, таанад нүгэлтэй арад, гэм зэмэтэйт, муу зоной үринэр, муухай хүүгэдта! Эзэниие буруушаажа, Израилиин Нангин Арюуниие орхибот, Тэрээнһээ буруу харабат.

Исай 14:20

Ши орон нютагаа һандаргааш, өөрынгөө улад зониие алааш. Тиимэһээ бусад хаашуулдал адляар ши хүдөөлүүлэгдэхэгүйш. Муу муухай уг унгиһааш хэншье амиды мэндэ үлэхэгүй, нэрэньшье үлэхэгүй!

Исай 21:17

Кэдаарай баатар харбаашадһаа үсөөхэниинь лэ амиды үлэхэ». Иигэжэ Израилиин Эзэн Бурхан айладаа юм.

Исай 22:14

Түмэн Сэрэгтэ Эзэн намда айладхаба: «Үхэтэртнай энэ нүгэлтнай сагааруулагдахагүй!» Иигэжэ Түмэн Сэрэгтэ Эзэн айладхана мүн.

Исай 28:21

Эзэн Пэрациим уула дээрэ болон Гибэһооной нюрууда уурлан хэһэн үйлэ хэрэгүүдээ, гайхалтай хэрэгүүдээ, хэхэеэ байна. Тэрэ Өөрынгөө ажал хэрэг, гайхамшагта ажалаа, хэхэ.

Исай 28:29

Эдэ бүгэдэ шадабари Түмэн Сэрэгтэ Эзэнһээ олгогдонхой. Тэрэнэй зүбшэл гайхамшагтай, мэргэн ухааниинь агууехэ юм!

Исай 30:3

Теэд фараондо найдаһаниинь гансал нэрыень хухалха, Египедэй һүүдэртэ хорохо гэһэниинь нэрынь гутааха.

Исай 30:7

Египедэй туһа ямаршье ашагүй, хооһон. Тиимэһээ Би «Аюулгүй Рааһаб» гэжэ Египедые нэрлэнэб.

Исай 31:3

Египедэй зон Бурхан бэшэ, юрын лэ зон ха юм даа. Тэдэнэй морид миин моринһоо үлүү бэшэ. Эзэнэй гараа һунгахадань, тэрэ туһалжа байгааша хүсэтэй зон бүдэржэ, туһалуулжа байһан хүсэгүй зон унажа, тэдэ хамта хосорхо.

Исай 32:6

Муу хүн удхагүй юумэ дуугардаг, муу юумэ хэхэеэ һанажа байдаг. Тэрэ үлэсхэлэн хооһон хүнһөө эдеэ хоол буляан абажа, ангаһан хүнһөө унда буляажа, Эзэниие доромжолон хэлэдэг, муу юумэ хэдэг.

Исай 45:7

Би туяа гэрэл болон харанхые бии болгоноб. Энхэ амгалан байдал, гай тодхоршье асарнаб. Би болбол эдэ бүгэдые хэдэг Эзэн мүн!

Исай 9:17

Тиимэ ушарһаа Эзэн өөрын арад түмэнэй залуу зон тушаашье һанаагаа табихагүй, үншэн хүүгэдые, бэлбэһэн эхэнэрнүүдыешье хайрлахагүй. Юуб гэбэл, тэдэ бултадаа Бурхангүй ба муу хэрэг үйлэдэгшэд, муу юумэ амалжал байгшад. Энээнэй удаашье Эзэнэй уур хилэн буурахагүй, зониие хэһээхэ гэжэ гарынь һунгаатай зандаал байха.

Ерэмияа 10:12

Эзэн Өөрын хүсэ шадалаар газар дэлхэйе бүтээгээ, Өөрын мэргэн ухаагаар юртэмсые тогтоогоо, Өөрын оюун ухаагаар огторгой татаа.

Ерэмияа 10:7

Бүхы зон Таниие, үндэһэ яһатадай Хааниие, хүндэлхэ ёһотой. Үнэхөөр энэ Танда зохистой. Үндэһэтэдэй бүхы сэсэн мэргэн зоной дунда, хаашуулайнь дунда Тантай адли хэншье үгы.

Ерэмияа 36:32

Тиигээд Ерэмияа ондоо хуйламал ном абажа, бэшээшэ Нэрияагай хүбүүн Баруухта үгэбэ. Тэрэ Ерэмияагай хэлэһые тэндэ бултыень бэшэбэ. Иудын Ёякиим хаанай галда хаяжа шатааһаан түрүүшын хуйламал ном соо байгааша бүхы үгэнүүдые болон Ерэмияагай хэлэһэн үшөөшье ондоо үгэнүүдые тэрээн соо бэшээ бэлэй.

Эзэкээл 29:6

Тиихэдэ Египедэй хүн бүхэн Намайе Эзэн гээд ойлгохо. Израилиин улад зоной таанадта, Египедэй арад түмэндэ, туһалха гээд найдаһаниинь хулһан таяг тулаһандал адли ямаршье туһагүй байшоо.

Амоос 3:6

Хото соо бүреэ үлеэхэдэ, зон шэшэрэлдэхэгүй юм гү?! Хото соо гай тодхор тохёолдобол, тэрэниие Эзэн хэһэн бэшэ юм гү?!

Цэпаанияа 3:8

Тиимэһээ Намайе хүлеэгты! Минии ерэхэ үдэр хүрэтэр! Арадуудые суглуулжа, хан түрэнүүдые дуудажа, уур сухалаа, уур хилэнсэгэйнгээ бүхы гал дүлэн тэдээн дээрэ адхахаб! Иигэжэ Би зарга шүүбэри ябуулхаб, иигэжэ Минии уур сухалай гал дүлэндэ бүхы дэлхэй шатаха!

Захарияа 1:6

Минии богоол болохо лүндэншэдтэ һургаал болгон дамжуулһан Минии үгэнүүд, Минии гаргаһан шиидхэбэринүүд танай эсэгэ элинсэгүүдтэ бэелээгүй гэжэ байгаа гү? Тэдэ хэлэгшэ бэлэй: «Ябаһан харгыемнай, хэһэн хэрэгыемнай Эзэн яажа сэгнээ һэм, тиимээр лэ үйлэ бүтээгээ», – гэжэ Түмэн Сэрэгтэ Эзэн тунхаглаба гэбэ.

Тоололго 10:35

Тогтон байрлаһан газарһаа арад зонойнгоо аян замда гарахаяа түхеэржэ, ханза үргэхэдэнь, Моисей ходол иигэжэ хэлэдэг байгаа: – Бодыт, Эзэн! Дайсадтнай тараха болтогой! Таниие үзэн ядагшад Танһаа тэрьедэн арилха болтогой!

Тоололго 23:19

худал зүйл хэлэжэ байха хүн бэшэл Бурхан. Ушар болоод лэ һанаһанаа хубилгаха, уладай хүбүүн бэшэл Тэрэ. Айладаһан зарлигаа хубилгаха юм аал Тэрэ? Найдуулһанаа хубилгахагүйл Тэрэ. Айладаанаал Тэрэ айладаха, айладажа найдуулагшаяа Тэрэ бүтээхэл.

Матвей 24:35

Огторгой тэнгэри, газар дэлхэйшье һүнэн һалаха, харин Минии хэлэһэн үгэнүүд мүнхэ оршохо.

Римэйхиндэ 16:27

Ори ганса, сэсэн мэргэн Бурхан Иисүүс Христоосой ашаар хэтын хэтэдэ алдар солотой байхань болтогой!

Нүүнэй Иисүүс 23:15

Танай толгой дээрэ Эзэнэй, танай Бурханай алибаа һайн үгэ яажа бэелүүлэгдээб, тэрээн шэнгеэр Эзэн танай толгой алибаа муу үгэ бэелүүлжэ шадаха. Эзэнэй, танай Бурханай танда үгэһэн энэ һайн газарһаа үгы болотортнай усадхаха.

Иудын хандалга 1:25

Эзэн Иисүүс Христоосоор дамжан бидэниие абарһан ори ганса Бурханда анханһаа эхилээд, мүнөө саг болотор хэтын хэтэдэ алдар соло, һүр жабхалан, хаан түрэ, эрхэ засаг байһай! Болтогой!

1 Хаан түрэнүүд 2:3

Дайдые баһан бү дуугарагты, Далайе зандан бү дуугарагты. Эзэн бүхы юумэ мэдэдэг Бурхан, зоной бүхы хэрэгүүдые Тэрэ шүүдэг.