Исай 31:1 - Библи

¹ Египедһээ туһа эрихэеэ ошогшод дэмы һалаха! Тэдэ Египедэй олон моритой, тэргэнүүдтэйдэнь, мори унаашадайнь хүсэтэйдэ найдана, харин Израилиин Нангин Эзэндэ түшэглэнэгүй, найданагүй, туһа эринэгүй.

Исай 31:1 ပူးပေါင်းရင်းမြစ်များ

Эхин 47:17

Тэрэ жэл зон адууһа, хони, ямаа, үхэр болон элжэгэ Иосифто асаржа үгөөд, орондонь орооһо абадаг болобо. Иигээд тэдэ малаашье үгэжэ дууһаба.

2 Угай бэшэг 16:7

Тэрэ үедэ Ханаани мэдэлшэн Иудын хаан Асаа руу ерэжэ, иигэжэ хэлэбэ: – Эзэн Бурхандаа найдан байхын орондо ши Араамай хаанда найдан байгааш, тиимэһээ Араамай сэрэгые алдааш.

2 Угай бэшэг 16:9

Газар дэлхэйн Тэрээндэ үнэн этигэдэг зониие бултыень Эзэн хаража байдаг, тиигээд тэдээндэ Тэрэ туһалдаг. Мүнөө ши буруу юумэ хэбэш. Тиимэһээ энээнһээ хойшо шамда добтолон орогшод бии болохо.

Иоов 39:11

Шадал ехэтэй зэрлиг үхэртэ найдажа, хүндэ ажалаа хүүлэжэ шадаха гүш?

Псалманууд 20:7

Та хэтэ мүнхэдөө тэрэниие үреэгөөт, Өөрын оршондо баясаха арга тэрээндэ үгөөт.

Исай 10:17

Израилиин Гэрэл Бурхан гал дүлэн болохо. Израилиин арюун Бурхан гал дүлэн боложо, нэгэ үдэр тэдэниие – үүргэнэ, халаахайе шатааха!

Исай 2:7

Тэдэнэй газар нютагта тоолошогүй ехэ алта мүнгэн нөөсэлэгдөө, морид дүүрэн, гоё һайхан тэргэнүүдынь тоолохын аргагүй олон.

Исай 20:5

Эфиопидо этигэн найдажа байгаашад, Египедые туһалха гэжэ һайрхагшад туһа хүргэхэ юумэгүй болоһоноо ойлгожо, айха, тиигээд найдаха юумэниинь үгы болохо.

Исай 22:11

Хоёр ханын хоорондо уһан сан барибат. Тэндэ хуушан сөөрэмэй уһан нөөсэлэгдэхэ. Теэд таанад эдэ бүгэдые үнинэй түсэблэһэн, эртэ урдын сагта энээниие һанаашалһан Бурхан руу анхаралаа хандуулбагүйт.

Исай 30:16

Энээнэй орондо таанад дайсадһаа тэрьедэхэеэ, хурдан морёор гүйлгэхэеэ һананат. Моримнай хурдан гэжэ һанахадатнай танһаа хурдан моритой дайсад байхал.

Исай 36:6

Египет туһалха гээд найданат. Теэд энэ болбол хухарһан таяг хэрэглэн, түшэһэндэл адли болохол! Хухарһан таяг дууһан хухаржа, альгыетнай шаажа, соо хадхахал. Египедэй хаан фараондо найдаха гээшэ энээндэл адли юм.

Исай 36:9

Ши минии эзэнэй мэдэлдэ байһан хизаар оронуудай эгээн хүсэгүй тулюур засаглагшадай али нэгэндэ харюу сохилто үгэжэ шадаха юм гүш? Али Египедэй дайшалхы тэргэнүүдтэ, тэрэнэй морин сэрэгтэ найдана гүш?..

Исай 43:15

Би болбол танай Арюун Эзэн Бурхантнай гээшэб. Израиль, таанадые бүтээгээб, хаантнай Би мүн!»

Исай 5:12

Ятаг, хуур, хэнгэрэг, лимбэ! Найрлан, тэдэ архидана. Харин Эзэнэй үйлэ хэрэгүүд тухай һананагүй, хэжэ байгаашыень анхарнагүй.

Исай 57:9

Аятай үнэртэй тоһо түрхеэд, шүтөөндэ зальбархаяа ошонот. Ямар бурханда мүргэхэеэ бэдэржэ, элшэнэрые аяар үхэлэй орон хүрэтэр эльгээнэт.

Исай 64:7

Хэншье Танһаа юумэ гуйнагүй, хэншье туһа эринэгүй. Та манай нүгэлнүүдһээ боложо, маанадһаа Өөрыгөө нюужа арсабат.

Исай 9:12

Зүүн зүгһөө Араам, баруун зүгһөө Пилишт гүрэнүүд Израилиие залгиха гэжэ амаа ангайлгаба. Энээнэй удаашье Эзэнэй уур хилэн бууранагүй. Тэрэ хэһээхэ гэжэ гараа һунгаһан зандаа байна.

Исай 9:13

Израилиин арад түмэн һанаа ороногүй, Түмэн Сэрэгтэ Эзэнэй хэһээгээшье хадань тэдэ һөөргөө бусанагүй.

Ерэмияа 17:5

Эзэн иигэжэ айладхана: Намһаа буруу хаража, зондо найдажа, хэзээ нэгэтэ үхэхэ юумэндэ найдан түшэглэгшэд хараал шэнгээхэ!

Ерэмияа 2:13

Ушарынь гэхэдэ, Минии арад зон хоёр нүгэл үйлэдэһэн байна: сэбэр уһанай эхин болохо Намайе орхёо, ямаршье уһа тогтоодоггүй, нүхэ һүбэтэй хонхо яамые хабсагайда сабшан хээ.

Ерэмияа 37:7

– Иудын хаан Цэдэкиияда: Фараоной сэрэг таанадта туһалхаяа ерэжэ ябаһан аад, һөөргөө Египет руугаа бусаха.

Эзэкээл 17:15

Теэд Иудын шэнэ хаан саашадаа урдаһаань һөөргэдэжэ, моридые болон сэрэгшэдые эрин, элшэнэрээ Египет руу эльгээгээ. Харин хэлсээ иигэжэ эбдэһэн аад, тэрэ амиды мэндэ үлэхэ гү, амжалта туйлаха гү?! Үгы, хэһээгдэхэ!

Эзэкээл 29:16

Израиль тэдэнэй туһаламжаһаа бэшэ хэзээдэшье дулдыдажа байхагүй. Тиихэдэ Египедтэ найдаһамнай буруу байгаа гэжэ Израилиин зон ойлгохо. Тиигээд тэдэ Минии, Эзэн Бурханай, эдэ бүгэдые үйлэдэһые мэдэхэ.

Даниил 9:13

Моисейн хуули ёһо соо бэшээтэй тэрэ гай тодхор бидэнтэй тохёолдоошье һаань, бидэ гуйжа Эзэн Бурхандаа хандабагүйбди, нүгэл хэхэеэ болибогүйбди, үнэн зүбыень мэдэрбэгүйбди.

Һошээ 11:5

Намда бусахын орондо тэдэ Египедтэ этигэнэ, тиимэһээ мүнөө Ассири тэдэниие хааншалан байха.

Һошээ 11:9

Уур сухал дундаа иимэ юумэ хэхэгүйб, Израилиин арад түмэниие усадхахагүйб, юуб гэбэл, Би хүн бэшэ, таанадай дунда арюун Бурхан гээшэб! Би хото руу орохогүйб!

Һошээ 14:3

Эзэндээ эрьежэ, үгэнүүдээ зорюулан, иигэжэ хэлыт: «Нүгэлымнай арюудхыт, зальбаралыемнай дуулыт! Найдуулһанайнгаа ёһоор, бидэ Таниие магтан байхалди.

Һошээ 7:7

Уур хилэнгээр дүүрэнхэй тэдэ удамаршадаа алана. Хаашуулынь алуулаад, алдалан унана, теэд хэнииньшье Нам руу туһа эрин ханданагүй.

Аввакуум 1:12

Эзэмни, Та эртэ урда сагһаа хойшо Бурхан бэлэйт. Та минии нангин болон мүнхэ Бурхан мүн. Эзэмни, Хамгаалагшамни, Та маанадые хэһээхыень тэдэниие асараат.

Аввакуум 3:3

Тэмаанһаа болон Параан хадаһаа Арюун Бурхан заларжа байна. Тэрэнэй һүр жабхалан тэнгэри дүүрэн хушаа, дэлхэй Тэрэнэй алдар солоор дүүрэн байна.

Захарияа 10:5

Тэдэ гудамжын тооһондо дайсанаа дэбһэн гэшхэхэ шадалтай. Байлдаанда ороходоо, морито сэрэгые бута сохихо, юуб гэхэдэ, Эзэн тэдээнтэй суг хамта оролсохо.

Хуули дабталга 17:16

Хаан хадаа өөртөө моридойнгоо тоо олошоруулжа байха ёһогүй, моридые олоор абахын тула зониие Египет руу эльгээжэ байха ёһогүй. Юуб гэхэдэ, Эзэн «Тиишээ, энэ харгыгаар һөөргөө бусахагүйт» – гэжэ таанадта айладаа һэн шуу.

Хуули дабталга 20:1

Дайсадайнгаа урдаһаа байлдаанда гарахадаа, таанадһаа олон моритой, дайшалхы тэргэтэй, сэрэгтэй байһыень обёороод, бү айгты, юуб гэхэдэ, Египедһээ гаргаһан Эзэн Бурхантнай таанадтай байһаар.