Исай 30:32 - Библи

³² Хэнгэрэг, ятагай абяан доро Эзэн тэдэниие баягаар дахин-дахин сохихо, хооһоруулма дайн дажараар урдаһаань тулаха!

Исай 30:32 ပူးပေါင်းရင်းမြစ်များ

Эхин 31:27

Нюусаар тэрьедэхэ, намһаа хорохо, намайе мэхэлхэ ямар ушар байгааб? Хэрбээ шинии намда хэлэһэн һаа, ябахадашни найр наадатай, дуутай, хэнгэрэг, ятага дуугарган үдэшэхэ байгаабди.

2 Угай бэшэг 32:8

Тэрэ хүнэй талаар хүсэтэй, харин маанадтай хамта Эзэн Бурхамнай! Тэрэ бидэндэ туһалха, байлдаануудта маанадтай хамта дайлалдаха. Арад зон хаанайнгаа үгэнүүдые шагнаад, шанга зоригтой болобо.

Исай 10:24

Сион уула дээрэ ажаһуугша арад зондоо Түмэн Сэрэгтэ Эзэн иигэжэ айладхана: «Минии арад түмэн, Сионой ажаһуугшад! Ассириин зонһоо бү айгты! Египедэй зоной дарлан зобоодогтол адляар таанадые тэдэнэй зобоогоошье хадань.

Исай 10:26

Хирээгэй шулуун дээрэ Мидианай зониие сохиһондол, Би, Түмэн Сэрэгтэ Эзэн, тэдэниие ташуураар ташуурдахаб. Египедые хэһээһэндэл Ассириие хэһээхэб.

Исай 11:15

Эзэн Египедэй далайн хоолойе хатааха, Евфрат мүрэн хатаахаяа халуун һалхяар үлеэлгэхэ, хүнэй шаахайгаа тайлангүй тэрэниие гаталдаг болотор долоон багахан горхон болгон хубааха.

Исай 19:16

Египедэй зон эмэ зондол адли аймхай болохо. Түмэн Сэрэгтэ Эзэнэй тэдэниие хэһээхэеэ гараа һунгахые харахадаа, тэдэ айн шэшэржэ байха.

Исай 2:19

Эзэнэй газар дэлхэйе доһолгохоёо ерэхэдэ, уур хилэнһээнь, һүр жабхаланта хүсэ шадалһаань тэрьедэхэ гэжэ зон хадын агынууд руу, газарай габа руу хорохо.

Исай 24:1

Анхарыт! Эзэн газарые һандарган, тэрэниие хооһоруулха гэжэ байна. Тэрэ шарайень тад ондоо болгожо, дээрэнь ажаһуугшадые хаа-хаанагүй тараахань.

Исай 24:8

Хэнгэрэгэй баяртай абяанууд замхаа, баясан байгаашадай дуунууд таһалдаа, хүхюутэй ятаг дуугүй болоо.

Исай 30:29

Харин таанад нангин һайндэрэй һүнидэл дуу дуулахат. Эзэнэй хада руу, Израилиин хабсагай руу лимбээр хүгжэмлэн ябаашадтал адли сэдьхэлтнай баясан байха.

Исай 31:4

Эзэн намда иигэжэ айладхаа: Олон хонишодой хамта хашхаран хуугайлбашье, олзо дээрээ архирагша арсалан тэдэнһээ айдаггүй. Тэрээндэл адли Намайе, Түмэн Сэрэгтэ Эзэниие, Сион уула хамгаалхадам тогтоохо, һаад хэхэ хүсэн байхагүй!

Ерэмияа 31:4

Дахин таанадые һуурижан байгуулхаб, дахин таанад хэнгэрэгүүдээ барин, баяртайгаар бүжэглэн-хатаран байхат.

Эзэкээл 28:13

Ши диваажанай орондо, Эдээмэй сэсэрлигтэ амидаржа, үнэтэ шулуунуудаар бэеэ шэмэглэдэг һэнши. Рубин, топаз, ошор, берил, оникс, яспис, миндарга, номин, оюун болон алтаар хэгдэһэн зүүдхэлнүүдые үмдэдэг бэлэйш. Түрэһэн үдэршни тэдэ шамда зорюулагдан бүтээгдээ.

Эзэкээл 32:10

Олон үндэһэ яһатад айжа эхилхэ. Шамайе диилэжэ, илалта туйлаһандаа һэлмээ үргэн ялагануулхадам, тэдэ арадуудай хаашуул угаа айжа, шэшэрэн һалганан байха.

Еврейнүүдтэ 12:26

Урдань Тэрэнэй абяан газар дэлхэйе хүдэлгөө, харин мүнөө Тэрэ: «Үшөө дахин Би ганса газарые бэшэ, огторгой тэнгэриие хэлбэлзүүлхэб», – гэжэ үгөө.

1 Хаан түрэнүүд 10:5

Удаань Пилиштын харуулай бүлэгэй байһан газарта, Бурханай Гибаада хүрэхэш. Хото руу орожо байхадаа, тэндэ ятаг, хэнгэрэг, лимбэ, хуур дуугарган, бүжэглэн, үргэлэй обооһоо буужа байһан лүндэншэдэй бүлэгтэй уулзахаш. Тэдэ абарал буулгажа ябаха.

1 Хаан түрэнүүд 18:6

Давидай үнөөхи пилишт хүниие усадхаһанай һүүлээр бүгэдөөрөө бусан ерэжэ ябахадань, эхэнэрнүүд Израилиин бүхы хотонуудһаа гаража, хэнгэрэг, хэсэ дуугарган, дуу дуулажа, хатаржа, баяртайгаар Саул хааниие угтаба.