Исай 30:30 - Библи

³⁰ Эзэн һүрдэмэ шанга хоолойгоор бужаганажа, гараа һунган сохихо. Уур хилэнгынь угаа ехэ, үрэбхилдэг галай дүлэн дүлэгэнэхэ. Шуурган, үер, мүндэр орожо эхилхэ!

Исай 30:30 ပူးပေါင်းရင်းမြစ်များ

Иоов 38:22

Дай дажар зогсоохын тулада зарим үедэ саһа мүндэр оруулдагби.

Иоов 38:23

Тэрэниие хаана бэлдэн нөөсэлдэгым ши хараһан гүш?

Иоов 40:9

Хэрбээ энээниие хэжэ шадабалшни, Би шамайе хүндэлэн магтахаб.

Псалманууд 2:5

Тиигээд Тэрэ тэдэндээ уур сухал дундаа айладажа, уур хилэнгээрээ тэдэниие һүрдүүлэн,

Псалманууд 46:6

Эзэн Бурхан хашхарха дуунай дунда, бүреэгэй абяан доро дээшээ залараа!

Псалманууд 98:1

Эзэн – Хаан! Арадууд шэшэрэлдэг лэ! Тэрэ херүүбүүд дээрэ һууна, газар дэлхэй доһолог лэ!

Египедһээ гаралга 15:16

Айжа һүрдэжэ байг тэдэ! Танай хүсэтэ гар доро шулуун шэнги шэмээгүй болог! Эзэн, энэ Өөрын болгоһон арадтнай алад гаража ябанал!

Египедһээ гаралга 9:23

Моисей дулдыгаа огторгой өөдэ дэлгэн дэебэ. Эзэнэй хүсэлөөр тэнгэри дуугаржа, сахилгаан сахилжа, залин мүндэртэ аадар орожо эхилбэ. Бүхы Египет ороноор Эзэн мүндэр буулгаба.

Египедһээ гаралга 9:24

Египет орондо урдань хэзээдэшье үзэгдөөгүй ехэ мүндэр оробо, сахилгаан сахилба.

Исай 10:16

Тиимэһээ шанга баатарнуудыень хэһээхын тула Түмэн Сэрэгтэ Эзэн үбшэ хабша эльгэхэеэ байна. Тэдэнэй бэе махабадта гал дүлэн аһажа байһандал болохо, тэдэ шатаха-зобохо.

Исай 10:26

Хирээгэй шулуун дээрэ Мидианай зониие сохиһондол, Би, Түмэн Сэрэгтэ Эзэн, тэдэниие ташуураар ташуурдахаб. Египедые хэһээһэндэл Ассириие хэһээхэб.

Исай 10:5

Эзэн иигэжэ айладхаба: «Оо, Ассири! Сухалым хүргөөһэн зониие Ассириин гараар, ташуур мэтээр тэрэниие хэрэглэн, хэһээхэм.

Исай 28:2

Үзөөрэйгты, шуурган мүндэр, сүйд хэдэг хара һалхин мэтэ, үерлэһэн уһанай хүсэтэ урасхал мэтэ шадалтай, хүсэтэй нэгэн Эзэндэ бии. Тэрэ газардан хаяха,

Исай 29:6

Түмэн Сэрэгтэ Эзэн аянга буулган, газар хүдэлгэн, ехэ дуу шуугаар, хуй һалхяар, шуургаар, түймэрэй галаар таанадые абарха.

Исай 30:29

Харин таанад нангин һайндэрэй һүнидэл дуу дуулахат. Эзэнэй хада руу, Израилиин хабсагай руу лимбээр хүгжэмлэн ябаашадтал адли сэдьхэлтнай баясан байха.

Исай 30:31

Эзэнэй дуу шагнахадаа, Ассириин зон һүрдэхэ, баягаар Эзэндэ сохюулха.

Исай 31:4

Эзэн намда иигэжэ айладхаа: Олон хонишодой хамта хашхаран хуугайлбашье, олзо дээрээ архирагша арсалан тэдэнһээ айдаггүй. Тэрээндэл адли Намайе, Түмэн Сэрэгтэ Эзэниие, Сион уула хамгаалхадам тогтоохо, һаад хэхэ хүсэн байхагүй!

Исай 32:19

Ой модые мүндэр сохижо, хото һандаргагдабашье,

Исай 33:14

Сионой нүгэлтэй зон айба, бурхангүйшүүл шэшэрбэ: «Залгидаг гал дотор хэмнай амидаржа шадахаб, хэтэ мүнхэдөө соробхилдог дүлэн дотор хэмнай амидаржа шадахаб?!»

Исай 4:6

Энэ халхабша үдэрэй ааяма халуунһаа аршалха, һүүдэр болохо, шуурга, бороонһоо хорохо газар, нэмэри болон байхал.

Исай 51:9

Эзэн, һэриит, маанадта туһалыт! Хүсэ шадалаа зангидан, бидэниие абарыт! Эртэ урда сагта, урданай сагта мэтэ һэриит! Тэнгис далайн Рааһаб гэжэ амитаниие сабшан хюдаа, далайн абарга могойе таһа татаа бэлэйт.

Исай 52:10

Бүхы үндэһэ яһатанай хараһаар байтар Эзэн нангин хүсэ шадалаа үзүүлээ: Өөрынгөө арад түмэндэ абарал буулгахыень үлгэн дэлхэйн бүхы булангай зон хараа.

Исай 62:8

Эзэн иимэ шанга шахаа тангариг үргөө бэлэй: «Шинии таряа талхан бэшэ хэзээдэшье дайсадайш хоол хүнэһэн болохогүй, хариин зон шинии үзэмэй дараһан архи уухагүй.

Исай 66:15

Үзөөрэйгты, Эзэн гал дүлэн мэтэ бууха. Уурлаһан зоноо хэһээхэеэ Тэрэ шуурган һалхин мэтэ шуумайха.

Исай 66:16

Эзэн дэлхэйн бүхы амин голтойшуулые гал дүлэнөөр, эритэ һэлмээр шүүбэрилхэ, олохониинь Тэрээндэ усадхагдаха.

Ерэмияа 25:32

Израилиин Бурхан, Түмэн Сэрэгтэ Эзэн иигэжэ айладана: Гай тодхор нэгэ үндэһэ яһатанһаа нүгөөдэ үндэһэ яһатан хүрэтэр дамжан ябана, газар дэлхэйн аласһаа агууехэ шуурган хүдэлжэ эхилээ.

Эзэкээл 10:5

Херүүбүүдэй далинуудай абяае гадаа хашаа соошье дуулахаар байгаа һэн. Энэ шууяан Түгэс Хүсэтэ Бурханай хоолой мэтэ дуулдаа бэлэй.

Эзэкээл 13:13

Тиимэһээ Эзэн Бурхан иигэжэ тунхаглана: – Уур сухал дундаа Би шанга һалхи, аадар бороо, мүндэр эльгэжэ, хана унагаахаб.

Ёһээл 2:5

Хадын оройгоор дайшалхы тэргэнүүд мэтэ наяраа түерөөтэйгөөр дабшана. Галда тас-няс дүрэһэн һолоомо мэтэ шууяатайгаар байлдаанда орохоор хододоо бэлэн арад бэлэй.

Амоос 1:14

Раббаагай ханада гал табихаб! Байлдаата үдэр хашхараан дундуур, шуургата үдэр һалхин дундуур хэрэмүүдынь галда дүрэхэ!

Михей 1:4

Галһаа зулын тоһоной хайладагтал, хаданууд Тэрээн доро хайлахал. Эгсэ газарһаа унадаг уһандал, нюруу хүндынүүд үгы болохол.

Матвей 24:7

Нэгэ арад нүгөө арадтаа добтолон орохо, хаан оронууд хоорондоо хёморолдон тэмсэхэ, эндэ тэндэ үлэсхэлэн зоболон, үхэл тахал дэлгэрхэ, газар ехээр хүдэлхэ.

Лука 1:51

Тэрэ агуу хүсэтэ гараа һунган, ехэрхүү һайзгайнарые һарнюулаа.

Нүүнэй Иисүүс 10:10

Эзэн тэдээниие израильшуудһаа ехээр һүрдөөгөө, тиигээд Гибэһоондо тэдээниие израильшууд бута сохёо, Бэт-Һорооной үндэртэ ошоһон харгыгаар тэдээниие мүрдөө, Азэкаа ба Маккэдаа хүрэтэр тэдээниие дараа.

Нүүнэй Иисүүс 10:11

Израильшуудһаа Бэт-Һорооной хадын ташалангаар зугадахадань, Эзэн тэнгэриһээ Азэкаа хүрэтэр томо шулуугаар шэдээ, тэдэ хосороо; шулуун аадарһаа хосороошодынь Израилиин хүбүүдэй мэсэһээ үхэгшэдһөө олон байгаа.

Гэршэлгэ 1:15

Хүлнүүдынь шатама халуун пеэшэндэ халаажа улайлгаһан зэд шэнги, хоолойнь хүүюур уһан мэтэ хүнхинэжэ байгаа һэн.

Гэршэлгэ 11:19

Тэнгэри дээрэхи Һүмэ тайлдан нээгдэжэ, Тэрэнэй Хэлсээнэй ханзынь Һүмэ дотор харагдаба. Тиин гал ехэ сахилгаан сахилба, оог шууяан болобо, тэнгэриин дуун нэрьебэ, газар хүдэлбэ, мүндэр ехээр оробо.

1 Хаан түрэнүүд 7:10

Самуилай түгэс шатаалта үргэл үргэжэ байхада, пилиштүүд Израильтай тулалдахаар дүтэлэн ерэбэ. Гэбэшье Эзэн тэрэ үдэр пилиштүүд дээрэ хүсэтэ аянга буулгажа, тэдэниие ухаа алдуулба, тиигээд тэдэ израильшуудта һамна бута сохигдоо һэн.