Исай 30:18 - Библи

¹⁸ Гэбэшье Эзэн хүлеэжэ, таанадые хайрлаха. Тэрэ бодожо, таанадта туһалха. Юуб гэбэл, Эзэн гээшэ зүб шударга Бурхан, Тэрээндэ этигэн һүгэдэгшэд жаргал эдлэхэ!

Исай 30:18 ပူးပေါင်းရင်းမြစ်များ

Иоов 35:14

Тэрэниие харанагүйб, Тэрэниие хэрэг шүүлгэдэ ерэхыень хүлеэнэб гээ хадаа хүлеэхэл болоош.

Псалманууд 2:12

Хүбүүень таалагты! Үгы һаатнай, Тэрэ уурлажа, харгы замдаа хосорхот. Юуб гэбэл, уур хилэнгынь гэнтэ аһаха-носохо юм. Абарал бэдэрэн, Тэрээндэ хандагша хүн бүхэн юрөөлтэй!

Псалманууд 34:8

Мэдээгүй байтарнь хосорол тэдээндэ ерэг лэ, өөһэдын табиһан урьхада тэдэ өөһэдөө орог! Тиимэл һүйдхэлдэ тэдэниие унагаагыт!

Псалманууд 84:12

Үнэн газарһаа ургажа, зүб шударга огторгойһоо шэртэхэ.

Псалманууд 99:4

Хаалгаарнь һайе хүргэн, хашаа руунь магтаал үргэн орогты. Тэрээндэ талархал үргэжэ, нэрыень алдаршуулагты!

Египедһээ гаралга 34:6

Эзэн Моисейн урдуур гаран тунхаглаба: – Эзэн, Эзэн, энэрхы, хайрлагша сэдьхэлтэй, тэсэбэри ехэтэй, үршөөлтэ ба үнэн сэхэ Бурхан!

Һургаал 16:20

Хүнэй үгэ дууладаг хүн ажана тайбаниие олоно. Эзэндэ этигэгшэ хүн үреэл олохо.

Исай 18:4

Эзэн намда иигэжэ айладхаа: «Ургаса хуряалгын халуун үдэр зэрэлгээ хараһандал, үдэрэй ааяма халуунай үедэ наранай ялардагтал эли тодоор Би юу боложо байгаашые Өөрын байраһаа һанаа амар хаража байхаб».

Исай 2:11

Хүнэй бардам харасын үгы болохо, хүнэй дээрэлхүү зангай номгодохо саг дүтэлжэ байна. Тэрэ үдэр Эзэн лэ гансаараа үндэр зандаа үлэхэл.

Исай 2:17

Хүнэй бардам, дээрэлхүү зан тиихэдэ галхаагдан номгорхо. Шүтөөнүүд оро һэегүй үгы болохо, иигэжэ тэрэ үдэр Эзэн гансаараал үндэр зандаа үлэхэ.

Исай 25:9

Эдэ бүгэдын тохёолдоһон үдэр зон иигэжэ хэлэхэ: «Энэл даа, манай Бурхан! Тэрээндэ этигэн найдаа бэлэйбди, тиихэдэмнай Тэрэ маанадые абараа. Энэл даа, Эзэн! Бидэ Тэрээндэ этигэн найдаа һэмди, маанадые абарһандань баясан сэнгэел!»

Исай 28:17

Һууриин шулууе хэмжэхэ шугам хадаа шударга ёһо болохо, тэрээниие тодоруулан харуулһан зурлаа хадаа үнэн зүб болохол. Танай худал хуурмагай хорохо газар шуурган мүндэртэ үгы хэгдэхэ, уһан үер аюулгүй байдалыетнай таһалдуулха.

Исай 33:2

Оо, Эзэн! Маанадта нигүүлэсхыгээр хандыт. Бидэ Тандаал найданабди. Үглөө бүри бидэндэ хамгаалалта болыт, зоболоной сагта маанадые абарыт!

Исай 33:5

Эзэн үндэртэ залардаг, дээрэ Тэрэ оршодог. Тэрэ Сион дээр шударга ёһо, үнэн зүбые баталан байгуулаа.

Исай 40:31

Харин Эзэндэ найдагшад шэнэ хүсэтэй болодог. Тэдэ бүргэд мэтэ жэгүүр дээрээ элин халиха, гүйхэдөө эсэхэгүй, алхалан ябахадаа сусахагүй.

Исай 42:14

Эзэн иигэжэ айладхана: Удаан сагай туршада абяа аниргүй байжа, бэеэ баряаб. Харин мүнөө хэрэг үүдхэхэ саг ерээ, тиимэһээ Би түрэжэ байгаа эхэнэртэл хашхаран байнаб.

Исай 42:16

Би Өөрын һохор зониие мэдэхэгүй замаарнь хүтэлэн ябахаб, тэдэнэй урда харанхые гэрэл, барзагар газарые тэгшэ тала болгохоб. Энэ болбол Минии хэхэ юумэн. Би тэдэниие хэнгүй орхихогүйб.

Исай 48:9

Минии нэрэ магтан зоной дуулахын тула Би уур хилэнгээ баряад, нюугаад байнаб, таанадые хюдахаһаа тэбшээд байнаб.

Исай 5:16

Харин Түмэн Сэрэгтэ Эзэн үнэн зүбөөр хэрэгүүдые шүүжэ үргэмжэлэгдэхэ, Арюун Бурхан үнэн шударгаараа нангин арюунаа харуулха.

Исай 55:8

Эзэн иигэжэ айладана: Минии һанаа бодол таанадайхидал адли бэшэ, Минии харгы зам таанадһаа ондоо.

Исай 57:16

Би зониие хэтэ гэмнэжэ байхагүйб, уур хилэмни таһалгаряагүй бэшэ. Ондоо байгаа бол Минии урда тэдэнэй һүлдэ, Минии байгуулагша халуун амид хүсэгүй болохо бэлэйл.

Исай 61:8

Эзэн иигэжэ айладхана: «Би зүб шударга ёһо гуримда дуратайб, дарлалта, дээрмэдэлгэ үзэн ядадагби. Хэһэн хэрэгүүдэйнь хэмээр шагнал Өөрын арадта үгэхэб, хэтэ мүнхын хэлсээ тэдээнтэй баталхаб.

Исай 64:4

Этигэн найдаһан зоной аша туһа харан, иимэ үйлэ хэрэгүүдые хэдэг Тандал адли Бурхан тушаа бидэ хэззээшье дуулаагүй бэлэйбди.

Исай 8:17

Эзэн Өөрынгөө арад түмэнһөө хоргодоо-хороо, гэбэшье би Тэрээндэ этигэнэб, Тэрээндэл найданаб.

Ерэмияа 17:7

Намда этигэдэг, этигэл найдабаряа Намда зорюулдаг хүниие Би үреэхэб.

Ерэмияа 42:7

Арбан үдэрэй үнгэрһэнэй удаа Эзэн намда айладхал буулгаба.

Даниил 12:12

Нэгэ мянга гурбан зуун гушан табан үдэрэй үнгэрхые тэсэбэритэйгээр хүлеэгшэд Бурханай магтаалда хүртэхэ.

Һошээ 1:7

Харин Иудын арад зониие хайрлахаб. Би, Эзэн Бурханиинь, тэдэниие абархаб. Гэбэшье дайн дажар – һурша номо, һэлмэ, морин сэрэг эндэ хэрэглэхэгүйб.

Һошээ 2:14

Зай, иигэжэ Би тэрэниие зэлүүд хооһон газар руу дахуулан абаашаад, уриханаар хандан тэрээндэ үгэ хэлэхэб.

Һошээ 5:15

Тэдэнэй өөрынгөө гэм мэдэржэ, Намайе бэдэржэ эхилтэр Би тэдээн тушаа мартаад, огтолон орхёод байхаб.

Малаахи 2:17

Таанар өөрын үгөөр Эзэниие ядараагаат. «Муу юумэ үйлэдэһэн хүн бүхэн Эзэнэй мэлмыдэ һайн, Тэрэ тэдэниие өөгшөөдэг» гэжэ гү, али «Үнэн шударга ёһын Бурхан хаана байнаб?» гэжэ хэлэжэ байхадаа, Эзэнэй уур хүргэнэт.

Лука 15:20

Тиигээд тэрэ хүбүүн удангүй эсэгэдээ бусажа ерэбэ. Эсэгэнь хүбүүгээ холоһоо хараад хайрлажа, урдаһаань гүйжэ ошоод, тэбэрин таалаба.

Лука 2:25

Боди һайхан сэдьхэлтэй, Бурханда бэшэрэн һүгэдэдэг, Арюун Һүлдэдэ хүртэһэн Симеон гэжэ хүн Иерусалим хотодо ажаһуугаа. Тэрэ хүн Израилиин абарагдахые хүлеэжэ байгаа.

Хэрэгүүд 5:31

Израилиин зоной нүгэл хэхэеэ болижо, нүгэлөө хүлисүүлхын тула Бурхан Тэрэниие Өөрын баруун талада Ударидагша болон Абарагша болгон һуулгаа.

Римэйхиндэ 5:20

Нүгэл шэбэлые элеэр харуулхын тула Хуули үгтөө. Зүгөөр нүгэл шэбэлэй ехэ элбэг байһан газарта Бурханай үршөөл хайрашье бүри элбэг дэлбэг үгтэжэ байгаа.

Римэйхиндэ 9:22

Бурхан уур сухалаа харуулхаяа, һүр жабхалангаа элирүүлхэеэ һанаа, гэхэдэ, хосорхо заяатай хүнүүдтэ тэрэ ехэл тэсэбэритэйгээр хандана.

Эфесэйхиндэ 1:6

Инаг хайрата Хүбүүнэйнгээ ашаар маанадые буян хэшэгтээ элбэг дэлбэг хүртөөһэнэйнь түлөө Бурханиие алдаршуулаял.

Хуули дабталга 32:4

Тэрэ – танай хамгаалагша, хэрэгүүдынь түгэс. Бүхы аян замынь залан сэхэ. Бурхан найдамтай, хуурмаг худал юумэн Тэрээндэ үгы, Тэрэ үнэн зүб, шударга сэхэ юм.

Яковай хандалга 5:11

Аргагүй ехэ тэсэбэриинь түлөө бидэ тэдэ зониие жаргалтай гэжэ тоолодогбди. Таанад Иоовой ямар тэсэбэритэй байһые, Эзэнэй һүүлэй һүүлдэ тэрээниие буян хэшэгтээ хүртөөһые һаныт. Эзэн үршөөл хайратай, энэрхы сэдьхэлтэй дээрэһээ тиигэжэ туһалаа.

Пётрой 2-дохи хандалга 3:15

Бидэндэ абарагдаха боломжо үгэн, манай Эзэн аргагүй удаан хүлеэнэ гэжэ бодогты. Тон тиигэжэл хайрата Павел аха Бурханай хайрлаһан ухаанай хүсөөр таанадта бэшээ бэлэй.

Пётрой 2-дохи хандалга 3:9

Эзэн найдуулһан юумэеэ бэелүүлхэеэ яаранагүй гэжэ зарим хүнүүд һанадаг. Үнэндөө болбол Тэрэ маанадай нэгэшье хүнэй хосоронгүй, нүгэлөө мэдэрэн гэмшэхыемнай тэсэбэритэйгээр хүлеэнэ.

1 Хаан түрэнүүд 2:3

Дайдые баһан бү дуугарагты, Далайе зандан бү дуугарагты. Эзэн бүхы юумэ мэдэдэг Бурхан, зоной бүхы хэрэгүүдые Тэрэ шүүдэг.