Исай 30:15 - Библи

¹⁵ Израилиин нангин Эзэн Бурхан арад түмэндэ иигэжэ хандана: «Бусагты Намдаа. Тиигээ һаа, таанад абарагдажа, аюулгүй амгалан ажаһуухат». Теэд таанад энээнһээ арсанат.

Исай 30:15 ပူးပေါင်းရင်းမြစ်များ

1 Угай бэшэг 5:20

Байлдаанай үедэ тэдэнэр Бурханда ехээр этигэн найдажа мүргэбэ. Тэдэниие Бурхан дуулаба, һагаарнуудые, бүхы зөөри зөөшэнүүдыень тэдэнэртэ эзэмдүүлэн үгэбэ.

2 Угай бэшэг 16:8

Эфиопиин болон Ливиин зон угаа хүсэтэй сэрэгтэй, дайшалхы ехэ олон тэргэнүүдтэй болон морин сэрэгтэй байгаа бэшэ аал? Теэд шинии Эзэндэ найдан байхада, Тэрэ тэдэниие шинии олзо болгоо.

2 Угай бэшэг 32:8

Тэрэ хүнэй талаар хүсэтэй, харин маанадтай хамта Эзэн Бурхамнай! Тэрэ бидэндэ туһалха, байлдаануудта маанадтай хамта дайлалдаха. Арад зон хаанайнгаа үгэнүүдые шагнаад, шанга зоригтой болобо.

Египедһээ гаралга 14:14

Танай түлөө Эзэн дайлалданал, зүрхөө дарыт.

Исай 28:12

Та бүгэдэндэ амархые Тэрэ дурадхаа бэлэй, харин таанад үгыень дуулахаяа арсаат.

Исай 30:11

Замһаа зайлагты, харгыһаа хадуурагты, Израилиин арюун Бурхан тушаа дуулахаа һананагүйбди», – гэжэ тэдэ хэлэнэ.

Исай 30:7

Египедэй туһа ямаршье ашагүй, хооһон. Тиимэһээ Би «Аюулгүй Рааһаб» гэжэ Египедые нэрлэнэб.

Исай 32:17

Үнэн зүб хадаа энхэ тайбаниие асарха, үнэн шударга хадаа амгалан, аюулгүй байдал хэтэдээ үршөөхэ.

Исай 32:18

Бурханай арад түмэн һанаа амархан, энхэ тайбан, аюул гээшые мэдэнгүй гэрнүүдтээ ажамидарха.

Исай 40:31

Харин Эзэндэ найдагшад шэнэ хүсэтэй болодог. Тэдэ бүргэд мэтэ жэгүүр дээрээ элин халиха, гүйхэдөө эсэхэгүй, алхалан ябахадаа сусахагүй.

Исай 42:24

«Хэн Яковые дээрмэшэдтэ дамжуулжа үгөөб? Хэн Израилиие һүйдхэгшэдтэ үгөөб? Эзэн бэшэ гү? Бидэ Тэрэнэй урдаһаа нүгэл үйлэдөө бэлэйлди. Тэрэнэй үгөөр ажаһуугаагүйбди, хуулииень сахяагүйбди.

Исай 45:22

Дэлхэйн бүхы зон, Нам руу эрьежэ абарагдагты! Би болбол ори ганса Бурхан гээшэб!

Исай 7:4

– Зүрхэеэ хөөрэнгүй, номгон даруу, айнгүй бай, – гэжэ тэрээндэ хэлээрэйгты, – Рэциин хаан араамшуудтайгаа хамта ба Рэмаалияагай хүбүүн – ууяжа-унтаржа байһан хоёр модон гээшэ, уур сухалаар дүрэлзэбэшье, сүйд хэхэ бэшэ.

Ерэмияа 23:36

Иигээд тэдэ «Эзэнэй хүндэ ашаан» гэһэн үгэнүүдые дуугарха ёһогүй. Тиигэжэ дуугараа һаань, Би айладхалаа тэдээндэ үнэхөөр хүндэ ашаан болгожорхихоб. Улад зон Минии, өөһэдынгөө амиды мэндэ Бурханай, Түмэн Сэрэгтэ Бурханай, үгые ондоо болгоо.

Матвей 22:3

Хаан зарасанараа эльгээжэ, урилгатай айлшадаа түрэ хуримай найрта хүрэжэ ерэхыень дуудаба, теэд тэдэнь ерэхэ дурагүй байба.

Матвей 23:37

– Ай Иерусалим, Иерусалим, шинии хүнүүд лүндэншэдые аладаг, шамда эльгээһэн Бурханай мэдээсэгшэдые шулуудадаг! Даража дэгжээһэн дальбараануудаа дали дороо суглуулдаг шубуундал адляар шинии үри хүүгэдые суглуулха гэжэ Би хэды һэдээ зүдхөө гээшэбиб. Теэд ши Намайе зүбшөөгөөгүйш!

Лука 13:34

Ай Иерусалим, Иерусалим, шинии хүнүүд лүндэншэдые аладаг, шамда эльгээһэн Бурханай мэдээсэгшэдые шулуудадаг! Даража дэгжээһэн дальбараануудаа дали дороо суглуулдаг шубуундал адляар шинии үри хүүгэдые суглуулха гэжэ Би хэды тэгүүлээ, зүдхөө гээшэбиб. Теэд ши Намайе зүбшөөгөөгүйш.

Иоанн 5:40

Тиибэшье Намда ерэжэ, мүнхын амидаралда хүртэхэ дурагүй байналта.

Еврейнүүдтэ 12:25

Эзэнэй айладахадань, шагнахагүйбди гэжэ бү арсаарайгты. Тэрэнэй газар дэлхэй дээрэ айладахадань, шагнангүй Өөрыень буруушааһан хүнүүд хэһээлтэһээ мултараагүй. Харин тэнгэриһээ айладахадань, арсабал, хэһээлтэһээ бүришье мултархагүйбди.