Исай 30:14 - Библи

¹⁴ Шабар һабадал адляар бутаран һалахат. Аһажа байгаа нүүрһэ удхаха гү, али уһанай һабаһаа уһа удхаха шабар хэлтэрхэйшье үлэхэгүй».

Исай 30:14 ပူးပေါင်းရင်းမြစ်များ

Иоов 27:22

Тэрэ шуурган хүниие хайрлахагүй, зугадан зайлаха ямаршье аргагүй.

Псалманууд 2:9

Ши тэдэниие түмэр баягаар бута сохижо, дарханай бүтээгшэ шабар амһартанууд мэтээр тэһэ буталхаш».

Һургаал 6:15

Гэбэшье хүлеэгдээгүй гай гасалан гэнтэ тэрээн дээрэ бууха.

Исай 27:11

Тэрэнэй мүшэрнүүд хатажа хухарха. Тиихэдэнь эхэнэрнүүд ерэжэ, түлеэн мэтээр шатааха. Зоной юушье ойлгоогүй һэн тула Байгуулагшань тэдэниие хайрлахагүй, Бүтээгшэнь нигүүлэсхы зан гаргахагүй.

Исай 30:26

Һара, нарандал адли ялагар шанга гэрэлтэй болохо, наран хэмһээ долоо дахин ялагар хурса болохол. Эзэнэй арад түмэндөө ушаруулһан гай гасалангай дүүрэжэ, шархануудайнь эдэгэжэ эхилхэдэ, эдэ бүгэдэ тохёолдохо.

Исай 47:14

Тэдэ һолоомо мэтэ боложо, галда дүрөө! Өөһэдыгөөшье абаржа шадаагүй! Дулаасаха согшье, хажуудань һууха галшье үлөөгүй.

Исай 65:7

Өөһэдэйнь болон үбгэ эсэгэнэрэйнь нүгэлэй түлөө үһөөгөө абахаб. Тэдэ хада ууланууд дээрэ уталга ууюулжа, Нам тушаа муугаар хэлээ һэн. Хэһэн хэмээрнь тэдээндэ хэһээлтэ амасуулхаб.

Ерэмияа 13:14

Домбо нүгөө домбоор домбодон сохижо байһандал, Би тэдэниие хүгшэн, залуугүй бэе бэедэнь хамталан бута сохихоб. Хайра үршөөл үзүүлхэгүйб, хайрлахагүйб, энэрилхэгүйб, хюдахаб! – гэбэ.

Ерэмияа 48:38

Моһаабай бүхы хушалтанууд дээрэ, үйлсэ талмайнууд дээрэнь гашуудал, уйлаан. Юуб гэхэдэ, Би Моһаабые хаясаанай һаба мэтээр буталан һандаргааб.

Гашуудал 4:2

Шэжэр алтантай адляар үнэлэгдэхэ Сионой эрхим хүбүүд шабарша дарханай бүтээл болохо шабар амһарта мэтэ болобо.

Эзэкээл 24:14

Тэрэ саг ерэнэл аабза. Тиихэдэнь Би хэһээлтэеэ болюулжа гү, али Иерусалимай улад зониие хайрлажа, энэрэл үзүүлжэ байхагүйб. Хэһэн хэрэгэйнгээ хэмээр тэдэ хэһээгдэхэ ёһотой. Энэ болбол Би, Эзэн Бурхан, айладхана мүн!

Эзэкээл 5:11

Би амиды Бурхан мүн, тиимэһээ Минии ордон онгонуудаараа, муу муухай хэрэгүүдээрээ бузарлаһанайтнай түлөө Би таанадые хайра гамгүй үсөөрүүлхэб.

Эзэкээл 7:4

Би шамайе хайрлахагүйб, энэрэл үзүүлхэгүйб, хэһэн хэрэгүүдэйшни хэмээр, жэгшүүрилтэ ябадалайшни түлөө шамайе хэһээхэб. Тиихэдэм таанад Намайе Эзэн гээд мэдэрхэт.

Эзэкээл 7:9

Таанадые хайрлахагүйб, энэрэл үзүүлхэгүйб. Хэһэн хэрэгүүдэйтнай хэмээр хэһээхэб, жэгшүүрилтэ хэрэгүүдтнай эли болохо. Тиихэдэ Намайе Эзэн, хэһээлтэ амасуулдаг Эзэн гээд таанад ойлгохот.

Эзэкээл 8:18

Тиимэһээ тэдэ Минии уур хилэнгэй бүхы хүсые мэдэрхэ! Хайрлахагүйб, энэрэл үзүүлхэгүйб! Намайе гуйжа хашхаралдаашье һаань, Би тэдэниие шагнахагүйб!

Эзэкээл 9:10

Тиимэһээ Би тэдэниие хайрлахагүйб, энэрэл үзүүлхэгүйб. Хэһэн юумыень өөһэдтэнь амасуулхаб.

Лука 4:2

Тэндэ Иисүүсые дүшэн хоногой туршада шолмос хорхойтуулан туршаба. Тэдэ бүхы үдэрнүүдтэ Иисүүс юушье эдингүй ябаа, һүүлдэнь гэдэһэниинь аргагүй ехээр үлдөө һэн.

Римэйхиндэ 11:21

Бурхан жэнхэни һалаанууд болохо еврейнүүдыешье хайрлаагүй, тиихэдэ Тэрээндэ үһэрхэбэлтнай, Тэрэ таанадые бүришье хайрлахагүй.

Римэйхиндэ 8:32

Бурхан Өөрын Хүбүүниие хайрлангүй, бидэнэй бултанаймнай түлөө үргөө. Бурхан маанадта Хүбүүгээ үгэжэ байхадаа, бусадшье бүхы юумэнүүдээ элбэгээр үгэхэ бэшэ гү?

Хуули дабталга 29:20

Иимэ хүниие Эзэн хүлисэхэгүй, тэрээндэ ехэ сухалдажа, зэбүүрхэжэ, Израилиин бүхы обогуудһаа тэрэниие илган гаргаха, хюдаха. Хуули соо, тогтооһон хэлсээнэй хуйламал бэшэг соо баталагдаһан хараал шэрээл иимэ хүндэ хүрэжэ, тэрэнэй нэрэшье алтан дэлхэй дээрэ мартагдаха. Эзэн иигэжэ тэрэниие хэһээхэ.