Исай 29:8 - Библи

⁸ Гэдэһээ үлдэһэн хүн эдижэ байнаб гэжэ зүүдэлээд һэрихэдээ, һанааниинь дутуу байдаг. Ангаһан хүн уһа уужа байнаб гэжэ зүүдэлээд һэрихэдээ, аман хатанхай байһанаа ойлгодог. Сионой хада – Иерусалимда добтолхоёо бэлдэжэ байгааша үй түмэн арадуудтай тон тиимэ юумэн болохо.

Исай 29:8 ပူးပေါင်းရင်းမြစ်များ

2 Угай бэшэг 32:21

Эзэн Эльгээмэлээ ябуулжа, тэрэ Ассириин сэрэгые ноёд һайдтайнь хамта хюдаба. Иигэжэ Ассириин хаан өөрынгөө газар руу нэрээ хухараад бусаа һэн. Тиигээд тэрэнэй өөрынгөө бурханай һүмэ соо мүргэл хэхэеэ ерэхэдэ, тэрэнэй түрэһэн хүбүүд эсэгээ һэлмээр сабшан алаа бэлэй.

Псалманууд 129:5

Би Эзэндэ найданаб, сэдьхэлни хүлеэнэ, үгэдэнь би найданаб.

Псалманууд 73:20

Хэлсээнтэй юу болоһые харыт! Газар дэлхэйн харанхы булангууд хүсэрхэлөөр дүүрэнхэйл.

Исай 41:11

Таанадта сухалдаһан зон нэрээ гутаажа, хүндэгүй болохо. Таанадтай заргалдагшад хосорхо.

Исай 41:12

Тэдэниие бэдэрбэшье, олохогүйт. Таанартай заргалдагшад үгы болохо. Таанартай дайлалдагшад юуншье бэшэ болохо.

Исай 44:12

Түмэршэ дархан багажа зэбсэгээ абаад, нүүрһэн дээрэ гал үлеэн хүдэлдэг. Тэрэ шүтөөниие алхаар дабтажа, гарайнгаа хүсэ хэрэглэн хүдэлдэг. Ажал хэхэдээ, тэрэ гэдэһээ үлдэжэ ядардаг, ангадаг, эсэдэг.

Исай 54:17

Харин ямаршье зэр зэбсэг шамайе шархатаахагүй, шамайе зэмэлжэ хэлэһэн хүн бүхэндэ харюутайл байхаш. Би Өөрын зарасанарые аршалхаб, илалта туйлуулхаб!» Иигэжэ Эзэн айладана юм.

Наум 1:15

Харыт, һайн мэдээ асардаг, амар амгаланиие соносхогшо хада уула дээрэ ерээд байнал! Оо, Иуда, найр наадануудаа тэмдэглэн, тангаригуудаа бэелүүлэ. Юуб гэбэл, зохисгүй нэгэн шамаар гаража ябахагүй – тэрэ бүримүһэн усадхагдаа.

Наум 2:1

Тараан бутаргадаг нэгэн шамда добтолхоор ерэжэ байна. Цайзаа хамгаала! Харгы замые хаража бай! Шандааһаяа шангала, хүсэ шадалаа нөөсэлэ!