Исай 27:11 - Библи

¹¹ Тэрэнэй мүшэрнүүд хатажа хухарха. Тиихэдэнь эхэнэрнүүд ерэжэ, түлеэн мэтээр шатааха. Зоной юушье ойлгоогүй һэн тула Байгуулагшань тэдэниие хайрлахагүй, Бүтээгшэнь нигүүлэсхы зан гаргахагүй.

Исай 27:11 ပူးပေါင်းရင်းမြစ်များ

Псалманууд 106:40

Түшэмэлнүүдые эшхэбтэр байдалда оруулна, сүл губи руу абаашана, замһаань хадууруулна.

Исай 1:3

Сар өөрынгөө эзэниие танидаг, элжэгэншье хооллодог тэбшэеэ мэдэдэг лэ. Харин Израиль мэдэдэггүй, Минии арад түмэн ойлгодоггүй!»

Исай 18:5

Үзэмэй жэмэс хуряахын урда тээ, сэсэглэжэ дүүрээд, үзэмэй модоной эдеэшээд байхада, дайсан Эфиопиие һалгааха. Үзэм жэмэсэй мүшэр тайраһандал, Эзэн тэдэниие хюдаха.

Исай 43:1

Яков, шамайе байгуулагша, Израиль, шамайе бүтээгшэ Эзэн иигэжэ айладхана: «Бү ай, Би шамайе абархаб. Би шамайе нэрээршни нэрлээб, ши Минии болоош.

Исай 43:7

Тэдэ Минии Өөрын зон, Өөрын алдар солын тула Би тэдэниие бүтээгээ бэлэйб».

Исай 44:2

Таанадые байгуулһан Эзэнтнай гээшэб, хэбэл соо таанадые бүтээһэн Би, таанадта туһалдаг Би иигэжэ айладанаб: Минии богоол Яков, Минии шэлэн абаһан Ешүрүүн, бү айгты!

Исай 44:24

– Би таниие абарагша Эзэмби. Би таанадые хэбэл соо байгуулааб. Би, Эзэн, бүхы юумэ бүтээгээб, Би гансаараа огторгойе татажа, дэлхэйе гансаараа дэлгээб.

Исай 5:13

Тиимэһээ ойлгодоггүй хадаа арадни баряанда туугдан ошохо. Удамаршадынь туража үхэхэ, хара зониинь ангажа хосорхо.

Исай 9:17

Тиимэ ушарһаа Эзэн өөрын арад түмэнэй залуу зон тушаашье һанаагаа табихагүй, үншэн хүүгэдые, бэлбэһэн эхэнэрнүүдыешье хайрлахагүй. Юуб гэбэл, тэдэ бултадаа Бурхангүй ба муу хэрэг үйлэдэгшэд, муу юумэ амалжал байгшад. Энээнэй удаашье Эзэнэй уур хилэн буурахагүй, зониие хэһээхэ гэжэ гарынь һунгаатай зандаал байха.

Ерэмияа 11:16

Үзэсхэлэн һайхан, жэмэстэй, ногооржо байһан чидун модон гэжэ Би шамайе нэрлээ һэм. Харин мүнөө ехэ аадарай дуу-шуугаар Би шам руу гал эльгээн носообоб. Тиигээд мүшэрнүүдшни шатан һалаба.

Ерэмияа 13:14

Домбо нүгөө домбоор домбодон сохижо байһандал, Би тэдэниие хүгшэн, залуугүй бэе бэедэнь хамталан бута сохихоб. Хайра үршөөл үзүүлхэгүйб, хайрлахагүйб, энэрилхэгүйб, хюдахаб! – гэбэ.

Ерэмияа 16:5

Ерэмияа, наһа барагшые хүдөөлүүлһэн гэртэ ошохыешни Би, Эзэн, хориноб. Тиишээ ошожо, гашуудажа, шаналжа бү бай. Энэ арад түмэндэ амгалан байдал бэлэглэхэеэ болёоб, үршөөлөө, энэрэл хайраяа тэдээндэ бэшэ үзүүлхэгүйб.

Ерэмияа 4:22

Эзэн иигэжэ хэлэнэ: «Арад зомни мунхаг. Тэдэ Намайе мэдэдэггүй. Тэдэ тэнэг үхибүүдтэл адли, юумэ ойлгодоггүй. Муу юумэ үйлэдэхэдөө һүрхэй, харин һайн юумэ хэхэеэ шададаггүй».

Ерэмияа 8:7

Хилэн шубууншье хүрэтэрөө бусаха сагаа мэдэдэг. Түүтэй шубуун, хараасгай болон тохорюун аянай сагаа ойлгодог. Харин таанад, Минии арад зон, ёһо гуримыемни мэдэнэгүйт.

Эзэкээл 19:12

Харин Би уур хилэнтэжэ, тэрэниие газарһаань һуга татан газарта хаябаб. Элһэн сүл губиин халуун һалхин жэмэсынь хатаагаа. Хүдэр гэшүүһэдынь хатажа, галда шатаагдаба.

Эзэкээл 20:47

Түймэр табихадам, ногооржо байгаашашье, хуурайшье модон бүхэн галда абтаха, хэншье, юуншье тэрэ түймэрые саража шадахагүй, юуб гэхэдэ, урда зүгһөө эхилээд, хойто зүг хүрэтэр гал бүхыдөө соробхилон үргэлжэлхэ гэжэ Минии, Эзэн Бурханай, айладхаһые урда зүгэй ой модондо соносхо.

Эзэкээл 9:10

Тиимэһээ Би тэдэниие хайрлахагүйб, энэрэл үзүүлхэгүйб. Хэһэн юумыень өөһэдтэнь амасуулхаб.

Һошээ 4:14

Зальхай забхай ябадалтай басагад, бэреэдыетнай усадхахаяа Би үшөө хүлеэхэм, юуб гэбэл, таанад өөһэдөө янхан ябадалтайт, хариин бурхадта мүргэн, тахил үргэнэт. Тэнэг мунхаг иимэ арад хадаа таанад усадхагдахат!

Һошээ 4:6

Намайе мэдэрхэеэ татагалзаа хадаа арад түмэмни усадхагдаха. Таанад, санаартад, Намайе мэдэрхэеэ арсажа, һургаалым мартан хэрэгсээгээгүй бэлэйт. Тиимэһээ Би таанадые хэрэгсээхэгүйб, хүбүүдыеш санаартадни гэжэ тоохогүйб, мартахаб.

Матвей 13:15

Энэ арадай сэдьхэлынь мохоороо, шэхэнь таглараа, нюдэнь анигдаа. Тиимэһээ тэдэ нюдөөрөө юумэ харанагүй, шэхээрээ дууланагүй, ухаагаараа юумэ ойлгоногүй, тэдэниие аргалжа эдэгээхымни тула Намда ханданагүй».

Матвей 13:19

Бурханай хаан түрэ тухай мэдээсэл шагнаад, юумэ ойлгоогүй хүнүүд – харгын хажууда сасагдаһан үрэһэндэ адли юм. Тэдээндэ шолмос ерээд, сэдьхэл зүрхэндэнь таригдаһые абаад арилдаг.

Матвей 3:10

Модо үндэһөөрнь таһа сабшаха алма һүхэ бэлэн байна: һайн үрэ жэмэс үгэдэггүй алишье модон таһа сабшагдаад, галда хаягдаха.

Иоанн 15:6

Минии досоо оршодоггүй хүн үзэмэй сэсэрлиг сооһоо хаягдажа, хаташаһан мүшэрнүүд шэнги байха. Тиимэ мүшэрнүүд суглуулагдан, гал руу хаягдан, галдагдаха.

Римэйхиндэ 1:28

Тэдэ зоной Бурхан тухай бодожо байхаяа арсаһан хадань тэдэнэй тэнэг хооһон ухаан бодолойнгоо хүсэлэнгөөр ябахадань Бурхан һаалта хээгүй. Тиимэһээл тэдэ зон хэхэ ёһогүй юумэнүүдые хэнэ.

Римэйхиндэ 1:31

Тэдэнэр тэнэг хооһон, хэлэһэн үгэдөө хүрэдэггүй, хүниие үршөөхэ, хайрлаха гэжэ мэдэдэггүй.

Хуули дабталга 4:6

Тэдэниие жэншэдгүй сахин бэелүүлэн байгты, өөрынгөө сэсэн ухаатайе ондоо арадуудта иигэжэ гэршэлхэт. Юуб гэхэдэ, эдэ бүхы хуули ёһо тухай дуулаһан арадууд «Энэ агууехэ арад ямар сэсэн мэргэн ухаатай гээшэб!» гээд хэлэхэл.

Фессалоникиинхидтэ 1-дэхи 2:16

Бусад арадуудай абарагдахын тулада Бурханай үгэ номноходомнай тэдэ баһал һаалта хэнэ. Тиигэжэ Иудейн зон хэһэн нүгэлнүүдэй хүсэлдүүлбэ. Одоол мүнөө Бурхан тэдэниие хэһээхэнь даа.

Яковай хандалга 2:13

Ушарынь хэлэбэл, үршөөл хайра үзүүлдэггүй хүниие Бурхан үршөөл хайрагүйгөөр шүүбэрилхэ; тиихэдэ үршөөл хайра зарга шүүбэриһээ дээгүүр үргэгдэхэ.