Исай 25:11 - Библи

¹¹ Уһанда тамаржа байһан хүндэл адли тэдэ гараа һарбайха, теэд Эзэн тэдэниие доромжолхо, тиихэдэнь гарнуудынь һал унашахал.

Исай 25:11 ပူးပေါင်းရင်းမြစ်များ

Иоов 40:11

Шүрбэһэлиг хүлынь харыш, ууса бэень ямар һүрөөтэйб даа.

Псалманууд 2:5

Тиигээд Тэрэ тэдэндээ уур сухал дундаа айладажа, уур хилэнгээрээ тэдэниие һүрдүүлэн,

Исай 10:33

Хараарайгты, Түмэн Сэрэгтэ Эзэн мододой мүшэр хухалдагтал агууехэ хүсөөрөө тэдэниие хухалан доошонь хаяха. Эгээл омог бардам, эгээл үндэрынь баһагдан доромжолуулагдаха.

Исай 13:11

Эзэн иигэжэ айладхана: «Муу муухайнь түлөө Би энэ газар дэлхэйе хэһээхэб, муу зондо гэм зэмэйнь түлөө хэһээлтэ амасуулхаб! Бардам, ехэрхүү һанаатай зоной хамарые сохихоб, Хэрзэгы дошхон зоной бардам зангые болюулхаб!

Исай 14:26

Энэ болбол бүхэдэлхэйн хуби заяа шиидхэдэг түсэб, үндэһэтэдые хэһээхын тула тэдээн дээгүүр һунгаатай гар!

Исай 16:14

Мүнөө хадаа Эзэн иигэжэ айладхана: – Ажалда зониие хүлһэлэн абахадаа он жэлнүүдые тоолодогтол, гурбан жэлые тоолоходо, Моһаабай һүр жабхалан һуларан һүнэхэ. Олон зонһоонь оройдоол нэгэ хэдынь амиды мэндэ үлэхэ. Тэдэньшье ахир, хүсэгүй байхал.

Исай 16:6

Иудын зон хэлэнэ: Моһаабай зоной бардам зантайень мэдэхэбди. Ехэрхүү зантайень, аашатайень дуулаһан байнабди. Тэдэнэй һайрхадагынь хооһон, худал хуурмаг.

Исай 2:10

Эзэнэй уур хилэнһээ, һүр жабхаланта хүсэ шадалһаа тэрьедэжэ, хадын хабшалда шурган гү, али газарта нүхэ малтан хоро!

Исай 2:11

Хүнэй бардам харасын үгы болохо, хүнэй дээрэлхүү зангай номгодохо саг дүтэлжэ байна. Тэрэ үдэр Эзэн лэ гансаараа үндэр зандаа үлэхэл.

Исай 2:15

Ямаршье үндэр самхаг, яажашье бүхэлэгдэһэн хэрэм хана Тэрэ унагааха.

Исай 25:5

Ган гасуур газарай ааяма халуундал адли, үүлэнэй һүүдэрэй бүгшэм халууниие нам болгодогтол, Та хариин дайсадай шууяа шурхираа болюулбат, дарлагшадые аниргүй болгобот.

Исай 5:25

Эзэн Өөрын арад түмэндэ уур сухал боложо, гараа тэдээн руу һунгажа, сохихо! Хада ууланууд доһолжо, үхэһэн зоной хүүрнүүд бог шорой мэтэ үйлсэнүүдээр хэбтэхэ. Энээнэй удаашье Тэрэнэй уур хилэн унтархагүй, гарынь һунгаатай зандаа байха!

Исай 53:12

Тиимэһээ Би Тэрээндэ агууехэ зоной дунда һууха һуури үршөөхэб, хүсэтэйшүүлтэй хамта Тэрэ олзо хубаалдаха. Тэрэ Өөрынгөө ами наһа хайрлаагүй, Тэрэниие гэмтэн гэжэ тоолоо, олоной нүгэл Өөр дээрээ тээжэ, нүгэлтэй зоной түлөө зууршалан гуйгаа.

Исай 65:2

Муу зам даган, өөрын һанаһаар ажаһуудаг, хүнэй үгэ дууладаггүй арад руу бүхэлиин үдэрөө гараа һунган байгааб.

Ерэмияа 48:29

Моһаабай бардам зан, үлүү ехэ бардамлалгые, бэеэ ехэ үндэрөөр сэгнэдэг тухайнь дуулаһан байнаб.

Ерэмияа 48:42

Моһааб үндэһэ яһатанай дундаһаа үгы хэгдэхэ, юуб гэбэл, тэрэ Минии урдаһаа эсэргүүсэн бодоо.

Ерэмияа 48:47

Теэд саашадаа Моһаабые дахин һэргээхэб гэжэ Эзэн найдуулна. Эзэнэй Моһааб тушаа айладхаһан юумэн заабол бэелүүлэгдэхэ.

Ерэмияа 51:44

Вавилооной бурхан Бээлые Би хэһээхэб, залгин абаһан зөөрииень һөөргэнь гаргахые баадхахаб. Үндэһэ яһатад тэрээндэ бэшэ мүргэхэеэ болихо. Вавилооной хэрэм хананууд унашоол!

Колоссынхидтэ 2:15

Тиигэжэ Христоосой ашаар Бурхан захирагша ба засаглагша хүсэнүүдые дараа, тиигээд илалта туйлахадаа, тэдэ хүсэнүүдые баряанда абтаһан зондол адляар бүхы арадай урда ябуулаа.

Яковай хандалга 4:6

Тиихэдэ Бурхан маанадые бүришье элбэг дэлбэгээр үршөөл хайрадаа хүртөөнэ. «Омог бардам зониие Бурхан буруушаана, харин номгон даруу зониие үршөөл хайрадаа хүртөөнэ», – гэжэ Нангин Бэшэг соо хэлээтэй.