Исай 19:24 - Библи

²⁴ Тэрэ сагай ерэхэдэ, Израиль Египет ба Ассиритэй хамтаржа, бүхы дэлхэй дотор эдэ орон нютагуудта юрөөл шэнгэхэл.

Исай 19:24 ပူးပေါင်းရင်းမြစ်များ

Эхин 12:2

Би шамһаа үнэр үдхэн агууехэ арадые бии болгохоб, үреэхэб, шамайе нэрэ хүндэтэй хүн болгохоб, шамаар дамжан хожомой сагта олон зондо баяр баясхалан дахин ушарха.

Исай 19:23

Тэрэ сагай ерэхэдэ, Египедһээ Ассири хүрэтэр дардам харгы бии боложо, Ассириин зон Египет руу, Египедэй улад Ассири руу ябадаг болохо, тэдэ хамтадаа Эзэндэ мүргэдэг байхал.

Исай 19:25

Түмэн Сэрэгтэ Эзэн тэдэниие юрөөжэ, «Минии арад түмэн болохо Египет, Минии бүтээгшэ Ассири, Минии шэлэгдэмэл арад зон Израиль, Би таанадые юрөөнэб!» гэжэ айладхал буулгаха.

Исай 27:13

Тэрэ үдэр ехэ бүреэгэй дуун дуулдажа, Ассири болон Египет руу сүлэгдэгшэ Израилиин зон бусан ерэхэ. Тиигээд тэдэ нангин уула дээрэ, Иерусалимда Эзэндэ мүргэхэ.

Исай 49:22

Эзэн Бурхан Өөрын арад зондо иигэжэ айладхана: «Үндэһэ яһатанда Би дохёо тэмдэг үгэхэб, обогуудта гэжэ тугаа үргэхэб. Тиихэдэм тэдэ гэр руунь үхи хүүгэдыешни асарха.

Исай 49:6

Эзэн намда иигэжэ айладхаа: «Минии зараса байха гээшэ багашаг үүргэ шамда. Тиимэһээ ши үшөө Яковай угсаатаниие һэргээн бодхоохош, Израилиин амиды мэндэ үлэһэн арад зониие һөөргэнь бусаахаш. Газар түбиин заха хизаар хүрэтэр абаралгыемни дэлгэрүүлхыншни тула Би шамайе бусад арадуудай гэрэл туяа болгохоб!»

Исай 6:13

Зоной арбанай нэгэ хубишье эндэ үлөө һаань, энэ газар дайда дахин хооһоруулагдаха. Сарса болон зандан мододые тайрахада, үндэһэн түгсүүл үлэдэг. Тэрээн мэтэ нангин үрэ энэ орон нютагай үндэһэн мүн.

Исай 65:22

Ондоо хүн тэрэ бариһан гэрнүүдтэнь ажаһуухагүй, ондоо зон тариһан мододһоонь эдижэ байхагүй. Мододтол адли, зомни удаан ажаһууха, ажалайнгаа үрэ шэмэ өөһэдөө эдлэхэ.

Исай 65:8

Эзэн иигэжэ айладхана: Үзэмэй модоной мүшэр шүүһэтэй байбал, тэрээн тушаа «бү һалгаагты, тэрэ үреэлтэй» гэдэг. Бишье Өөрын арад түмэниие бултыень усадхахагүйб, Намда мүргэдэг зониие абархаб.

Исай 66:12

Эзэн иигэжэ айладхана: «Би таанадта гол мэтээр амгалан тайбан байдал, үндэһэ яһатанай эд баялигуудые урдахуулхаб. Тэжээлгэжэ, эхынгээ гар дээрэ үргэгдэн, үбдэг дээрэнь энхэрүүлэн байгааша үхибүүндэл адли таанад болохот.

Эзэкээл 34:26

Минии нангин хада уулые тойрон ажаһуухат. Хэрэгтэй сагтатнай хура бороо эльгээжэ, таанадые үршөөн үреэн байхаб.

Захарияа 8:13

Арадуудай дунда Иудын удам, Израилиин уг удам хараал боложо байһые Би үреэл болгожо, таанарые абархаб. Бү айгты, шандааһаяа шангадхан хүсэ шадалаа элсүүлэгты».

Лука 2:32

Тэрэтнай бүхы угсаатаниие гэгээрүүлхэ гэрэл болохол, Израилиинтнай арадта алдар соло асархал.

Римэйхиндэ 15:27

Тэдэ һүзэглэгшэд туһалха гэһэн шиидхэбэри өөһэдөө гаргаа. Гэхэтэй зэргэ үнэн бодолоороо тэдэнэр туһалха ёһотойшье юм. Хэрбээ еврейнүүд оюун сэдьхэлэй буян хэшэгээрээ бусад арадуудтай хубаалдаһан байбал, бусад арадуудшье алта мүнгэнэй буян хэшэгээрээ еврейнүүдтэ туһалха ёһотой юм.

Галадуудта 3:14

Иисүүс Христоосоор дамжан найдуулагдаһан Арюун Һүлдые этигэлээрээ тогтоожо абахынь тула Абраһаамай үршөөл хайра мүнөө бүхы арадуудта үгтөө.

Хуули дабталга 32:43

Бусад яһатад, Бурханай арадтай хамта баярлагты! Юуб гэхэдэ, зарасануудыень алаһан зондо Тэрэ хэһээлтэ амасуулдаг, тэдэнэй түлөө дайсадһаа үһөөгөө абадаг, Өөрынгөө газарай, арад зоной нүгэл хүлисэн арюудхадаг.