Исай 14:32 - Библи

³² «Пилишт орон нютагһаа маанад руу ерэжэ байгааша элшэнэртэ юун гэжэ харюу үгэхэбибди?» «Эзэн Сионой үндэһэ һуури табяа, Тэрэнэй арад түмэнэй зобожо зүдэрһэн зон тэндэ хоргодохо аргатай болоо гэжэ тэдээндэ хэлэхэбди».

Исай 14:32 ပူးပေါင်းရင်းမြစ်များ

2 Хаан түрэнүүд 8:10

тэрэниие мэндэшэлхын, һайе хүргэхын тула Ёраам хүбүүгээ эльгээбэ. Ушарынь хадаа Һадаад-Ээзэр Тойтой ходо дайлалдажа байгаа бшуу. Ёраам ерэхэдээ, алтан, мүнгэн, гуулин эд зүйлнүүдые асарба.

Псалманууд 102:16

Дээгүүрнь һалхинай үлеэхэдэ тэрэ үгы болодог, байһан газарыньшье танихын аргагүй.

Псалманууд 48:4

Минии аман сэсэн мэргэн үгэ хэлэхэ, минии ухаанай бисалгал ойлгоходо туһалха.

Псалманууд 87:1

[Дуулал. Коорахай уг удамай псалма. Дуунай бүлэгэй хүтэлбэрилэгшэдэ: үлеэдэг хүгжэмтэ зэмсэгэй дууряалга доро, зоболон тушаа хүгжэм. Эзраахай Һэмаанай ирагуу үгэнүүд.]

Псалманууд 87:5

Нүхэн руу буугшад шэнги болооб, хүсэгүй хүндэл адлиб.

Һургаал 18:10

Эзэнэй нэрэ бата бэхи хэрэм. Үнэн шударга хүн тиишээ тэрьелээд, абаралта олоно.

Исай 11:4

Үгытэй ядуу зоной хэрэгүүдые үнэн зүбөөр шиидхэжэ, бэеэ аршалжа шадахагүй хүнүүдэй эрхэнүүдые хамгаалжа тэрэ байха. Үгэ хүүрээрээ газарые хюдажа, эшхэрхэдээ, муу хүниие һалгаажа байха.

Исай 12:6

Сионой ажаһуугшад, баясагты, шангаар дуулагты! Израилиин арюун Бурхан танай дунда агууехэ!»

Исай 25:4

Та үгытэйшүүлдэ хамгаалалтань, ядуу зондо түшэг тулгуубаринь боложо, шуурганһаа хоргодохо газар, халуунһаа халхалха һүүдэрынь болоо бэлэйт. Хэрзэгы дайсадай добтолгонь шулуун ханын урдаһаа ороһон бороо шуургандал һэн.

Исай 28:16

Харин Эзэн Бурхан иигэжэ айладхана: «Бата найдамтай, мантан һууриин шулуу, эрдэни шулуу, хатуу шулуу Сион дээрэ мүнөө Би табинаб. Бата этигэлтэй нэгэн айхагүй.

Исай 29:19

Үгытэй зон Эзэнһээ шэнэ баярта хүртэхэ, ядуу улад Израилиин арюун Бурхан тушаа баясан байхал.

Исай 37:32

Амиды үлэгшэд Иерусалимһаа гараха, амин бэеэ абарагшад Сион хадаһаа бууха. Түмэн Сэрэгтэ Эзэн энээниие заабол бэелүүлхэл.

Исай 37:9

Күүшэй хаан Тирһаакаагай дайгаар ерэжэ байһан тухай Ассириин хаан дуулажа, элшэнэрые иимэ бэшэгтэйгээр Хэзэкияа хаанда эльгээбэ:

Исай 39:1

Тэрэ сагта Баладаанай хүбүүн, Вавилооной хаан Мэродаах-Баладаан Хэзэкияае үбшэн байгаад эдэгэһэн тухайнь дуулаад, элшэнэрээ тэрээндэ бэлэг-сэлэгтэйгээр ба хандалга бэшэгтэйгээр эльгээбэ.

Исай 4:6

Энэ халхабша үдэрэй ааяма халуунһаа аршалха, һүүдэр болохо, шуурга, бороонһоо хорохо газар, нэмэри болон байхал.

Исай 44:28

Кииртэ иигэжэ айладхал буулганаб: «Ши Минии эльгээһэн ударидагша мүн, Минии үгэ соо хэрэг ябуулхаш. Иерусалимда һэргэн бодохыень, нангин үргөөгэйм һууриин дахин табигдахыень ши захирхаш!»

Исай 54:11

Эзэн иигэжэ айладана: «Иерусалим, ши зобоһон нэгэнши даа! Һалхи шуурганда сохигдоһон хотош! Хараарай, Би шамайе оюун шулуугаар барижа, һуурииешни биндарьяагаар табихаб.

Исай 57:13

Орилжо байхадатнай шүтөөнүүд таанадта туһалаг лэ! Һалхин тэдэниие бултыень хиидхүүлхэ. Харин Намда этигэгшэд газар дэлхэйе эзэмдэхэ, Минии нангин уулые эзэлэн байха юм».

Эзэкээл 48:35

Бүхыдөө хотын хана арбан найман мянган тохой ута байха. Хото болбол «Эзэн эндэ бии!» гэдэг шэнэ нэрэтэй болохо юм.

Цэпаанияа 3:12

Харин юрын, даруу зантай зониие үлөөхэб, тиихэдэм тэдэ Намда зальбаран байха.

Захарияа 11:11

Иигэжэ Эзэнэй арадуудтай баталһан Хэрээ хүсөө алдаба. Намайе хаража байһан хонин һүрэг энэ хадаа Эзэнһээ бууһан үйлэ гэжэ ойлгоо.

Захарияа 11:7

Нядалхаар илгагдаһан, хариин наймаашадта хабаатай хонин һүрэг Би харюулдаг болобоб. Өөртөө хоёр дулды абабаб. Нэгыень Үршөөл гэжэ дуудаад, нүгөөдыень Нэгэдэлгэ гэжэ нэрлэбэб.

Матвей 16:18

Тиимэһээ Би шамда хэлэнэб: ши, Пётр – шулуун гээшэш, тиин Би энэ шулуун дээрэ Өөрынгөө һүзэглэгшэдэй бүлгэмые бодхоохоб, тэрэнииемни үхэлшье өөрөө диилэхэгүй.

Еврейнүүдтэ 11:10

Бурханай зохёон бодхооһон бата һууритай хотые Абраһаам хүлеэжэ байгаа.

Еврейнүүдтэ 12:22

Таанад Сион хадада, амиды Бурханай хотодо, тэнгэриин Иерусалимда, үй түмэн Эльгээмэлнүүдэй баярай суглаанда ерээт.

Яковай хандалга 2:5

Хайрата аха дүүнэрни, шагнагты даа: Бурхан үгытэйшүүлые һүзэгөөрөө баян бардам байхыень, Өөртэнь дуратай хүнүүдтэ үгэхэб гэжэ найдуулһан хаан оронойнгоо залгамжалагшад болохыень шэлэжэ абаа бэшэ һэн гү?