Исай 14:29 - Библи

²⁹ Пилишт орон нютагай улад зон, таанадые сохижо байһан ташуур хухараа гэжэ бү баярлагты. Юуб гэхэдэ, нэгэ могойн үхэхэдэ, үшөө ехэ хорото могой орондонь ерэдэг гээшэл. Тэрэнэй үндэгэнһөө ниидэдэг гал могой гарахал.

Исай 14:29 ပူးပေါင်းရင်းမြစ်များ

4 Хаан түрэнүүд 18:8

Хэзэкияа пилиштүүдые бута сохёод, Гааза хүрэтэр ошожо, тэрэнэй оршон тойронхи газарнуудые, харуулай хэрэм арангануудые, бэхижүүлгэтэй хотонуудые эзэмдэн абаба.

2 Угай бэшэг 26:6

Уззияа хаан пилишт арадай сэрэгтэй дайлалдажа, Гаат, Ябнээ, Ашдоодой хэрэм ханануудые бута сохибо. Тиигээд тэрэ Ашдоодой хажуугаар болон Пилиштын бусад газарнуудта хото һууринуудые баряа бэлэй.

2 Угай бэшэг 28:18

Энэ үедэ пилиштүүд Иудын нюруу газарай болон урда зүгэй хотонуудаар таран ябажа, Бэт-Шээмэш, Аялоон, Гэдэроот, Сохоо, Тимнаа, Гимзоо хотонуудые һууринуудтайнь хамта эзэлжэ, һуурижаба.

Һургаал 24:17

Дайсанайнгаа унахада хүхихэ хэрэггүй, бүдэрхэдэнь сэдьхэлээ баярлуулжа бү бай.

Исай 11:14

Хамта тэдэ баруун зүгтэ пилиштүүдэй гүбээнүүдтэ добтолхо, зүүн зүгтэ ажаһуугшадые тонохо. Эдоом болон Моһааб руу гараа һунгаха, Аммооной зон тэдээнэй мэдэлдэ орохо.

Исай 11:8

Хорото могойн хажуугаар наадагша үхибүүн ямаршьегүй үлэхэ.

Исай 14:31

Уйлыт, бартаанууд! Уляарай, хото! Пилишт ороной бүхы хотонуудай улад зон, айгты! Хойто зүгһөө унинха тооһон харагдана – энэ хадаа дайсанай сэрэг жэгдэ жагсаалаар ерэжэ байна гээшэл.

Исай 2:6

Теэд Та, Эзэн Бурхан, Өөрынгөө арад түмэн болохо Яковай үри һадаһадые орхёот! Юуб гэхэдэ, тэдэ зүүн зүгэй заншалтай, пилиштүүд шэнги үзэлшэ мэдэлшэдтэй болонхой, хариин зонтой холилдоно.

Исай 30:6

Урда зүгэй элһэн сүл губиин амитад тушаа Эзэнэй буулгаһан айладхал энэ: Арсаланай, хорото могойн, луугай һуурижаһан аймшагтай орон нютагаар элшэнэр аяншална. Элжэгэдтээ, тэмээнүүдтээ хүндэ ашаа тээн, тэдэ ондоо арад зондо бэлэг-сэлэг абаашахаяа һэдэнэ. Теэд тэрэ арад өөһэдтэнь ямаршье туһа хүргэхэгүй.

Ерэмияа 47:1

Гааза гээшэдэ Египедэй фараоной добтолхын урда тээ Эзэн намтай пилишт арад тушаа хөөрэлдэһэн байна.

Гашуудал 2:17

Шиидэһэн хэрэгээ Эзэн бүтээгээ, эртэ урдын үдэрнүүдтэ айладаһан үгөө бэелүүлээ. Тэрэ хайра гамгүй һалгаана, дайсадаар шамайе баһуулан баясуулаа, дайсадые үргэмжэлөө.

Эзэкээл 25:15

Эзэн Бурхан иигэжэ айладхана: – Пилиштын арад зон хэтын дайсадһаа үһөөгөө оло дахин абан, усадхахаяа һэдэдэг байгаа.

Эзэкээл 26:2

– Хүнэй үри Эзэкээл! Тиир хотын зон Иерусалимай гай тодхорто баярлан иигэжэ хэлсэнэ: «Ха-ха, Иерусалим һандаргагдаа! Олон уласуудай аралжаа наймаанай томо уулзуур газар һэн бэлэй, мүнөө тэрэ хооһороо, һуурииень бидэ эзэлхэбди».

Эзэкээл 35:15

Израилиин һалан һандаржа байхада баясажа байгаа бэлэйш. Тон тиимэ юумэн шамтай тохёолдохо: Сэһиирэй хадалиг улас, хамаг Эдоом орон нютаг хооһорон һандарха. Тиихэдэ хүн бүхэн Намайе Эзэн гээд ойлгохо.

Һошээ 9:1

Израилиин арад зон, ондоо арадуудтал һайндэрнүүдые хэжэ, сэнгэжэ байхаяа болигты! Таанад өөрын Бурханһаа холодожо, Тэрээндэ шүтэхэеэ болёод байнат. Орооһо сохидог газарта та янхан эхэнэртэл, мүнгэ абаха дуратайт.

Ёһээл 3:4

Тиир, Сидоон ба Пилиштын тойрог Минии хубида юун бэ даа! Таанад үһөө абаха гэжэ байна гүт? Тэрэ үһөөетнай һөөргэнь тархи дээрэтнай буулгахаб.

Амоос 1:6

Эзэн иигэжэ айладхаа: Гаазай улад зон гэмээ нэмээһээр. Шиидхэһэнээ Би болюулхагүйб. Бүгэдэ улад зониием баряанда туужа абаашаад, Эдоомдо богоолшолгодо дамжуулһандань

Амоос 1:8

Ашдоод, Ашхэлооной удамаршадые усадхан үгы хэхэб, Экроон руу гараа далайжа, даран-сохин һалгаахаб, Пилиштын үлөөшэ зон хосорхо! – гэжэ Эзэн Бурхан соносхоо.

Авдии 1:12

Өөрын дүүгэй золгүй тэрэ үдэр бардамлаха бэшэ, Иудын зоной һүйдхэлтэ үдэр баясаха бэшэ, тэдэнэй зоболонгой үдэр энеэжэ байха бэшэ байгааш.

Михей 7:8

Минии дайсан, намһаа боложо бү баяса! Би хэды унаашье һаа, бодохоб. Харанхыда хэды байгаашье һаам, Эзэн минии гэрэл юм.

Цэпаанияа 2:4

Гаазада хэншье үлэхэгүй, Ашхэлооншье хооһорхо. Гэгээн сагаан үдэр дунда Ашдоодой улад зон гэрһээ үлдүүлхэ, Экроонойшье зон үлдэн гаргуулха.

Цэпаанияа 2:5

Далайн эрьеэр ажаһуудаг хэрээдэй зон, таанарта гай гасалан ушарха! Пилиштын Ханаһаан һуури, Эзэн шамайе буруушааһан зарлигаа буулгаа! Тэрэ таанарые хюдаха, нэгэшье хүн амиды үлэхэгүй.

Цэпаанияа 3:11

Тэрэ үе сагай ерэхэдэ, таанар, Минии арад түмэн, урдаһаам буһалгаалан хэрэг ябуулхагүйт, эшхэбтэр юумэ хэхэгүйт. Үгы һаатнай, Би таанарай дундаһаа бардам, дээрэлхүү зантай зониие зайлуулхаб, Минии арюун нангин хада уула дээрэ таанар бардамлан ябахаа болихот.

Захарияа 9:5

Ашхэлоон энээниие хараад һүрдэхэ, Гааза болон Экрооной зон айн шэшэрэлдэхэ, тэдэнэй найдалынь таһарха. Гаазада хааниинь һүнэхэ, Ашхэлоондо хүнүүд байхаяа болихо.

Тоололго 21:8

Эзэн Моисейдэ иигэжэ айладаба: – Толотомо могой өөртөө бүтээгээд, тэрэнээ тугайнгаа эшэ дээрэ тодхо. Хэн нэгые могойн хадхабал, хадхуулагша тэрэ хүн һүр тэмдэг харахадаа, хосоронгүй, амиды үлэхэ.

Нүүнэй Иисүүс 13:3

Египедэй урдахи Сихорһоо хойшоо Экрооной хилэ хүрэһэн газар Ханаһаанай гэжэ тоологдодог, тэндэ Пилиштын табан эзэд бии: Гаазай, Ашдоодой, Ашхэлооной, Гаадай, Экрооной. Урда зүгтэ аввиимуудай газар.