Исай 14:25 - Библи

²⁵ Минии газар дайда Израиль соо Ассириин зониие хюдан һалгаахаб, хада ууланууд дээрээ тэдэниие дэбһэн гэшхэхэб. Өөрынгөө улад зониие Ассириин хүндэ хөөмэгшэһөө сүлөөлхэб, мөөрһөөнь хүндэ ашаа абан буулгахаб!»

Исай 14:25 ပူးပေါင်းရင်းမြစ်များ

2 Угай бэшэг 32:21

Эзэн Эльгээмэлээ ябуулжа, тэрэ Ассириин сэрэгые ноёд һайдтайнь хамта хюдаба. Иигэжэ Ассириин хаан өөрынгөө газар руу нэрээ хухараад бусаа һэн. Тиигээд тэрэнэй өөрынгөө бурханай һүмэ соо мүргэл хэхэеэ ерэхэдэ, тэрэнэй түрэһэн хүбүүд эсэгээ һэлмээр сабшан алаа бэлэй.

Исай 10:12

«Сион уула дээрэ болон Иерусалимда Өөрынгөө хэрэг хэжэ дүүргэхэдөө, бардам һайрхуу зантай Ассириин хааниие хэһээхэб», – гэжэ Эзэн айладхана.

Исай 14:5

Эзэн муу муухай зоной засаг зонхилолтые болюулба!

Исай 33:1

Үшөө дээрмэдүүлэгдээгүй дээрмэдэгшэ, урбалга үшөө өөр дээрээ мэдэрээгүй урбагша ши! Шамда өөртэш гай тодхор хүрэхэ! Дээрмэдэжэ дүүргэхэдэшни өөрыеш дээрмэдэхэ, урбажа садахадашни өөртэшни урбаха!

Исай 52:2

Шоройгоо өөрһөө гүбижэ, һэргэн бодыш, баряанда байгаа Иерусалим! Баряанда байгаа Сионой улад зон, хүзүүнһээ гэнжэ таһалан хаягты!

Исай 9:4

Тэдэниие даража байһан хөөмэгшэ, сохижо байһан ташуурые Та эбдээт. Хэзээ нэгэтэ Мидианай сэрэг һамна бута сохиһондол, Өөрынтнай зониие дарлажа-мүлжэжэ байһан арадые Та бута сохёот.

Эзэкээл 32:22

Тэндэ Ассириин сэрэгшэдэй хүүрнүүд бии юм. Тэдэ хадаа дайн дажарта алуулаа.

Эзэкээл 39:4

Ши сэрэгтэеэ, мүн шинии түлөө хүлһөөр дайлалдажа байгааша хариин сэрэгшэдтэеэ хамта тэрэ хада ууланууд дээрэ үхэлөө олохош. Иигэжэ ан арьяатанай, шубуу шонхорой хүнэһэн болохош.

Михей 5:5

Амгалан тайбан байдал тогтохо. Ассириин сэрэгэй манай газар уһанда ерэжэ, манай хамгаалалтые гэшхэн гарахадань, бидэ урдаһаань тулахаар хэдэн шанга удамаршые эльгээхэбди.

Михей 5:6

Нимроодой газар Ассириие тэдэ һэлмын хүсөөр даран абаха. Ассириин сэрэгэй манай газар дайдада добтолон ороходо тэдэл маанадые абарха болоно.

Наум 1:13

Мүнөө Би таанарай хүзүүн дээрэ байгааша хөөмэгшые бута сохин эбдэхэб, таанарые хүлин байгаа аргамжануудые таһалхаб!»

Захарияа 10:11

Бурханай тэдэниие Египедһээ гаргаһан сагтал адли, үндэр уһан хана урдань хажуу тээшээ эбхэрэн зайлажа, зоболонгой далай гаталһан сагай үедэ шэнги Ассириин бардамыень номгоруулан, Египедэй шадал хүсэ буурааха.