Исай 14:22 - Библи

²² Түмэн Сэрэгтэ Эзэн иигэжэ айладхана: «Би Вавилоондо добтолхоб, ехэ һандарал асархаб. Хэнииешье амиды мэндэ үлөөхэгүйб, үхи хүүгэдыешье усадхахаб. Энэ болбол Би, Эзэн, айладхана мүн!

Исай 14:22 ပူးပေါင်းရင်းမြစ်များ

3 Хаан түрэнүүд 14:10

Энээнэйш түлөө Би шинии, Еробоһаамай, уг удам дээрэ гай гасалан татахаб, бага, томо бүхы эрэ үринэрыеш усадхахаб. Хог үтэгжэл юушье үлөөнгүй галдадагтал, шинии уг удамые галдан хаяхаб.

Псалманууд 12:6

Би Танай хайра энэрэлдэ этигэнэб! Зүрхэмни Танай абаралда баярлаха. Намайе Эзэнэй үршөөһэн тухай би дуулахаб!

Һургаал 10:7

Үнэн ёһото ябадалтай хүн һайн дурасхаал үлөөнэ, нүгэлтэ хүнэй нэрэ үгы болодог.

Исай 13:5

Тэрэ сэрэгынь алас холын орон нютагуудһаа, тэнгэриин хирхагһаа ерэнэ. Бүхэли орон нютаг һалгааха гэжэ Эзэн уур хилэнсэглэн ерэжэ байнал.

Исай 21:9

Харагты! Хоёр хоёроор хүллэһэн моритой дайшалхы тэргэнүүд ерэжэ ябана!» Нэгэниинь «Вавилоон унаа, унаа! Тэрэнэй онгонууд бутархай юумэд газарта хэбтэнэ!» гэжэ дуугарна.

Исай 43:14

Израилиин арюун Бурхан, таанадые Абарагша Эзэн иигэжэ айладхал буулгана: «Таанадые абархын тула Би Вавилооной урдаһаа сэрэг эльгээгээб, баяртай бардамаар хашхардаг халдейшүүдэй уһанай онгосоор тэрьедэхэдэнь, хюдахаб!

Ерэмияа 50:3

Вавилоон руу добтолжо, зэлүүд хооһон болгохо зорилготойгоор хойто зүгһөө арад түмэн ерэжэ байна. Зон болон ан амитад тэрьедэжэ, хэншье тэндэ ажаһуухагүй.

Наум 1:14

Ассири, шам тушаа Эзэн иимэ захирал буулгана: «Нэрыеш зүүхэ үри һадаһад бэшэ байхагүй. Бурхадайш гэрһээ шүтээн болон шудхамал хүрэгыеш абан хаяхаб. Би шамда хүүр булаша бэлэдхэхэб, юуб гэбэл, ши жэгшүүритэй муухайш!»