Исай 14:13 - Библи

¹³ Дээшээ огторгой руу дэгдэн гаража, эгээл үндэр мүшэдһөө дээгүүр өөрынгөө хан шэрээ зохёохо һанаатай байгааш. Бурхадай суглардаг хойто зүгэй хада уула дээрэ хаан мэтэ заларан һууха тухайгаа ши һанадаг байгаа бэлэйш.

Исай 14:13 ပူးပေါင်းရင်းမြစ်များ

Иоов 20:6

Тиимэ хүн тэнгэридэ тулатараа бахархабашье,

Псалманууд 48:2

Бүхы арадууд, шагныта! Газар дэлхэйн бии оршогшод, анхарыт,

Исай 2:2

Һүүлшын үдэрнүүдтэ иимэ юумэн болохо: Эзэнэй үргөөгэй оршодог хада бусад хадануудһаа эгээл үндэр болохо, толгойнуудһаа эгээл үндэрынь болон тодорхо. Тэрээн руу бүхы үндэһэтэд урдан хүүехэл.

Ерэмияа 49:16

Бардам заншни шамда һаад, тушаан болоо, юушье ойлгоогүйш. Хэншье шамһаа айнагүй. Ши үндэр хабсагайнуудаар, хада уулануудай оройгоор ажаһуунаш. Бүргэд мэтэ үндэр газарта байгаашье һааш, тэндэһээш Би шамайе доошонь унагаахаб. Энэ болбол Би, Эзэн, айладхана мүн!

Эзэкээл 27:3

Далайн эрьеэр оршогшо олон арадуудтай аралжаа наймаа ябуулдаг, өөрөөшье далайн эрьедэ байдаг энэ хотын зондо Минии иимэ айладхал дуулга: Тиир, алишье талаһаа тэгшэ һайхамби гэжэ ши һайрханаш.

Эзэкээл 28:2

– Хүнэй үри Эзэкээл! Тиир хотын хаанда Минии иимэ үгэнүүдые дуулга: ши ехэ бардамлажа, өөрыгөө Бурхамби, далайгаар хүреэлэгдэнхэй Тиир хото минии хан шэрээ гэжэ хэлэнэш. Харин ши Бурхамби гэжэ өөрыгөө хэды тоолоошье һаа, Бурхан бэшэ, юрын лэ хүн гээшэш.

Эзэкээл 28:9

Алууршадайнгаа урда «Би Бурхан гээшэб» гэжэ хэлэжэ байха гүш? Тэдэнэй сохин добтолон ороходо, ши бусад зондол адли ёоложо зобожо байхалши.

Эзэкээл 29:3

Иигэжэ тэрээндэ хэлэ: Египедэй фараон, голой дунда хэбтэжэ байгша мантан крокодил мэтэш, «энэ Нил мүрэн минии, би тэрэниие өөрөө бүтээгээб» гэжэ хэлэнэш. Харин Би, Эзэн Бурхан, шинии урдаһаа тулахаб!

Эзэкээл 31:10

Мүнөө Минии, Эзэн Бурханай, тэрэ модон тушаа иигэжэ айладхаһые шагна, Египедэй фараон: үүлэн хүрэтэр үндэр болоходоо тэрэ модон бардамлажа эхилбэ.

Эзэкээл 40:2

Израилиин орон нютаг руу Тэрэ намайе абаашажа, угаа үндэр хада уула дээрэ табина хэбэртэй. Бурханай иимэ үзэгдэлнүүдые хараа бэлэйб. Урда зүг руу харахадам, олон байра байшантай хото мэтэ юумэн харагдаба.

Даниил 11:36

Харин хаан зоргоороо юумэ үйлэдэхэ. Тэрэ бардамлажа, ехэрхэжэ, бүхы бурхадһаа дээрэб гэжэ өөрыгөө тоолодог болохо, бурхадай ехэ Бурхан тушаа дуулдаагүй муу юумэ хэлэдэг болохо. Тэрэ иигэжэ амжажа байтараа хилэнсэгтэ үдэртэ энэнь дүүрэхэ: болохо юумэн болохоороол болохо.

Даниил 5:20

Теэд тэрэ бардам, дээрэлхүү боложо, хан шэрээһээ унагаагдаа, бүхы алдар суугаа алдаа бэлэйл.

Авдии 1:3

Бардам заншни шамда һаад, тушаан болоо. Хабсагайн хабшуул нүхэндэ хорожо, хадын үндэртэ байра байдал түхеэрээд, «Намайе хэншье газарта буулгажа шадахагүй» гэжэ бодонош.

Цэпаанияа 2:15

Аюулгүй оршогшо, баяр зугаатай байгша, «бил гээшэб, намһаа ондоо һайхан хото байхагүй» гэжэ досоогоо бардамлажа байгааша хото иимэ болохо! Ан арьяатанай байра, һандаралай үүр тэрэл! Хажуугаарнь үнгэрөөшэ хүн бүхэн шоо үзэн, гараараа занган гараха.

Матвей 11:23

Капернаум хотынхид, таанад огторгойдо алдаршаха һанаатай байна гүт? Таанад тамын оёорто унахат. Хэрбээ танай хотодо бүтээһэн гайхамшагта хэрэгүүдээ Содомдо харуулһан байбални, тэрэ хотынхид гэмээ наманшалаад, хотонь мүнөөшье хүрэтэр бүтэн байха бэлэй.

Лука 10:15

Капернаум хотынхид, таанад огторгойдо алдаршаха һанаатай байна гүт? Таанад тамын оёорто унахат!

Фессалоникиинхидтэ 2-дохи 2:4

Бурханда, нангин гэжэ нэрлэгдэдэг бүхы юумэндэ тэрэ хүн эсэргүүсэхэ, тэдэ бүхэнэй дээгүүр өөрыгөө табиха. Тиихэдээ тэрэ бүри Һүмэдэ һуугаад, өөрыгөө Бурханби гэжэ баталан хэлэхэ.