13 Түгэс Хүсэтэ Бурхан хүнүүдэй гуйлтые хэрэгсээдэггүй.
Нүгэлтэн хооһон найдалаар бэеэ бү мэхэлэг, эсэстээ юушьегүй үлэхэ.
Эзэн минии! Туһа эрижэ хандахадам, харюу үгөөгүйт. Үндын бодоод хэлэхэдэм, үгэ дуугүйл шэртэхэ юмта.
Харин Эзэнэй энэрэл хайра Өөрһөөнь түбэгшөөдэг зондо мүнхэһөө мүнхэ, Зүб шударгань үри һадаһадтайнь хододоо байхал.
Эзэн нүгэлтэһөө холо байдаг, зүб ябадалтын зальбарал соносодог.
Хара нүгэлтэнэй үргэлһөө Эзэн жэрхэдэг. Үнэн сэдьхэлтэй хүнэй зальбарал Тэрэнэй талархалда хүртэдэг.
Эзэнэй Хуули тоодоггүй хүнэй зальбаралшье зэбүүрхэмээр.
Таанадай гуйжа гараа үргэхэдэ, Би харангүй байхаб. Хэдышье зальбараа хадатнай, Би шагнахагүйб. Юуб гэхэдэ, гартнай шуһанда зуурагданхай.
Тиимэһээ Би, Эзэн, тэдэнэй зугадажа шадахын аргагүй гай тодхор тэдээн руу шэглүүлхэб гэжэ соносхоноб. Намһаа туһа эрин тэдэнэй хашхаралдахада, Би дуулахагүйб!
Тэдэ Намда үнэнхэ зүрхэнһөө хандажа байгаа бэшэ, орон дэбисхэр дээрээ гансал хашхаралдан байгаа. Тэдэ гансал эдеэ хоолой, үзэмэй дараһан архиин түлөө сугларна, харин Намһаа холо болон байна.
Түгэс шатаалта үргэлнүүдые Намда үргэнэт, теэд Би таанарай үргэл тоохогүйб. Эрхим малаа үүсэлнэт, теэд Би энээниие харахаашье һананагүйб.
Таанад Эзэнһээ туһа эрин хашхаралдахат, теэд Эзэн таанадые дуулахагүй, муу муухайе үйлэдэн байгаа сагтатнай Тэрэ таанарһаа буруу харан байха.
Зальбархадаа, ши онгондо мүргэгшэ хүнүүдтэл адляар дэмы үгэнүүдые бү шаша. Тэдэ үлүү үгэтэн олон табые шашахадаа, онгонуудтаа дуулдахабди гэжэ һанадаг ха юм.
– Теэд Бурхан нүгэлтэнэй хэлэһые дууладаггүй, харин Бурханиие хүндэлдэг, дура хүсэлыень бэелүүлдэг хүнүүдые дууладаг гэжэ бидэ мэдэнэбди.
Тиихэдэ гуйхадаашье, тэдэ юумэнүүдээ абанагүйт, юундэб гэхэдэ, таанад һайн һайханай тула бэшэ, харин өөрынгөө хүсэлэнгүүдые хангахын тула гуйнат.
