Иоанн 9:39 - Библи

³⁹ – Зарга шүүбэри хэхэеэ Би энэ дэлхэйдэ ерээб. Тиихэдээ юумэ харадаггүй хүнүүд харадаг болохо, юумэ харадаг хүнүүд һохор болохо, – гэжэ Иисүүс хэлэбэ.

Шэнэ Хэлсээн

³⁹ – Зарга сүүд хэхэеэ би энэ дэлхэйдэ ерээб. Тиихэдээ юумэ харадаггүй хүнүүд харадаг болохо, юумэ харадаг хүнүүд һохор болохо, – гэжэ Иисус хэлэбэ.

Иоанн 9:39 ပူးပေါင်းရင်းမြစ်များ

Исай 29:10

Эзэн таанадые гүн нойрто абтуулаа. Лүндэншэд, нюдыетнай хаагаа! Үзэлшэд, толгойетнай боогоо!

Исай 44:18

Иимэ зон хэжэ байһан юумэеэ мэдэхэгүй, мунхаг. Үнэн байдал ойлгохогүйн тула тэдэ нюдөө хаадаг, ухаагаа хабхагладаг.

Исай 6:9

Тиихэдэм Тэрэ айладаба: – «Хэды дуулаһаншье һаа, таанад юумэ ойлгохогүйт. Хэды хараһаншье һаа, юумэ обёорхогүйт» гэжэ тэрэ арадта ошожо хэлэ.

Эзэкээл 12:2

– Хүнэй үри Эзэкээл! Үгэ дууладаггүй зоной дунда ажаһуунаш. Тэдэ нюдэтэй аад, юушье харадаггүй, шэхэтэй аад, юушье дууладаггүй, юуб гэхэдэ, үгэ дуулахаяа һананагүй.

Матвей 15:14

Тэдэн тухай һанаагаа огто бү зобогты. Тэдэнэр һохор хүнүүдэй һохор ударидагшад мүн; теэд һохор хүн һохорые хүтэлжэ ябабал, хоюулаа нүхэ руу унаха юм.

Матвей 6:23

Хэрбээ нюдэнэйшни харасын сэбэр бэшэ юм һаа, бүхы бэешни харанхы бүрэнхы байхал. Теэд досоохи гэрэлэйшни харанхы юм һаа, харанхынь өөрөө ямар бад балай байлтай гээшэб?

Лука 1:79

үхэлэй харанхы һүүдэртэ хушагдаһан маанадые гэрэлтүүлхэ, энхэ тайбанай замаар хүтэлэн, алхам бүхэнииемнай шэглүүлхэ.

Лука 13:30

Тиигэхэдэ мүнөө адагай захада байһан хүнүүд түрүү зэргэдэ гараха, мүнөө түрүү байһан хүнүүд адаг һүүлшын болохо, – гэжэ Иисүүс хэлэбэ.

Лука 2:34

Симеон тэдэ хоёрые адислаад, Иисүүсэй эхэ Марияда хэлэбэ: – Израильда олониие унагаажа һүнөөхын, мүн олониие һэргээжэ абархын тула Бурхан энэ Хүбүүниие шэлэжэ абаа. Энэ Хүбүүн һэргылһэн һүлдэ тэмдэг болохо. Олон зон Энээниие буруушаажа,

Лука 4:18

«Эзэнэй Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхыемни, Хаалтада, баряанда байгшадта эрхэ сүлөө айладхахыемни, һохор зониие хараатай болгохыемни, хашуулан дарлуулһан зониие сүлөөдэ табихыемни Эзэн эльгээгээ юм.

Лука 7:21

Эгээл энэ үедэ Иисүүс олон хүнүүдые үбшэ хабшанһаань эдэгээбэ, ада шүдхэрнүүдһээнь сүлөөлбэ, олон һохор хүниие хараатай болгобо.

Иоанн 12:31

Иигээд энэ дэлхэйе шүүбэрилхэ саг тулажа ерээ, мүнөө энэ дэлхэйн Ноёниинь һэегүй намнуулха!

Иоанн 12:46

Би Гэрэл туяа гээшэб, тиин Намда этигэдэг хүн бүхэнэй шэг харанхы соо үлэшэхэгүйн тула Би энэ дэлхэйнхидтэ ерээб.

Иоанн 3:17

Бурхан дэлхэйнхидые зэмэлхын тула бэшэ, харин тэдэниие абархын тула Хүбүүгээ газарта эльгээгээ.

Иоанн 3:19

Гэмнэлгын удхань иимэ: газар дэлхэйдэ Гэрэл туяагай ерэхэдэнь, хүнүүд шэг харанхы байдалда Гэрэл туяаһаа үлүү ехээр дурлаа, ушарынь гэхэдэ, хүнүүдэй үйлэ хэрэг муу муухай ха юм.

Иоанн 8:12

Иисүүс дахин тэдэнтэй хөөрэлдэбэ: – Би дэлхэйе гэрэлтүүлэгшэ Гэрэл туяа гээшэб. Минии хойноһоо дахаһан хүн харанхы соогуур төөрижэ ябахагүй, харин амидарал олгодог гэрэл туяатай болохо.

Иоанн 8:15

Таанар хүнүүдтэл адли шүүбэрилнэт, харин Би хэнииешье шүүбэрилнэгүйб.

Иоанн 9:25

– Нүгэлтэн юм гү, али үгы гү – мэдэнэгүйб. Харин би һохор байһанаа мүнөө харадаг болооб гэжэл мэдэнэб, – гээд тэрэнь харюусаба.

Коринфынхидтэ 2-дохи 2:16

Хосорһон зондо тэрэ хангал бузар үнэртэй байжа, үхэлдэ хүргэдэг, харин абарагдаһан зондо тэрэ хангал һайхан үнэртэй байдаг, амидарал үршөөдэг. Тиимэһээ хэн иимэ үүргэ гүйсэдхэхөөр бэлэн бэ?

Эфесэйхиндэ 5:14

Гэрэл туяагай ашаар элирүүлэгдэһэн бүхы юумэн гэрэл туяа болоно. Тиимэһээ иигэжэ хэлэдэг байха: «Унтажа байһан хүн, һэри, амидыра, Христоос шамайе гэрэлтүүлхэ».

Фессалоникиинхидтэ 2-дохи 2:10

үхэлдэ хүртэхэ хүнүүдтэ элдэб янзын мэхэ гохо хэрэглэхэ. Өөһэдыгөө абаран, үнэн зүб юумэндэ этигээгүй, дурлаагүй зон үхэхэ.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Иоаннай 1-дэхи хандалга 2:11

Аха дүүдээ дурагүй хүн нүгэлэй харанхы соо ябана, тэрэ хүн хайшаа тэмтэржэ ябаһанаа мэдэнэгүй, яахадааб гэбэл, тэрэ хүниие нүгэлэй харанхы һохор болгоно.