Иоанн 8:29 - Библи

²⁹ Намайе эльгээгшэ ходо Намтай, Тэрэ Намайе гансаарыемни орхёогүй, юундэб гэбэл, Би Тэрэнэйнгээл дура хүсэлые бэелүүлнэб, – гэбэ.

Шэнэ Хэлсээн

²⁹ Намайе эльгээгшэ ходо намтай, тэрэ намайе гансаарыемни орхёогүй, юундэб гэбэл, би тэрэнэйнгээл дура хүсэлые бэелүүлнэб, – гэбэ.

Иоанн 8:29 ပူးပေါင်းရင်းမြစ်များ

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Исай 42:21

Үнэн шударгаяа хараада абан, Эзэн Хуулиие агууехэ, алдар солотой болгохо һанаатай.

Исай 42:6

Би, Эзэн, шамайе дуудажа, үнэн шударга байдал тогтоохо арга шадал шамда үршөөгөөб. Шамайе гарһааш барижа, шамайе аршалнаб! Шинии аргаар арад түмэнтэй хэлсээ баталхаб, шамаар дамжуулан, үндэһэ яһатадта гэрэл асархаб.

Матвей 17:5

Тиигэжэ хэлэжэ байтарнь ялагар үүлэнэй һүүдэр тэдэниие хушаба, үүлэнһээ: – Энэ Минии инаг хайрата Хүбүүмни юм, сэдьхэлэймни урма охин юм; үгыень дуулажа байгты, – гэһэн абяан дуулдаба.

Матвей 3:15

Теэд Иисүүс тэрээндэ: – Мүнөө энээниие хэе, бидэ иигэжэл Бурханай эрхэ хүсэл бүтээхэбди, – гэбэ. Тиихэдэнь Иоанн зүбшөөбэ.

Матвей 3:17

– Энэ Минии хайрата Хүбүүмни гээшэ, сэдьхэлыемни баярлуулна, – гэһэн абяан огторгойһоо дуулдаба.

Иоанн 14:31

Теэд Эсэгэдээ Минии дуратай байһые дэлхэйн зон мэдэхэ ёһотой. Тиимэ ушарһаал Би Эсэгынгээ захиһан бүхы юумые дүүргэнэб. Зай, бодогты, мүнөө эндэһээ ябая!

Иоанн 15:10

Минии захяа заабариие сахин дүүргэжэ байбал, хайра дуран соомни оршожо байхат. Тон тиигэжэл Бишье Эсэгынгээ захяа заабариие сахин дүүргэжэ, хайра дуран соонь оршожо байдагби.

Иоанн 16:32

Шагнагты даа, Намайе орхёод гэр гэртээ гүйлдэн тараха сагтнай ерэжэ байна. Теэд Би гансаараа бэшэб, Минии Эсэгэ Намтай хамта юм.

Иоанн 17:4

Намда даалгаһан ажал хэрэгыетнай бэелүүлэн, Би Таниие газар дээрэ суурхуулан нэрлүүлээб.

Иоанн 4:34

– Намайе эльгээһэн Бурханай хүсэл дурыень бэелүүлэн, Намда даалгаһан ажалыень түгэсхэхэ – Минии хоол мүн, – гэжэ Иисүүс тэдэндээ ойлгуулба. –

Иоанн 5:30

Би Өөрынгөө дура зоргоор юушье хэжэ шадахагүйб. Эсэгынгээл хэлээшээр шүүбэрилнэб, тиин Минии зарга шүүбэри – үнэн зүб юм, ушарынь гэбэл, Би Өөрынгөө дураар юумэ хэнэ бэшэб, харин Намайе эльгээгшэ Эсэгын дура хүсэлөөр болоноб.

Иоанн 6:38

Юундэб гэхэдэ, Өөрынгөө дураар юумэ хэхэеэ Би тэнгэриһээ буужа ерээ бэшэб, харин Намайе эльгээһэн Эсэгын дура хүсэлые бэелүүлхэеэ ерээб.

Иоанн 8:16

Теэд хүниие шүүбэрилбэлни, Минии зарга шүүбэри үнэн зүб байха һэн, юундэб гэхэдэ, Би гансаараа шүүбэрилнэ бэшэб, Намайе эльгээһэн Эсэгэмни Намтай хамта байна.

Тимофейдэ 2-дохи 4:17

Тэрэ үедэ Эзэн намтай байжа, намайе зоригжуулаа. Тиимэһээ би Бурханай үгэ бусад арадуудай бултанайнь дуулахаар гүйсэд номнохо шадалтай байгааб. Бурхан намайе үхэлэй һабарһаа аршалаа.

Тимофейдэ 2-дохи 4:22

Эзэн шамтай байхань болтогой. Бурханай үршөөл хайра та бүхэнтэй оршожо байг лэ. Болтогой.

Еврейнүүдтэ 4:15

Манай Ахамад Санаарта бидэнэй ядаруу тулюур байдал тухай һанаагаа зобонгүй ябажа шадахагүй. Тэрэ бидэндэл тон адли бүхы талаһаа туршуулбашье, нэгэшье нүгэл хээгүй.

Еврейнүүдтэ 7:26

Үнэндөө Иисүүс маанадтал хэрэгтэй Ахамад Санаарта юм. Тэрэ болбол арюун гэгээн; харата хэрэгүүдые үйлэдөөгүй, нүгэл шэбэлдэ унаагүй; нүгэлтэ зонһоо илгаруулагдаад, тэнгэридэ дэгдүүлэгдээ.

Иоаннай 1-дэхи хандалга 2:1

Үхибүүдни, саашадаа нүгэл шэбэл хэхэгүйнтнай тула би энээниие бэшэнэб. Хэрбээ хэн нэгэнэй нүгэл хээ һаа, Эсэгэ Бурханай урда маниие Хамгаалагша, үнэн сэдьхэлтэ Иисүүс Христоос бии.

Иоаннай 1-дэхи хандалга 3:22

Тиин бүхы эриһэн юумэеэ Бурханһаа абанабди, юундэб гэбэл, Тэрэнэй захяа заабариие бэелүүлэн сахинабди, Тэрээндэ һайшаагдаха юумэ хэнэбди.