Иоанн 4:34 - Библи

³⁴ – Намайе эльгээһэн Бурханай хүсэл дурыень бэелүүлэн, Намда даалгаһан ажалыень түгэсхэхэ – Минии хоол мүн, – гэжэ Иисүүс тэдэндээ ойлгуулба. –

Шэнэ Хэлсээн

³⁴ – Намайе эльгээһэн Бурханай хүсэл дурыень бэелүүлэн, намда даалгаһан ажал хэрэгыень түгэсхэхэ гээшэ – минии эдеэ хоол мүн, – гэжэ Иисус тэдэндээ хэлэбэ. –

Иоанн 4:34 ပူးပေါင်းရင်းမြစ်များ

Иоов 23:12

Хэлэһэн үгэдэнь зааханшье зүреэгүйб, үгэһэн заабариһаань нэгэхэншье хадуураагүйб.

Псалманууд 40:8

Намайе үзэн ядааша зон бултадаа нам тушаа мууе түсэблэн шэбэнэлдэнэ:

Матвей 26:39

Тиигээд тээ хажуу тээшээ ошожо, уруугаа харан газар дээрэ хэбтээд: – Эсэгэмни! Хэрбээ арга бии һаа, энэ аягаһаа амсуулангүй, иимэ ехэ зоболон намһаа зайлуулыт даа. Гэбэшье Минии дура хүсэлөөр бэшэ, харин Танай эрхэ хүсэлөөр болог лэ, – гэжэ зальбарба.

Матвей 3:15

Теэд Иисүүс тэрээндэ: – Мүнөө энээниие хэе, бидэ иигэжэл Бурханай эрхэ хүсэл бүтээхэбди, – гэбэ. Тиихэдэнь Иоанн зүбшөөбэ.

Матвей 9:19

Тиихэдэнь Иисүүс шабинартайгаа бодоод, тэрэ хүнтэй хамта ябаба.

Лука 15:10

Эгээл энээн шэнги нэгэшье хүнэй Бурханда хандабал, Бурханай Эльгээмэлнүүд баярлаха юм.

Лука 19:10

Хүн түрэлхитэнэй Хүбүүн хосорһон хүнүүдые бэдэржэ абархын тула ерээ юм, – гэжэ Иисүүс тэрээндэ хэлэбэ.

Лука 2:49

– Юундэ Намайе бэдэрээ зомта? Намайе Эсэгынгээ гэртэ байха ёһотой гэжэ мэдэхэгүй аалта? – гэжэ хүбүүниинь харюусаба.

Иоанн 17:4

Намда даалгаһан ажал хэрэгыетнай бэелүүлэн, Би Таниие газар дээрэ суурхуулан нэрлүүлээб.

Иоанн 19:28

Болохо юумэн боложо дүүрэхын заха үзэгдэхые Иисүүс ойлгожо, Нангин Бэшэг соо бэшэгдэһэн мүрнүүдые хүсэлдүүлэн: – Ундам хүрэнэ! – гэбэ.

Иоанн 19:30

Иисүүс тэрэ уксусыень амсаад: – Бүтэбэ даа! – гэжэ хэлэбэ. Тиин тархяа тонгойлгон, ами табиба.

Иоанн 4:32

– Эдихэ юумэн Намда бии, тэрээн тухаймни таанад мэдэнэгүйт, – гэжэ Иисүүс харюусаба.

Иоанн 5:30

Би Өөрынгөө дура зоргоор юушье хэжэ шадахагүйб. Эсэгынгээл хэлээшээр шүүбэрилнэб, тиин Минии зарга шүүбэри – үнэн зүб юм, ушарынь гэбэл, Би Өөрынгөө дураар юумэ хэнэ бэшэб, харин Намайе эльгээгшэ Эсэгын дура хүсэлөөр болоноб.

Иоанн 5:36

Харин Иоаннайхиһаашье ехэ Нам тухай гэршэ бии юм. Эсэгэһээмни үгтэһэн гайхамшаг хэрэгүүдые бүтээһэмни Намайе Эсэгэмни эльгээгээ гэжэ гэршэлнэ!

Иоанн 6:33

Юундэб гэбэл, Бурханай хилээмэн Тэнгэриһээ буужа ерээд, энэ дэлхэйн зондо ажамидарал үгэгшэ мүн, – гэжэ харюусаба.

Иоанн 6:38

Юундэб гэхэдэ, Өөрынгөө дураар юумэ хэхэеэ Би тэнгэриһээ буужа ерээ бэшэб, харин Намайе эльгээһэн Эсэгын дура хүсэлые бэелүүлхэеэ ерээб.

Иоанн 8:29

Намайе эльгээгшэ ходо Намтай, Тэрэ Намайе гансаарыемни орхёогүй, юундэб гэбэл, Би Тэрэнэйнгээл дура хүсэлые бэелүүлнэб, – гэбэ.

Хэрэгүүд 20:35

Тиигэжэ би таанадта яажа хүдэлхэб, ядуу һула зондо туһалхаб гэһэн жэшээ харуулааб. «Үгэхэнь абахаһаа бүри жаргалтай», – гэжэ Иисүүсэй хэлэһые һанажа ябагты.

Еврейнүүдтэ 12:2

Һүзэг этигэлэймнай эхи татаһан, тэрэнииемнай түгэс түгэлдэр болгоһон Иисүүсые шэртэжэ байял. Ерээдүйдэ үзэгдэхэ баярай түлөө Тэрэ Өөрыгөө гутаалгахаяа айнгүй, хэрээһэндэ хадуулжа үхөөд, Бурханай баруун талада һуугаа.