Иоанн 21:19 - Библи

¹⁹ Иигээд хэлэхэдээ, Пётр ямар үхэлөөр үхэжэ Бурханиие алдаршуулхаб гэжэ Иисүүс ойлгуулһан байгаа. Тиигээд: – Минии хойноһоо дахаад яба! – гэжэ Пётрто хэлэбэ.

Шэнэ Хэлсээн

¹⁹ Иигээд хэлэхэдээ, Петр ямар үхэлөөр үхэжэ Бурханиие алдаршуулхаб гэжэ Иисус ойлгуулһан байгаа. Тиигээд: – Минии хойноһоо дахаад яба! – гэжэ Петрто хэлэбэ.

Иоанн 21:19 ပူးပေါင်းရင်းမြစ်များ

Тоололго 14:24

Минии зараса Халээб тэдээнһээ гансааран илгаржа, Намда үнэн сэхэ зандаа үлөө. Тэрэнэйнь түлөө Би тэрэниие харагша газартань хүргэн абаашахаб. Үри һадаһадынь энэ орон нютагые эзэмдэн ажаһууха!

Матвей 10:38

Өөрын хэрээһэеэ абаад, хойноһоомни ябаагүй хүн Минии шабиин нэрэ зэргэдэ хүртэхэгүй.

Матвей 19:28

Иисүүс тэдэндэ хэлэбэ: – Хүн түрэлхитэнэй Хүбүүнэй Өөрынгөө алдарта Хаан шэрээдэ һуухадань, Намайе дахажа ябаһан таанад баһа арбан хоёр хаан шэрээдэ һуужа, Израилиин арбан хоёр угсаатаниие шүүбэрилхэт гэжэ баталан таанадта хэлэнэб.

Матвей 8:22

Теэд Иисүүс тэрээндэ: – Намтай яба. Хосорһон зон өөһэдөө үхөөшэдөө хүдөөлүүлэг лэ, – гэжэ харюусаба.

Иоанн 12:26

Намда алба хэдэг хүн Минии хойноһоо дахаад ябаг! Минии байһан лэ газарта Минии зараса байлсаха. Намда алба хэдэг хүниие Минии Эсэгэ хүндэлхэ.

Иоанн 12:33

Иисүүс иигэжэ хэлэхэдээ, ямар үхэлөөр үхэхэ байһанаа мэдүүлбэ гээшэ.

Иоанн 18:32

Иигэжэ ямар үхэлөөр үхэхэ тухайгаа Иисүүсэй хэлэһэн үгэнүүд хүсэлдэн бэелүүлэгдэбэ.

Иоанн 21:18

Шамда үнэн зүбые хэлэнэб: залуу ябахадаа бүһэеэ ши өөрөө бүһэлөөд, дуратай тээшээ ошодог байгааш. Харин үтэлхэдэшни гарыешни уяад, шинии ошохо дурагүй газарта шамайе хүтэлөөд абаашаха, – гэжэ хэлэбэ.

Иоанн 21:22

– Һөөргөө бусажа ерэтэрни энэ шабиингаа амиды байхые Минии хүсөөшье һаамни, шамда ямар хэрэг байнаб? Ши Минии хойноһоо дахаад яба! – гэжэ Иисүүс хэлэбэ.

Филиппынхидтэ 1:20

Үүргэеэ дүүргэхэдээ, эшэхэ улайхаар юумэ хэхэгүйб, харин хэтын хэтэдэ, илангаяа энэ сагта зоригтой байхаб, тиин ямаршье юумэ хэхэдээ, амиды байна гүб, али үхэхэ гүб, илгаагүй, Христоосые алдаршуулхаб гэжэ бүхы һанал бодолоороо хүсэжэ, найдажа байнаб.

Пётрой 2-дохи хандалга 1:14

Ушарынь юуб гэбэл, энэ һүмэеэ орхихо сагни ойртоо гэжэ мэдэнэб, манай Эзэн Иисүүс Христоосшье тиигэжэ намда хэлээ.

1 Хаан түрэнүүд 12:20

Самуил арад зондо: – Бү айгты. Таанад энэ бүхы муу муухай юумэ хээт. Гэбэшье Эзэниие дахан ябахаһаа бү хадуурагты, Эзэндэ бүхы сэдьхэл зүрхөөрөө алба хэгты.