Иоанн 15:7 - Библи

⁷ Хэрбээ таанадай Минии досоо оршожо, Минии үгэнүүдэй таанарай досоо оршобол, юушье эрибэлтнай, Бурхан бултыень таанарта үгэхэ.

Шэнэ Хэлсээн

⁷ Хэрбээ таанадай минии досоо оршожо, минии үгэнүүдэй таанарай досоо оршобол, юушье эрибэлтнай, эриһэн юумыетнай Бурхан таанарта үгэхэ.

Иоанн 15:7 ပူးပေါင်းရင်းမြစ်များ

3 Хаан түрэнүүд 3:5

Гибэһоондо тэрэл һүниндөө Эзэн Соломоондо зүүдэндэнь үзэгдэжэ: – Юун шамда хэрэгтэйб, Намһаа гуйхадаш болохо, – гэжэ Бурхан айладхаба.

Иоов 22:26

Тиигэбэл ши Түгэс Хүсэтэдэ түшэг тулга оложо, сэдьхэлшни тэнигэр болохо, Бурхан тээшэ харахаш.

Иоов 23:12

Хэлэһэн үгэдэнь зааханшье зүреэгүйб, үгэһэн заабариһаань нэгэхэншье хадуураагүйб.

Псалманууд 37:4

Танай хилэнһээ боложо, бэедэм элүүр газар үгы, нүгэлһөөм боложо, яһамни үбдэнэ.

Һургаал 10:24

Муу нүгэлтэ айдаг зүйлтэйгээ ушарха, шударга хүнэй хүсэл бэелхэ.

Һургаал 4:4

Эсэгэм намайе һургажа хэлэгшэ һэн: «Зүрхэ сэдьхэлдээ минии үгэ хадуужа аба, минии захяа заабари сахибал, һайн һуухаш.

Исай 58:8

Тиигэбэлтнай, Минии гэрэл таанад дээрэ үүрэй толон мэтэ сасаржа, шархатнай түргөөр эдэгэхэ. Би хододоо таанадтай байхаб, абархаб, хаа-хаанагүй таанадые хамгаалжа ябахаб.

Ерэмияа 15:16

Танай үгөөр үл хоол хэжэ байгааб, үгэ бүхэнтнай намда баяр асардаг, зүрхэ сэдьхэлыем сэнгүүлдэг юм. Би дууһан Танайб, Түмэн Сэрэгтэ Эзэн Бурхан!

Матвей 7:7

Тиимэһээ эригты, тиихэдэтнай танда үгэхэ; бэдэрэгты, тиихэдээ олохот; үүдэ тоншогты – танда нээхэ.

Иоанн 14:13

Минии нэрэ дурдажа, юу гуйхабта, Би бүгэдыень бүтээхэб, тиигэжэ Хүбүүнэйнгээ ашаар Эсэгэнь алдаршаха.

Иоанн 15:16

Таанар Намайе шэлэжэ абаагүйт, харин Би таанадые шэлэжэ абааб, хүнүүдтэ ошожо, саг үргэлжын үрэжэл асархыетнай заяагааб. Тиин таанарай Минии нэрэһээ эриһэн, хүсэһэн бүхы юумыетнай Эсэгэмни үгэхэ.

Иоанн 16:23

Тэрэ үдэр таанар Намһаа юушье асуухагүйт. Үнэн зүбые хэлэнэб: Минии нэрэ дурдан эриһэн бүхы юумыетнай Эсэгэмни таанадта үгэхэ.

Иоанн 8:31

Удаань Иисүүс Тэрээндэ этигэһэн еврейнүүдтэ иигэжэ хэлэбэ: – Хэрбээ таанар Минии һургаалай ёһоор ябаа һаа, үнэхөөрөөл Минии шабинар болохот.

Иоанн 8:37

Таанар Абраһаамай үри һадаһад гээшэт гэжэ Би мэдэнэб, теэд таанар Намайе алаха һанаатайт, юундэб гэхэдэ, Минии үгэнүүд таанарай зүрхэ сэдьхэлдэ байра олоногүй бшуу.

Галадуудта 4:2

Тиимэһээ Эсэгын тогтооһон саг болзор хүрэтэр тэрэ үхибүүн даалгагдаһан хүнүүдэй болон гэрэй захирагшын харууһа доро байдаг.

Галадуудта 5:16

Һүлдын һургаһан ёһоор ажамидарагты, тиигэбэл муу муухай ябадал гаргахагүйт гэжэ би хэлэнэб.

Хуули дабталга 6:6

Мүнөө дамжуулан хэлэжэ байгааша эдэ үгэнүүдыемни хододоо һанажа ябаарайгты.

Колоссынхидтэ 3:16

Христоосой һургаал ажамидаралайтнай гол хүтэлэгшэнь болог лэ. Бэе бэеэ ухаатайгаар, бодомжотойгоор һургажа, заабарилжа байгты. Бурханда баяр хүргэн, псаломууд, магтаалнууд, арюун нангин дуунуудые дуулажа байгты.

Иоаннай 1-дэхи хандалга 2:14

Үхибүүд, би таанадта бэшэбэб: таанар Эсэгэ Бурханиие мэдэбэт. Эсэгэнэр, би таанадта бэшэбэб: анханһаа хойшо оршожо байдаг Бурханиие таанар мэдэбэт. Залуушуул, би таанадта бэшэнэб: таанар ехэ хаба шадалтайт, Бурханай Үгэ таанартай байна, тиимэһээ таанар шолмосые диилээт.

Иоаннай 1-дэхи хандалга 2:27

Бурханай таанадта үгэһэн Арюун Һүлдэ сэдьхэлдэтнай байна, тиимэһээ таанарые хэн нэгэнэй һургаһанай хэрэгынь үгы. Арюун Һүлдэ үнэн зүб юумэ хэлэнэ, худал юумэ хэлэнэгүй, тиигэжэ таанарые бүхы юумэндэ һургана. Арюун Һүлдын һургаһан ёһоор таанар Христоостой нэгэн хамта байгты.

Иоаннай 1-дэхи хандалга 3:22

Тиин бүхы эриһэн юумэеэ Бурханһаа абанабди, юундэб гэбэл, Тэрэнэй захяа заабариие бэелүүлэн сахинабди, Тэрээндэ һайшаагдаха юумэ хэнэбди.

Иоаннай 1-дэхи хандалга 5:14

Тиимэһээл Бурханай урда этигэл зоригтой байхабди. Бурханай дура хүсэлөөр бидэнэй юушье эреэ һаа, Бурхан дуулана. Энээндэ бидэ этигэн найданабди.