Иоанн 13:34 - Библи

³⁴ Би таанарта шэнэ захяа заабари үгэнэб: бэе бэедээ дуратай байгты. Би таанарта дуратай байгааб, тэрээндэл адляар таанаршье бэе бэедээ дуратай байгты.

Шэнэ Хэлсээн

³⁴ Би таанарта шэнэ захяа заабари үгэнэб: бэе бэедээ дуратай байгты. Би таанарта дуратай байгааб, тэрээндэл адляар таанаршье бэе бэедээ дуратай байгты.

Иоанн 13:34 ပူးပေါင်းရင်းမြစ်များ

Псалманууд 16:3

Та минии зүрхэн руу шэртэн хараат, һүниндөө намайе туршахаа ерээт, намда ямаршье гэм үгы байһые ойлгоот, аманһаамни муу юумэн гараагүй.

Левит 19:18

Өөрынгөө яһанай хүндэ бү үһөөрхэгты, бү сухалдагты. Дүтынгөө хүндэ өөртөөл адли дуратай байгты. Би Эзэн гээшэб.

Левит 19:34

Танай нютагта байрлаһан ерүүл хүн танай газарай хүн болоно. Өөртөө дуратай байгшадал мэтэ, тэрээндэ дуратай бай. Таанадшье Египедэй газарта ерүүл зон байгаа ха юмта. Би Эзэн, танай Бурхантнай гээшэб.

Матвей 5:44

Харин Би мүнөө танда иигэжэ хэлэхэб: дайсадтаа дуратай байгты, таниие хашагшадай түлөө зальбаржа байгты.

Иоанн 15:17

Бэе бэедээ дуратай байгты гэжэ Би таанарта захинаб.

Иоанн 17:21

Эдэнэр бултадаа нэгэн хамта байг лэ, Та Минии досоо байнат, Би Танай досоо байнаб, тэрээндэл адли, тэдэнэр бидэнэй досоо байг лэ. Тиихэдээ Намайе Та эльгээгээт гэжэ дэлхэйн зон этигэхэ.

Римэйхиндэ 12:10

Бэе бэедээ аха дүүнэртэйл адляар дуратай байгты, бусад зониие өөрһөөн дээгүүр хүндэлэгты.

Римэйхиндэ 13:10

Хэрбээ таанад бусад зондо дуратай һаа, тэдэ зондоо хэзээшье муу юумэ хэхэгүйт. Хайра дуратай байхань Хуулиин зүйлнүүдые гүйсэдхэхэтэй адли юм.

Римэйхиндэ 13:8

Хэндэшье үритэй байха ёһогүйт, зүгөөр бэе бэедээ дуратай байхатнай гансал үри шэритнай байха ёһотой. Ондоо хүндэ дуратай байхадаа, хүн Хуулиин зүйлнүүдые гүйсэдхэбэ гээшэ.

Галадуудта 5:22

Арюун Һүлдын үрэ дүн болбол иимэ: хайра дуран, баяр, энхэ тайбан, тэсэбэри, һайн һанаан, ниигүүлэсхы сэдьхэл, үнэн сэхэ ябадал,

Галадуудта 5:6

Иисүүс Христоосой ашаар абарагдаха һанаатай байбал, бэлгээ отолуулаа гүбди, али отолуулаагүй гүбди – ямаршье илгаагүй юм, гансал хайра дура үгэдэг этигэл шухала юм.

Галадуудта 6:10

Арга боломжотой байхадаа бүхы хүнүүдтэ, илангаяа өөрынгөө бүлгэмэй һүзэглэгшэдтэ үлүү ехээр һайниие хэжэ ябагты.

Галадуудта 6:2

Христоосой үгэһэн «хуули» иимэ: бэе бэеынгээ ашаа бэрхэшээлые хубаалсажа, бэе бэедээ туһалжа байгты.

Эфесэйхиндэ 5:2

Христоосой бидэндэ дуратай байгаад, ами наһаяа хангалтай, Бурханда таатай тахил болгон маанадай түлөө үгэһэндэл адляар хайра дуранай жама ёһоор амидарагты.

Фессалоникиинхидтэ 1-дэхи 3:12

Таанадта аргагүй ехэ дуратай байдагтамнайл адляар бэе бэедээ болон бусад зондо дуратай байхыетнай Эзэн таанадта үршөөг лэ.

Фессалоникиинхидтэ 2-дохи 1:3

Аха дүүнэрни, таанадай түлөө бидэ үргэлжэ Бурханда баясхалан хүргэжэ байха ёһотойбди. Юундэб гэхэдэ, таанад бүри эршэтэйгээр Бурханда һүзэглэжэ байнат, бүри ехээр бэе бэеэ хайрланат.

Еврейнүүдтэ 13:1

Христоосой һүзэглэгшэдтэл бэе бэедээ эльгэтэй байгты.

Яковай хандалга 2:8

«Бусад зондо өөртөөл адли дуратай бай», – гээд Нангин Бэшэг соо бэшээтэй Хуули сахижа байдаг һаа, таанад зүб юумэ хэнэт.

Пётрой 1-дэхи хандалга 1:22

Үнэн зүбые дахажа, Бурханда һүзэглэдэг аха дүүнэртээ үнэн зүрхэнһөө дуратай байхын тула таанад сэдьхэлээ арюудхабат. Тиимэһээ бүхы һанал бодолоороо бэе бэедээ дуратай байгты.

Иоаннай 1-дэхи хандалга 3:11

Бидэ бэе бэедээ дуратай байха ёһотойбди гэһэн мэдээсэл таанар анханһаа хойшо дуулаат.

Иоаннай 1-дэхи хандалга 3:23

Бурханай захяа заабаринь иимэ: Бурханай Хүбүүн Иисүүс Христоосто этигэхэ, Иисүүс Христоосой захиһан ёһоор бэе бэедээ дуратай байха.

Иоаннай 1-дэхи хандалга 4:21

Бидэндэ Бурхан иимэ захяа заабари үгөө: Бурханда дуратай хүн аха дүүдээшье дуратай байха ёһотой.

Иоаннай 2-дохи хандалга 1:5

Бэе бэедээ дуратай байял даа гэжэ одоо би шамайе, хүндэтэ Хатан, гуйнаб. Мүнөө минии бэшэжэ байһан юумэн шэнэ захяа заабари бэшэ. Энэ заабариие бидэ анханһаа хойшо абаабди!