Иоанн 11:55 - Библи

⁵⁵ Еврейнүүдэй Паасха ойртожо байгаа. Һайндэрэй урдахана арюудхуулдаг заншалаа сахижа, орон нютагайнь олон зон Иерусалим ерэбэ.

Шэнэ Хэлсээн

⁵⁵ Еврейнүүдэй Паасха болохонь ойртожо байгаа. Һайндэрэй урдахана арюудхуулдаг заншалаа сахижа, орон нютагайнь олон зон Иерусалим ерэбэ.

Иоанн 11:55 ပူးပေါင်းရင်းမြစ်များ

Эхин 35:2

Тиимэһээ Яков гэр бүлэдөө болон өөрын бүхы зондо иигэжэ хандаба: – Таанадта байһан бурхадай дүрсэнүүдые абажа хаягты, удаань бэеэ угаагаад, хубсаһа хунараа һэлгэгты.

Иоов 1:5

Найр сэнгэлэйнь дүүрэхэдэ, Иоов хүүгэдээ дуудажа, арюудхалгын ёһолол бүтээдэг һэн. Мүн үглөөгүүр тэрэ эртэлэн бодожо, хүбүүдэйнгөө тоогоор түгэс шатаалта үргэл асардаг байба. Хүүгэдэйнь хэн нэгэн Эзэниие баһажа, нүгэл хэжэ байгуужаг гэжэ Иоов һанаандаа түбэгшөөдэг һэн.

Псалманууд 26:6

Тиихэдэнь тойроод байгаа дайсад дээгүүр би үргэмжэлэгдэн, майхан соонь баясан, үргэл болон магтаал үргэхэб, Эзэндэ магтаалнуудые дуулахаб.

Египедһээ гаралга 19:10

Эзэн Моисейдэ айладаба: – Арад угсаатандаа иигээд буса. Энэ үдэртөө, үглөөдэр бэеэ арюудхажа, хубсаһа хунараа угаагты гэжэ зонхило.

Тоололго 9:10

– Израильшуудта иигэжэ хэлэ: Хэрбэеэ таанадай хэн нэгэн гү, али аша гушанар үхэгшын бэедэ гар хүрэжэ бузарлагдаа һаа гү, али гэрһээ холо аян замда ябаашье һаа, Эзэнэй зарлиглаһан Паасха сахин һайндэрлэхэ ёһотой.

Тоололго 9:6

Үхэһэн хүнэй бэедэ гар хүрэжэ бузарлаһан зон тэрэ үдэр Паасха һайндэрлэхэ эрхэгүй болоходоо, Моисей Аһароон хоёрто ерээд, иигэжэ хэлэбэ:

Матвей 26:1

Иисүүс эдэ бүхы һургаалнуудаа номножо дүүргээд, Өөрынгөө шабинарта хандан:

Матвей 26:2

– Хоёр хоноод, Паасхын һайндэр болохо гэжэ мэдэнэт, тиихэдэ Хүн түрэлтэнэй Хүбүүниие хэрээһэндэ хадажа саазалха, – гэжэ хэлэбэ.

Марк 14:1

Хоёр хоноод Паасхын һайндэр, ондоогоор хэлэбэл Эһээгдээгүй хилээмэнэй һайндэр болохо байгаа. Түрүү санаартан, Хуули заадаг багшанар Иисүүсые мэхэдээ оруулжа бариха, тиигээд алаха арга бэдэрбэ.

Лука 22:1

Эһээбэригүй Хилээмэнэй Һайндэр, ондоогоор хэлэбэл Паасхын һайндэр дүтэлжэ байгаа.

Иоанн 12:1

Паасхын болохоһоо зургаан хоногой урда Иисүүс Бэтаанида ерэбэ. Лазариин һууһан эгээл тэрэ нютагта Иисүүс анхан ерэжэ, үхөөд байхадань амидыруулаа бэлэй.

Иоанн 13:1

Иимэ ушар Паасхын һайндэрэй урдахана болоо һэн. Энэ дэлхэйе орхёод, Эсэгэдээ бусаха сагни ерэбэ гэжэ Иисүүс мэдэжэ байгаа. Энэ дэлхэйдэ үлэхэ шабинартаа Тэрэ аргагүй дуратай һэн. Мүнөө тэрэнээ Иисүүс тон элеэр харуулба.

Иоанн 18:28

Эртэ үглөөгүүр еврейнүүд Иисүүсые удамаршын ордондо Кайафаһаа асарба. Бэеэ бузарлахагүйн тула тэдэ римэй засаглагшын ордондо оробогүй, тэндэ ороо һаа, тэдээндэ Паасхын зоог барижа болохогүй байгаа.

Иоанн 2:13

Еврейнүүдэй Паасхын һайндэрэй болохонь ойртожо байхада, Иисүүс Иерусалим ошобо.

Иоанн 2:6

Тэндэнь еврейнүүдэй арюудхалай заншал сахилгада хэрэглэгдэдэг зургаан томо уһанай шулуун тогоонууд табяатай байгаа. Тогоон бүридэнь наян литрһээ зуун хорин литр хүрэтэр багтадаг һэн.

Иоанн 5:1

Удаань еврейнүүдэй һайндэр болобо. Иисүүс Иерусалим ошоо бэлэй.

Иоанн 6:4

Еврейнүүдэй Паасхын һайндэр болохонь ойртожо байгаа.

Хэрэгүүд 21:24

Тэдэнэрээр хамта ошожо, заншалай ёһоор өөрыгөө арюудхагты, тиигээд үһөө абхуулха мүнгэ тэдэндэ үгөөрэйгты. Тиигэбэл таниие Хуули сахина, тан тухай дэмы юумэ шашалдана гэжэ булта ойлгохо.

Хэрэгүүд 21:26

Хойто үдэрынь Павел тэдэ дүрбэн хүнүүдээр хамта өөрыгөө арюудхаха, арюудхалгын ёһололой дууһаха үдэрые дуулгаха гэжэ һүмэ руу оробо. Тэрэ үдэр тэдэ зон өөһэдынгөө түлөө үргэл хэхэ ёһотой байгаа.

Хэрэгүүд 24:18

Эдэ зон намайе һүмэ соо бэеэ арюудхажа байхадамни хараа. Тэрэ үедэ хажуудамни олон зоншье байгаагүй, үймэлдөөншье болоогүй һэн.

Коринфынхидтэ 1-дэхи 11:28

Тиимэһээ хүн бүхэнтнай түрүүн өөрыгөө шалгаг, тэрэнэй һүүлдэ хилээмэнһээ эдижэ, аягаһаа ууг.

Яковай хандалга 4:8

Бурханда дүтэлэгты, тиихэдэтнай Тэрэ танда ойртохо. Нүгэлтэн, ажамидаралаа арюудхагты; билдагуушад, зүрхэ сэдьхэлээ арюудхагты.

1 Хаан түрэнүүд 16:5

Самуил: – Амгалан тайбан хэрэгээр. Эзэндэ үргэл үргэхэеэ ерээб. Бэеэ арюудхаад, намтай хамта үргэл үргэхэеэ ерэгты, – гэбэ. Тэрэ мүн Ишай гэгшые, тэрэнэй хүбүүдые арюудхан, тэдэниие үргэл үргэхыень уриба.