Иоанн 10:35 - Библи

³⁵ Хэдүүдтэ Бурхан Өөрынгөө үгэ хэлээб, тэдые Хуулитнай бурханууд гэжэ нэрлэнэ, тиихэдэ Нангин Бэшэг соо худал юумэн байха ёһогүй.

Шэнэ Хэлсээн

³⁵ Хэдүүдтэ Бурхан өөрынгөө үгэ хэлээб, тэдые Хуулитнай бурханууд гэжэ нэрлэнэ, тиихэдэ Нангин Бэшэг соо худал юумэн байха ёһогүй юм.

Иоанн 10:35 ပူးပေါင်းရင်းမြစ်များ

Эхин 15:1

Энэ болоһон үйлэ хэрэгүүдэй удаа нэгэ хэды сагай үнгэрөөд байхада Абрамда үзэгдэл үзэгдэжэ, тэрэ Эзэнэй иимэ айладхал дуулаба: – Абрам, юунһээшье бү ай! Би шамайе хододоо хаража хамгаалжа, угаа ехэ һайн һайханиие үршөөхэб.

2 Хаан түрэнүүд 7:5

– Ябажа, минии зараса Давидта иимэ юумэ хэлэ. Эзэн иигэжэ айладхажа байна: «Минии оршохо үргөө барижа үгэхэ хүниинь ши мүн юм гүш?

4 Хаан түрэнүүд 15:12

Еһүүгээр дамжуулжа арад зондо тунхаглаһан Эзэнэй айладажа: «Шинии уг гарбал дүрбэдэхи үе хүрэтэр, хүбүүн, аша, гуша, дүшэнэр Израилиин хан шэрээдэ һууха», – гэжэ хэлэһэн үгэ бэелүүлэгдэбэ.

1 Угай бэшэг 22:8

зүгөөр Эзэн намда иигэжэ хэлээ һэн: «Олон дай хэжэ, ши ехэ шуһа адхааш. Минии урда газар дээрэ ехэ шуһа адхаһан ушарһаа Намда зорюулһан гэр бодхохо эрхэгүйш.

2 Угай бэшэг 19:2

Ханааниин хүбүүн, лүндэншэ Еһүү тэрээндэ дайралдажа, иигэжэ хэлэбэ: – Муу хүндэ туһалжа байһанайш тула, Эзэниие үзэн ядадаг зонтой үелжэ байһанайш тула Эзэн шамда угаа уурлажа байна!

Матвей 24:35

Огторгой тэнгэри, газар дэлхэйшье һүнэн һалаха, харин Минии хэлэһэн үгэнүүд мүнхэ оршохо.

Матвей 27:35

Сэрэгшэд Иисүүсые хэрээһэндэ хадаад, жээрэб татажа, хубсаһыень дундаа хубаагаа һэн.

Матвей 5:18

Газар тэнгэри хоёрой байгаал сагта, Хуулиин багаханшье зүйл, бишыханшье үзэгынь үгы болохогүй гэжэ таанадта баталан хэлэнэб. Досоонь бэшээтэй бүхы юумэнүүд заабол бэелхэ зэргэтэй юм.

Лука 16:17

Газар тэнгэри хоёр амархан һүнэхэ, харин Хуулиин багаханшье зүйл хосорхогүй.

Иоанн 10:34

Иисүүс харюусаба: – «Таанад – бурхад гээшэт гэжэ Би хэлээб», – гээд танай Хуули соо бэшээтэй бэшэ гү?

Иоанн 10:36

Харин Намайе Эсэгэмни Өөртөө зорюулан, энэ дэлхэйдэ эльгээгээ юм. Тиимэһээ «Би Бурханай Хүбүүнби» гэхэдэмни, «Та Бурханиие доромжолнот» гэжэ таанар Намда юундэ хэлэнэт?!

Иоанн 19:28

Болохо юумэн боложо дүүрэхын заха үзэгдэхые Иисүүс ойлгожо, Нангин Бэшэг соо бэшэгдэһэн мүрнүүдые хүсэлдүүлэн: – Ундам хүрэнэ! – гэбэ.

Хэрэгүүд 1:16

– Аха дүүнэрни, аа! Искариодой Иудын хуби заяан тухай Арюун Һүлдын Давидаар уридшалан хэлүүлһэн Нангин Бэшэгэй мүрнүүд үнэн дээрээ бэелхэ ёһотой һэн. Иисүүсые бэдэрһэн зондо Иуда байһан газарыень заажа үгөө.

Римэйхиндэ 13:1

Хүн бүхэн засаг баригшадай үгэ дуулаха ёһотой, ушарынь юуб гэбэл, ганса Бурханай зүбшөөлөөр лэ хүндэ засаг бариха эрхэ үгтэдэг юм, тиин мүнөөнэй засаг баригшадые Бурхан лэ табиһан болоно.

Хуули дабталга 18:15

Таанадай дундаһаа намдал адли лүндэншые Эзэн Бурхантнай элирүүлэн гаргаха. Тэрэнэй үгэ дуулаха ёһотойт.

1 Хаан түрэнүүд 15:1

Самуил Саулда: – Шамайе Өөрын арад түмэн болохо Израилиин хаан болгон, тоһо түрхижэ, ёһолол хэхые Эзэн намайе эльгээгээ. Тиимэһээ мүнөө Эзэнэй зарлиг шагна.

1 Хаан түрэнүүд 28:6

Тэрэнэй Эзэндэ хандахадань, Эзэн зүүдээршье, уримээршье, лүндэншэдээршье харюу үгэбэгүй.

1 Хаан түрэнүүд 30:8

Давид Эзэнһээ: – Энэ дээрмэшэ бүлэгые мүрдэхэмни гү? Би тэдэниие хүсэхэ гүб? – гэжэ асуухадань, Эзэн тэрээндэ: – Мүрдэ. Юуб гэбэл, ши тэдэниие хүсэхэш, өөрын юумэ бусаажа шадахаш, – гэжэ харюусаба.