Иоанн 10:28 - Библи

²⁸ Би тэдэндэ мүнхэ наһа үгэнэб, тэдэ хэзээшье хосорхогүй, тэдэниие Намһаа хэншье буляажа абахагүй.

Шэнэ Хэлсээн

²⁸ Би тэдэндэ мүнхэ наһа үгэнэб, тэдэ хэзээшье хосорхогүй, тэдэниие намһаа хэншье буляажа абахагүй.

Иоанн 10:28 ပူးပေါင်းရင်းမြစ်များ

Иоов 17:9

Үнэн шударга зон замһаа хадуурхагүй, гэмгүй хүнүүд хүсэ нэмэхэ.

Псалманууд 31:5

Би Танда нүгэлөө нюунгүй хэлээб, гэмээ нюужа байгаагүйб; «Гэмээ Эзэндэ дуулгахам» гэжэ хэлээб, тиигээд Та минии гэм зэмые арюудхаат. [Хүгжэм]

Һургаал 24:16

Юундэб гэхэдэ, үнэн шударга хүн долоо бүдэрөөшье һаа, бодохо, харин нүгэлтэд нэгэ бүдэрбэл, өөдэлхэгүй.

Һургаал 4:18

Харин үнэн шударга хүнүүдэй зам хадаа үүрэй толон мэтэ үдэрэй ерэхэдэ улам һаруул болодог.

Исай 27:3

Би тэрэниие харууһалжа, таһалгаряагүй уһалжа байнаб. Хэншье тэрэниие бү гэмтээг гэһэндээ Би тэрэниие үдэр, һүнигүй харууһалнаб.

Исай 45:17

Харин Израиль Эзэнээр хэтэ мүнхэдөө абарагдаха, арад түмэниинь эшэхээр, нэрээ гутаахаар байдалда хэзээдэшье орохогүй!

Исай 54:17

Харин ямаршье зэр зэбсэг шамайе шархатаахагүй, шамайе зэмэлжэ хэлэһэн хүн бүхэндэ харюутайл байхаш. Би Өөрын зарасанарые аршалхаб, илалта туйлуулхаб!» Иигэжэ Эзэн айладана юм.

Исай 55:3

Һайса шагнагты, Нам руу ерэгты! Дуулагты, иигэжэ таанад амиды мэндэ байхат! Хэтэ мүнхын хэлсээ таанадтай баталхаб, Давидта найдуулһан үршөөл хайраяа үзүүлхэб.

Ерэмияа 23:4

Тэдээн тушаа һанаагаа табиха удамаршадые табихаб. Минии арад түмэн бэшэ айхагүй, һүрдэхэгүй, бэшэ тэдэниие хэһээхэгүйб. Энэ болбол Би, Эзэн, тунхаглана мүн!

Ерэмияа 31:3

Би тэдээндэ холоһоо үзэгдөө бэлэйб. Израилиин арад зон, Би таанадта хэтэ мүнхэдөө дурланхайб, тиимэһээл хайра энэрэлээ та бүгэдэндэ үзүүлнэб.

Ерэмияа 31:34

Тэдэнэй хэнииньшье Эзэниие мэдэ гэжэ нүхэдөө гү, али аха дүүнэрээ һургахагүй, юундэб гэхэдэ, тэдэ багаһаа томо хүрэтэрөө бултадаа Намайе мэдэжэ байха. Би тэдэнэй гэм зэмые хүлисэжэ, нүгэл тухайнь дахин дурдахагүйб. Энэ хадаа Би, Эзэн, айладхана мүн!

Ерэмияа 32:40

Би тэдээнтэй хэтэ мүнхын хэлсээ байгуулхаб. Һайн юумэ тэдээндэ хододоо хэдэг байхаб, холодохогүйнь тула Намһаа угаа айдаг болгохоб.

Марк 13:22

Өөһэдыгөө Бурханай табисуурта гү, али лүндэншэн гэжэ нэрлэһэн олон мэхэшэд бии болохо. Тэдэ аргатайл һаа, Бурханай шэлэжэ абаһан хүнүүдыешье өөрынгөө мэхэдэ оруулхын тула элдэб янзын гайхамшагта тэмдэгүүдые, эди шэди харуулха.

Лука 23:46

– Эсэгэмни, Танай мэдэлдэ һүнэһөө ябуулнаб! – гэжэ Иисүүс шангаар үгэлэн, ами табиба.

Иоанн 10:29

Тэдэниие Намда үгэһэн Эсэгэмни бултанһаа холо дээгүүр юм. Минии хонидые Эсэгэһээмни хэншье буляажа шадахагүй.

Иоанн 11:25

– Би хадаа Амидыралга гээшэб, Ами наһан гээшэб. Намда этигэдэг хүн үхөөшье һаа, амиды болохо.

Иоанн 14:19

Үшөө нэгэ хэды болоод, дэлхэйнхид Намайе харахагүй, харин таанар Намайе хаража, үзэжэ байхат; Би амиды байнаб, тиимэһээ таанаршье баһа амиды байхат.

Иоанн 17:2

Бүхы хүнүүдые зонхилхо эрхэ засаг Хүбүүндээ олгоһон хадатнай Хүбүүнтнай өөртэнь даалгаһан бүхы хүнүүдтэ хэтэ мүнхын амидарал олгохо.

Иоанн 18:9

Тэрэ юундэ тиигэжэ хэлээб гэбэл: «Намда Танай үгэһэн хүнүүдэй нэгэнииньшье хосороогүй», – гэжэ Иисүүсэй хэлэһэн үгэнүүд хүсэлдэн бэелүүлэгдэхэ ёһотой байгаа.

Иоанн 3:36

Бурханай Хүбүүндэ этигэдэг хүн хэтэ мүнхын ажамидаралда хүртэхэ, харин энэ Хүбүүниие буруушааһан хүн хэтын амидарал үзэхэгүй, Бурханай уур сухал хододоо хүргэжэ байха.

Иоанн 4:14

Харин Минии үгэхэ уһа ууһан хүн хэзээдэшье ундаа хүрэхэгүй. Минии үгэхэ уһан тэрэ хүнэй досоо булаг болон дэлгэржэ, мүнхын амидарал олгохо.

Иоанн 5:24

Би таанарта үнэниие хэлэнэб: Минии үгэ дуулаһан хүн, Намайе эльгээгшэ Эсэгэдэ этигэдэг хүн хэтэ мүнхэдөө амиды ябаха. Тиимэ хүн гэмнүүлхэгүй, тиимэ хүн үхэлһөө абарагдан, амидырха.

Иоанн 6:27

Теэд таанар саг зуурын эдеэндэ һаналаа бү табигты, харин мүнхын амидарал олгодог эдеэндэ һаналаа табигты. Тиимэ амидаралые таанарта Хүн түрэлхитэнэй Хүбүүн үгэхэ, Бурхан Эсэгэ Тэрээндэ эрхэ засагаа үршөөгөө юм.

Иоанн 6:37

Минии Эсэгын Намда үгэһэн хүн бүхэн Намда ерэхэ. Намда ерэһэн хүниие Би намнахагүйб.

Иоанн 6:47

Таанарта үнэн зүбые хэлэнэб: Намда этигэдэг хүн мүнхэ наһанда хүртөөд байна.

Иоанн 6:68

– Эзэн аа, бидэ ондоо хэндэ ошохомнай гээшэб? Тандал мүнхэ наһа олгодог үгэнүүд байна ха юм.

Хэрэгүүд 7:59

Стефаниие шулуугаар шэдэжэ байхадань: – Эзэн Иисүүс, һүлдыемни абыт даа! – гэжэ тэрэ гуйба.

Римэйхиндэ 5:17

Ганса хүнэй нүгэлөөр дамжан, тэрэ ганса хүнһөө боложо, үхэл захиржа байгаа. Гэхэтэй сасуу ганса хүнэй, Иисүүс Христоосой бүтээһэн үрэ дүн бүришье агууехэ юм. Бурханай элбэг үршөөл бэлэгээр үнэн зүб болоһон хүн бүхэн Иисүүс Христоосой ашаар ажамидаржа, захиржа байха.

Римэйхиндэ 5:2

Христоос баһа һүзэгэймнай ашаар маанадые мүнөө манай оршожо байһан Бурханай үршөөл хайрада хүтэлэн асараа. Тиимэһээ Бурханай алдарта хүртэхэбди гэжэ найдан, баяр жаргалтай байнабди.

Римэйхиндэ 5:21

Хүн бүхэниие нүгэлэй хүтэлэн үхэлдэ хүргэдэг байһантайл тон адляар Бурханай үршөөл хайра маанадые хүтэлэн, үнэн сэдьхэлтэй болгодог, манай Эзэн Иисүүс Христоосой ашаар мүнхын амидаралда хүргэдэг.

Римэйхиндэ 5:9

Христоосой адхарһан шуһанай ашаар бидэ мүнөө Бурханай урда үнэн сэдьхэлтэй болоод, Бурханай хэһээлтэһээ заатагүй абарагдахабди.

Римэйхиндэ 6:23

Хэһэн нүгэл шэбэлэйтнай түлөөһэниинь үхэл юм. Харин манай Эзэн Иисүүс Христоостой нэгэдэн мүнхэ амидархань Бурханай үршөөл бэлэг юм.

Римэйхиндэ 8:1

Иисүүс Христоостой нэгэдэн һууһан хүнүүд мүнөө зэмэлэгдэхэгүй.

Римэйхиндэ 8:29

Бурханай шэлэжэ абаһан хүнүүд Хүбүүндэнь адли байха табилантай, тиин Хүбүүниинь олон һүзэглэгшэ аха дүүнэрэй дунда ууган Хүбүүниинь байха.

Хуули дабталга 33:3

Нээрээшье, Тэрэ Өөрынгөө арадта дуратай! Гэгээн зониинь Тэрэнэй гарта! Тэдэнь һургаал абахаяа хүлдэнь һүгэдэн байна.

Филиппынхидтэ 1:6

Тиихэдэ таанадай дунда үлзы һайхан үйлэ хэрэг бүтээжэ эхилһэн Бурхан Иисүүс Христоосой заларан ерэхэ үдэр хүрэтэр тэрэ хэрэгээ залируулангүй бүтээжэл байха гэһэн хатуу этигэлтэй байнаб.

Фессалоникиинхидтэ 2-дохи 2:13

Эзэндэ инаг хайрата байһан аха дүүнэрни, бидэ таанадай түлөө үргэлжэ Бурханда баясхалан хүргэжэ байха ёһотойбди. Таанадай Арюун Һүлдын хүсөөр Бурханай хүнүүд боложо, үнэн зүб юумэндэ этигэһэн һүзэгөөрөө абарагдахынтнай тула Бурхан таанадые эхинһээ нааша шэлэжэ абаа.

Тимофейдэ 1-дэхи 1:16

Бурхан намайе үршөөл хайрадаа хүртөөгөө. Ушарынь юуб гэбэл, нүгэлтэдэй мууниинь байһан намда Христоос Иисүүс ехэл тэсэбэритэй байгаа. Хүн зон Тэрээндэ һүзэглэжэ, һүүлдэнь мүнхын амидаралда хүртэхынь тулада Христоос тиимэ тэсэбэри үзүүлээ.

Тимофейдэ 2-дохи 1:12

Тиимэһээ би иигэжэ тулижа зобожо байнаб, зүгөөр би эшэжэ улайнагүйб. Ушарынь юуб гэхэдэ, хэндэ һүзэглэжэ байһанаа би мэдэнэб, намда даалгаһан юумэеэ тэрэ Үдэр болотор Иисүүс Христоос хадагалжа шадаха гэһэн этигэлтэйб.

Еврейнүүдтэ 7:25

Тиимэһээ зониие үргэлжэ абаржа байха аргатай Тэрэ санаарта хэтын хэтэдэ амиды байжа, Тэрээгүүр дамжан Бурханда ерэһэн хүнүүдэй түлөө Бурханай урда гуйдаг.

Пётрой 1-дэхи хандалга 1:5

Бурханай хүсэн этигэл һүзэгэйтнай ашаар сагай эсэстэ абаралгада хүртэтэртнай таанадые һахижа байна.

Иоаннай 1-дэхи хандалга 1:2

Тэрэ Амидарал бидэндэ харуулагдаа, тэрэ Амидаралые хараабди. Тэрэ Амидаралга тухай гэршэлнэбди. Хэтэ мүнхын тэрэ амидарал Эсэгэтэй хамта байжа, бидэндэ үзүүлэгдээ гээд бидэ таанарта мэдээсэнэбди.

Иоаннай 1-дэхи хандалга 2:19

Христоосой дайсад маниие орхёод ябаа һэн, тэдэниие манай хүнүүд байгаа гэхын аргагүй. Хэрбээ манай хүнүүд байгаа һаа, тэдэнэр бидэнтэй суг үлэхэ һэн. Теэд бидэниие орхёод ошоһон ушарынь тодоруулбал, тэдэ манай хүнүүд бэшэ һэн.

Иоаннай 1-дэхи хандалга 2:25

Христоос бидэндэ мүнхын Амидарал үгэхэб гэжэ найдуулаа!

Иоаннай 1-дэхи хандалга 5:11

Иимэ гэршэлгэ байгаа: Бурхан бидэндэ хэтэ мүнхын амидарал олгоо. Бурханай Хүбүүн хэтэ мүнхын амидаралай эхин мүн.

Иудын хандалга 1:1

Эсэгэ Бурханай хайра дурада хүртэһэн, Иисүүс Христоосой харьяалда байһан Бурханай дуудаһан хүнүүд аа, таанадые Иисүүс Христоосой зараса, Яковай дүү Иуда амаршална.

Иудын хандалга 1:24

Таанадые нүгэлдэ унахаһаатнай аршалжа, Өөрынгөө Алдарай урда тээ хирэгүй сэбэр, баяртай байлгажа шадаха,

1 Хаан түрэнүүд 2:9

Һүзэгтэй арюун зонойнгоо ами наһа Тэрэ хамгаалдаг, харин муу зон харанхыда үгы болоно. Хүн гээшэ бар хүсөөрөө бата бүхэ бэшэ, Тэрэнэй туһалаагүй һаа, илахагүй.