20 Би зүб ёһын харгыгаар, үнэн шударгын зүргөөр ябанаб.
Эзэнэй хада өөдэ хэн гаража болохоб? Нангин үргөө соонь хэн зогсохоб?
Бүхы дэлхэй Эзэнһээ айн һүрдэн байг, юртэмсын бүхы оршин һуугаашад урдань шэшэрэлдэг лэ!
Тиимэһээ ши һайн һанаатанай замаар ябажа, үнэн шударга хүнүүдэй зүргэ даха.
Тиин ёһото шүтэлгэ болон үнэн шударга ябадалые, һайхан замай сэхэ сэбэрые ойлгохош.
Өөрын бүхы замда Тэрэниие танижа мэдэ. Тэрэ шинии замые шууд сэхэ болгоно.
Ябаһан замдашни тэдэ ударидажа, унтахадаш хамгаалха, һэрихэдэш шамтай ярилдаха.
Минии үрэ хэшээл шэжэр алтанһаа үлүү, минии ашаг үрэ сагаан мүнгэнһөө үлүү.
Энэ хадаа намайе хайрлагшадта баялиг үгэхын, эрдэниин сангыень дүүргэхын тулада юм.
Тиигээд олон арадууд ошожо, иигэжэ хэлэхэ: «Эзэнэй хада руу, Яковай Бурханай нангин үргөө тээшээ үгсэн ошоё. Юу хэхыемнай Бурхан һургаха, зааһан замаарнь ябахабди». Юуб гэбэл, Хуули Сионһоо гараха, Эзэнэй үгэ – Иерусалимһаа.
Тэдэ гэдэһээ үлдэхэгүй, ангахагүй, ааяма халуунда, наранда ядархагүй. Юуб гэхэдэ, тэдэниие Энэрэгшэнь хүтэлжэ, уһанай сөөрэмүүд руу дахуулха.
Би тэрэниие арадуудта гэршэ, арадуудай удамарша ба захирагшаар табяаб.
Харуулшан тэрээндэ хониной байрын үүдэ нээжэ үгэдэг. Хонидынь тэрэнэйнгээ дууень дууладаг, адуулагшань хонидоо нэрэ нэрээрнь дуудаад, газаашань гаргадаг.
Эзэн Бурханайнгаа захирһанай ёһоор, жэншэдгүй үйлэ хэрэг ябуулагты, нэгэшье хуулииень бү хазагайруулагты, хажуу тээшэ халба бү һүрэгты.
Юундэб гэхэдэ, хаан шэрээгэй урда зогсожо байгааша Үргэлэй Хурьган тэдэ хүнүүдэй адуулагша эзэниинь боложо, мүнхэдөө амидаралай уһанда тэдэниие залан абаашаха. Эдэ хүнүүдэй нюдэнэй нулимсые Бурхан Өөрөө аршаха».
