Һургаал 6:17 - Библи

¹⁷ ехэрхүү хараса, худалша хэлэн, гэмгүй хүнэй шуһа урадхуулдаг гарнууд,

Һургаал 6:17 ပူးပေါင်းရင်းမြစ်များ

4 Хаан түрэнүүд 21:16

Тэрээнһээ гадуур Мэнашшээ ямаршье гэм зэмэгүй олон хүнүүдые хюдажа, бүхы Иерусалимые улаан шуһаар бүрхөөбэ. Тэрэ Эзэндэ таарамжагүй юумэ хүүлэхэ гэжэ Иуда эсэгын хүнүүдые нүгэлтэ зам руу түлхибэ. Тиихэдэнь энэ зэбүүрхэмэ ааша тэрэнэй нүгэлдэ нэмэри боложо үгэбэ.

4 Хаан түрэнүүд 24:4

Ушар юуб гэхэдэ, Мэнашшээ ямаршье гэм зэмэгүй хүнүүдые алажа, тэдэнэй шуһаар Иерусалимые дүүргэһэн байгаа. Эзэн тэрэниие хүлисөөгүй.

Псалманууд 10:4

Эзэн Өөрын нангин үргөөдэ байна. Эзэнэй сэнтиинь – тэнгэридэ. Нюдэдынь зон руу хаража, мэлмынь тэдэниие шалгажа байна.

Псалманууд 101:5

Зүрхэмни сабшаһан үбһэн мэтэ хатана, эдеэ хоолшье тухай би мартааб.

Псалманууд 131:1

[Үгсэлгын дуун.] Эзэн, Давид тушаа, бүхы зоболонгыень һаныт.

Псалманууд 5:6

Һайрхадаг зон урдаһаатнай хаража шадахагүй, муу муухай хэрэг үйлэдэгшэдые Та үзэн яданат,

Псалманууд 5:7

гүжэр үгэ хэлээшэдые усадхахат, алууршан, худалшан Танда жэгшүүритэй муухай.

Һургаал 1:11

Тэдэнэй шамда: «Бидэнтэй яба, гэмгүй нэгэниие отожо һүнөөе.

Һургаал 1:16

Тэдэ зоной хүлнүүд муу тээшэ зоридог, тэдэнэр шуһа урдахуулха гэжэ яарадаг.

Һургаал 12:22

Эзэн худалшаһаа зэбүүсэдэг, үнэниие хэлэгшэ Тэрэнэй талархалда хүртэдэг.

Һургаал 14:5

Этигэлтэй гэршэ худал ярихагүй, хуурмаг гэршэ худал үгэ урадхуулдаг.

Һургаал 16:5

Бардам хүнүүдһээ Эзэн зэбүүсэдэг. Тэдэ эрхэ бэшэ хэһээлтэдэ хүртэдэг.

Һургаал 17:7

Уран үгэ мунхаг хүндэ тааранагүй, дээдэ изагууртанай худал хэлэхэнь бүришье зохисогүй.

Һургаал 21:4

Хуулигүй зониие илгаруулдаг ехэрхүү хараса болон бардам сэдьхэл хадаа тэдэнэй нүгэл болоно.

Һургаал 26:28

Хуурмаг хүн хуурагдагшые үзэн ядадаг, билдагууша аман һүйдхэл түхеэрдэг.

Һургаал 28:17

Хүнэй шуһа урадхуулһан хэрэгтэ хамаатай хүн үхэтэрөө бодхуул ябаха. Тиимэ хүниие бү дэмжэ.

Һургаал 30:13

Баһамжалһан нюдэтэй ба дээгүүр харасатайшье нэгэн байха.

Һургаал 6:16

Эзэн зургаан мууе үзэн ядадаг, долоодохиһоо мүн лэ зэбүүсэдэг. Тэдэ гэбэл:

Исай 1:15

Таанадай гуйжа гараа үргэхэдэ, Би харангүй байхаб. Хэдышье зальбараа хадатнай, Би шагнахагүйб. Юуб гэхэдэ, гартнай шуһанда зуурагданхай.

Исай 2:11

Хүнэй бардам харасын үгы болохо, хүнэй дээрэлхүү зангай номгодохо саг дүтэлжэ байна. Тэрэ үдэр Эзэн лэ гансаараа үндэр зандаа үлэхэл.

Исай 3:16

Эзэн иигэжэ айладаба: «Харыт, Сионой эхэнэрнүүд бардам гээшэнь! Тэдэ хамараа өөдэнь үргөөд, нюдөөрөө наадажа, хүлдөө бугааг жэнгирүүлэн, гоо гоёмсуугаар алхалан ябанал.

Исай 3:9

Нюур шарайень харахада, нүгэлтэйень ойлгохоор. Тэдэ Содомой зондол адли нүгэлөө нюунагүй, һайрхан һагад хөөрэнэ. Өөһэдөөл өөһэдтөө гай тодхор татаа гээшэл.

Ерэмияа 26:15

Харин мэдэжэ байгты: хэрбээ намайе алаа һаа, таанад өөһэдөө мүн энэ хотын ажаһуугшад ямаршье гэмгүй хүниие хорооһон гэм зэмэтэй болохот. Юуб гэхэдэ, эдэ бүхы үгэнүүдые соносхохыемни Эзэн үнэхөөр намайе таанадта эльгээгээ бэлэйл, – гэжэ хэлэбэб.

Иоанн 8:44

Таанарай эсэгэ шолмос, тиимэһээ эсэгынгээ бүхы дура хүсэлыень бэелүүлхэ зорилготойт. Танай эсэгэ анханһаа нааша хүнүүдые аладаг, үнэн зүйлые үзэжэ ядадаг байһан, ушарынь хэлэбэл, тэрээндэтнай үнэн зүйл гэжэ байгаагүйл. Худал юумэ хэлэхэдээ, тэрэтнай өөрынгөө түрэлхи хэлэн дээрэ дуугардаг һэн, юундэб гэбэл, худалша, худал юумэ үүдхэгшэ байһан байна.

Хуули дабталга 19:10

Тиигэбэл, танай харьяата газар болгон, Эзэн Бурханайтнай үгэжэ байһан газар дайдада зэмэгүй хүн алуулагдахаяа болихо, тэрэнэй түлөө таанад гэмтэй болохогүйт.

Хуули дабталга 27:25

«Мүнгэ абажа, гэмгүй хүниие алажа байгааша хүн хараалай ехэ хараал шэнгээхэ!» Бүхы арад зон харюусаха: «Болтогой!»

Пётрой 1-дэхи хандалга 5:5

Залуушуул, таанад баһал бүлгэмэй хүтэлэгшэдэй үгөөр байгты. Бэе бэедээ булта номгон даруугаар хандагты. «Бурхан омог зантай зониие буруушаадаг, харин даруу номгон зондо үршөөлтэйгөөр хандадаг», – гэжэ Нангин Бэшэг соо хэлэгдэнэ.

Гэршэлгэ 22:15

Теэд нохосууд, эди шэдитэн, зальхай забхай ябадалтан, алуурша этэгээдүүд, онгонуудта шүтэгшэд, худал хуурмаг ябадалда дуратайшуул, тиимэ юумэ хэгшэд – хотын гадаа тээ үлэхэ.