Һургаал 24:28 - Библи

²⁸ Шалтаггүй дүтын хүндэ эсэргүү гэршэлжэ болохогүй. Шинии аманда мэхэ бү байг.

Һургаал 24:28 ပူးပေါင်းရင်းမြစ်များ

Иоов 2:3

Эзэн эрлигтэ хандаба: – Минии зараса Иоовые анхарба гүш? Тэрээн шэнги хүн дэлхэйдэ байхагүй. Гэм зэмэгүй, үнэн шударга тэрэ хүн намайе хүндэлжэ, буруу юумэнһээ зайлажа, болгоомжолон ябадаг. Ямаршье ушар шалтагаангүй ши бүхы юумыень үгы хэхэ зүбшөөл намһаа абаа һэнши, гэбэшье тэрэ мүнөөшье гэмтэй юумэ хээгүй.

Псалманууд 35:11

Таниие танидаг зондо энэрэл хайраа үршөөгыт, үнэн сэхэ сэдьхэлтэйшүүлдэ зүб шударгаа хүртүүлыт!

Псалманууд 35:7

Танай зүб шударга агууехэ хада ууланууд мэтэ, Танай үнэн шиидхэбэринүүд гүнзэгы далай мэтэ. Эзэн, Та хүн болон амитадые абаран байнат.

Псалманууд 52:1

[Дуунай бүлэгэй хүтэлбэрилэгшэдэ: үлеэдэг хүгжэмтэ зэмсэгэй дууряалга доро. Давидай ирагуу үгэнүүд.]

Египедһээ гаралга 20:16

Хүниие хардажа худалаар бү гэршэлэ.

Египедһээ гаралга 23:1

«Гүжэр үгэ дабтажа бү байгаарай. Хэрэг шүүлгэдэ гүжэрдэгшые бү дэмжэ, юуб гэхэдэ, шинии гэршэлэлгээр буруу шиидхэбэри абтажа болохо.

Һургаал 14:5

Этигэлтэй гэршэ худал ярихагүй, хуурмаг гэршэ худал үгэ урадхуулдаг.

Һургаал 19:5

Хүниие хардагшада хэһээлтэ бууха. Худалша хүн зугадажа шадахагүй.

Һургаал 19:9

Хуурмаг гэршэ хэһээлтэдэ ороно. Худал хэлэдэг хүн мүхэхэ.

Һургаал 21:28

Хуурмаг гэршэлэгшэ мүхэдэг, харин үнэниие байһан соонь хэлэдэг хүнэй үгэ эгээл найдамтай.

Һургаал 25:18

Хажуудахидаа эсэргүү худал гэршэ болодог хүн һэлмэ, хурса үзүүртэй һурша болон шиидам мэтэ.

Һургаал 26:19

нүхэрөө мэхэлээд, «Би шоглоном» гэдэг хүн адли.

Левит 19:11

Хулгай бү хэгты, худалаар бү хэлэгты, бэе бэеэ бү мэхэлэгты.

Левит 6:2

– Хэрбэеэ али нэгэн Эзэнэй үмэнэ гэм хэжэ, нүгэлтэй болоо һаа гү, али хадагалхыень, харюусалга доронь ямар нэгэн зүйлэй үгтэһые мэлзэжэ гү, али хулгайлһан юумэ нюуһан гү, хүнһөө юумэ буляаһан гү,

Левит 6:3

али хүнэй гээһэн юумэ олоод, таһа арсаа һаань, зоной хэдэг нүгэлэй нэгые үйлэдэһэн, худалаар тангариглажа, гэмээ хүндэ болоһон болохо.

Матвей 27:23

– Ямар гэмтэй юумэ Тэрэ хээб? – гэжэ Пиладай һурахадань, улад зон харюудань: – Тэрээниие хэрээһэндэ хада! – гэжэ бүри шангаар гааралдан хашхарба.

Иоанн 15:25

Иимэл байха ёһотой һэн даа. «Ямаршье шалтаггүй Намда зэбүүрхэнэ» гэжэ тэдэнэй Хуули соо бэшээтэй байһаниинь бүтэбэ гээшэ.

Эфесэйхиндэ 4:25

Тиимэһээ худал юумэ хэлэхэеэ болёод, дүтынгөө хүндэ хүн бүхэнтнай үнэниие хэлэжэ байг, ушарынь хэлэхэдэ, бидэ бултадаа нэгэ бэеын эрхэтэнүүд гээшэбди.

Колоссынхидтэ 3:9

Бэе бэедээ худал юумэ хэлэхэеэ болигты, таанад урданайгаа ажамидаралые заншалнуудтайнь хамта орхёо гээшэт.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.

Гэршэлгэ 22:15

Теэд нохосууд, эди шэдитэн, зальхай забхай ябадалтан, алуурша этэгээдүүд, онгонуудта шүтэгшэд, худал хуурмаг ябадалда дуратайшуул, тиимэ юумэ хэгшэд – хотын гадаа тээ үлэхэ.