Һургаал 22:29 - Библи

²⁹ Ажалдаа шадамар хүниие хараа гүш? Тэрэ хаанай урда зогсохо. Нэрэ түрэгүй юрын хүнүүдтэ алба хэхэгүй.

Һургаал 22:29 ပူးပေါင်းရင်းမြစ်များ

Эхин 41:38

– Энээнһээ үлүү хүниие олохын аргагүй, – гэжэ хаан түшэмэлнүүдтээ хэлэбэ. – Бурханай үршөөһэн һүр һүлдэ тэрээндэ лаб байна!

Эхин 41:46

Иосиф гушан наһатайдаа Египет улас түрын ахамад түшэмэл ноён болоһон юм. Хаанай ордонһоо гаража, тэрэ Египедэй бүхы газар дайдаар ябаба.

Эхин 47:6

Египет орон шинии мэдэл доро байдаг бэшэ аал? Тэдэнээ энэ ороноймнай эгээл һайхан газар болохо Гоошэн аймагта һуурижуула. Аха дүүнэрэйшни дунда мал һайнаар харууһалдаг зоной бии һаань, минии үмсын мал һүрэгые тэдэнэй харюусалгада үгөөрэй.

2 Хаан түрэнүүд 2:32

Тэдэ Асаһээлые абажа, Бэтлэһээмдэ оршодог эсэгынь булашада хүдөөлүүлбэ. Тиигээд Ёһааб өөрын сэрэгтэй хамта бүхэли һүниндөө ябан, үүр сайха үедэ Хэброондо хүрэбэ.

3 Хаан түрэнүүд 10:8

Зонтнай хэды жаргалтайб! Хажуудатнай байжа, сэсэн мэргэн үгүүлэлытнай шагнаха аргатай богоолнуудтнай хэды жаргалтайб!

3 Хаан түрэнүүд 11:28

Соломоон Еробоһаамай шанга хүдэлдэгые обёоржо, Мэнашшээ болон Эпрааимай обогуудай газарнуудаар ябуулагдажа байгаа ажал хүдэлмэриие хинахыень томилбо.

1 Угай бэшэг 4:23

Тэдэнэр шабар амһарта хэдэг, Нэтаһиим ба Гэдэраада ажаһуудаг, хаанда ажал хэдэг зон байгаа.

Һургаал 10:4

Залхуугай гар ядуу байдалда асардаг, оролдосотой хананхатайн гар баян болгодог.

Һургаал 12:24

Ажалша хүн ондоо хүниие ударидан дахуулдаг. Залхуу хүн богоол болодог.

Һургаал 23:1

Засаг баригшатай хамта зооглохоёо һуухадаа урдаа байһан юумэ һайтар ажагла.

Экклезиаст 9:10

Гарайнгаа хэжэ шадаха юумэ шадал соогоо хэгты. Ушарынь гэхэдэ, үхэлэй орондо ошоходош, тэндэ ажал үйлэ, бодол сэдьхэлгэ, мэдэсэ, мэргэн ухаан гэжэ байхагүй.

Даниил 1:19

Хаан тэдээнтэй хөөрэлдөөд, Даниил, Ханаанияа, Мишаһээл, Азаария гэгшэдые эгээл эрхимүүд гэжэ шэлэбэ. Иигэжэ тэдэ хаанай ордон соо алба хэдэг болоо бэлэй.

Матвей 25:21

Эзэниинь тэрээндэ: «Ехэ һайн! Ши бэрхэ, найдабаритай зараса байнаш! Бага юумэ эрхилхэдээ ши найдабаритай байбаш, тиимэһээ би шамда бүришье ехэ юумэ даалгахамни! Орожо, эзэнтэйгээ хамта баярла», – гэбэ.

Матвей 25:23

Эзэниинь тэрээндэ: «Ехэ һайн! Ши бэрхэ, найдабаритай зараса байнаш! Бага юумэ эрхилхэдээ ши найдабаритай байбаш, тиимэһээ би шамда бүришье ехэ юумэ даалгахамни! Орожо, эзэнтэйгээ хамта баярла», – гэбэ.

Римэйхиндэ 12:11

Эзэндэ урматайгаар, оролдосотойгоор алба хэжэ байгты.

Тимофейдэ 2-дохи 4:2

Бурханай үгэ номногты гэжэ захинаб. Хүнүүдэй дуулаха дуратай, дурагүйшье байбалнь, сухарингүй номнохо ёһотойш. Буруу хэһэн юумэнүүдыень заажа, нүгэлнүүдыень шүүмжэлэн элирүүлэ. Гэхэтэй сасуу тэрэ хүнүүдые урмашуулжа, тэсэбэритэйгээр һурга.

1 Хаан түрэнүүд 16:21

Давид Саулда ерэжэ, тэрээндэ алба хэбэ. Саулда тэрэ ехэ һайшаагдажа, Давид Саулай зэр зэбсэг баряад ябагша болобо.

1 Хаан түрэнүүд 17:31

Давидай хэлэһэн үгэнүүдые зон дуулажа, Саулда мэдүүлбэ. Тиигээд Саул Давидые дуудан асаруулба.