Һургаал 20:15 - Библи

¹⁵ Алта мүнгэн болон эрдэни зүүдхэл байбашье, ухаатай юумэ хэлэдэг аман бүришье үнэтэй.

Һургаал 20:15 ပူးပေါင်းရင်းမြစ်များ

Һургаал 15:23

Онобшотой харюу хүниие баяртай болгодог, саг соогоо хэлэгдэһэн үгэ һайхан байдаг.

Һургаал 15:7

Сэсэн хүнэй уралһаа мэдэлгэ дэлгэрдэг. Харин тэнэгүүдэй сэдьхэл тиимэ бэшэ.

Һургаал 16:16

Алта абагшаһаа мэргэн ухаае олохонь үлүү. Бодото мэргэн ухаа абахань мүнгэнһөө үлүү үнэтэй.

Һургаал 16:21

Сэсэн хүн болгоомжотой гэдэг. Болгоомжотой зөөлэнөөр дуугардаг хүн һайнаар ойлгуулна.

Һургаал 16:24

Һайн үгэнүүд зүгын балтай һархинаг шэнги. Тэрэнь сэдьхэлдэ амтатай ба яһанда эмтэй.

Һургаал 20:14

Худалдан абагша «Энэш муу, тэрэш муу» гэдэг, абаад ябаһанай удаа тэрэнээ һайрхадаг.

Һургаал 20:16

Хари хүнэй үри шэриин түлөө харюусалга абаһан хүн самсаяа алдаха.

Һургаал 25:12

Зэмэлэлгын мэргэн үгэ гээшэ шэхээ табин соносогшодо алтан һиихэ ба шэжэр алтан зүүдхэл мэтэ.

Һургаал 3:15

Энэнь эрдэни шулуунһаа сэнтэй. Шинии хүсэһэн ямаршье зүйлтэй жэшэмээр бэшэ.

Һургаал 5:2

Бодомжотой даруугаар хамаг юумэ ажаглажа, аманһаашни сэсэн үгэнүүд гарахын тулада юм.

Һургаал 8:10

Салин сагаан мүнгэнһөө үлүүгээр минии заабари сэгнэжэ абагты. Шэжэр алта шэлэнхаар мэдэлгэ абахые шэлэһэниинь дээрэ.

Һургаал 8:11

Сэсэ мэргэн субад эрдэниһээ үлүү үнэтэй. Хүсэжэ болохо ямаршье зүйлые тэрээнтэй жэшэхын аргагүй.

Эфесэйхиндэ 4:29

Хорото үгэнүүд аманһаатнай бү гараг. Шагнажа байһан хүнүүдтэ хэрэгтэй, һүзэгыень бэхижүүлхэ аргатай, аша туһатайл үгэнүүдые хэлэжэ байгты.