Һургаал 18:14 - Библи

¹⁴ Хүнэй урма зориг үбшэниие тэсэхэдэ туһалдаг. Сүхэрһэн зоригһоо найдал талиидаг.

Һургаал 18:14 ပူးပေါင်းရင်းမြစ်များ

Иоов 6:4

Түгэс Хүсэтын һомонууд минии дотор, тэдэнэй хорые һүнэһэмни уужа байна. Намайе айлгаха бүхы аргануудые Тэрэ хэрэглэхэ мэтэ.

Псалманууд 147:3

Тэрэ танай газар дайдада энхэ тайбаниие тогтооно, эгээл һайн шэниисээр таанарые хангана.

Псалманууд 55:3

Дайсадни намайе залгихаар бүхэлиин үдэр бэдэрнэ. Юуб гэбэл, урдаһаам бардамлан добтологшо тэдэ олуулаа юм.

Псалманууд 55:5

Бурхандал найданаб, үгыень магтан байнаб, айнагүйб. Хүн намда юу хэжэ шадаха юм?

Египедһээ гаралга 6:9

Энэ айладаһыень Моисей Израилиин зондо дамжуулан хэлэбэ, харин тэдэнь хүшэр ажалда диилдэжэ, зоригоо мохонхой, Моисейн үгэ шагнахашье дурагүй байба.

Һургаал 15:13

Жаргалтай хүнэй нюурта баяр хүгжэл бии. Зүрхэнэй гутараан зориг мүхөөдэг.

Һургаал 17:22

Сэдьхэлэй баяр баясхалан эмдэ адли туһатай. Уйдхарта абталга яһа хатааһан үбшэнтэй адли.

Коринфынхидтэ 2-дохи 1:12

Энэ дэлхэйдэ байхадаа, илангаяа таанадтай харилсахадаа, бидэ Бурханһаа үгтэһэн үнэн сэхэ, арюун сэбэр ажамидаралтай байгаабди, һэшхэл бодолнайшье тэрэниие батална, тиимэһээл бидэ ехэл бахархадагбди. Бидэ хүнэй сэсэн ухаагаар бэшэ, харин Бурханай үршөөлөөр тиигэжэ ажамидараабди.

Коринфынхидтэ 2-дохи 2:7

Зүгөөр тэрэ нүхэрөө аргагүй ехээр уйдажа, сэдьхэлээрээ унахагүйнь тула хүлисөөд, һанааень заһабалтнай, таанадта дээрэ байха.

Яковай хандалга 1:2

Аха дүүнэрни, элдэб олон бэрхэшээл зоболонгуудые үзэхэдөө, өөһэдыгөө жаргалтайбди гэжэ тоологты.

Пётрой 1-дэхи хандалга 1:6

Тиимэһээ энээндэ баясажа байгты. Мүнөө түр зуура элдэб янзын туршалгануудһаа зобожо тулижашье байбал, баясажа байгты.