Һургаал 17:19 - Библи

¹⁹ Хэрүүлдэ дуратай хүн гэм нүгэлдэшье дуратай. Бэеэ үлэмжэ дээгүүр абхуулхадаа, сүйдхэл эриһэн жэшээтэй.

Һургаал 17:19 ပူးပေါင်းရင်းမြစ်များ

2 Хаан түрэнүүд 15:1

Тэрэнэй удаа Абшалоом өөртөө моридтой дайшалхы тэргэ, табин хүнһөө бүридэһэн харуултай болобо.

3 Хаан түрэнүүд 1:5

Хаггиит һамганһаа түрэһэн Давидай хүбүүн Адонияа Абшалоомой наһа бараһанай удаа эгээл ехэ хүбүүниинь болоод байгаа. Тэрэ ехэ үзэсхэлэн гоё хүбүүн бэлэй. Эсэгэнь тэрэниие нэгэшье зэмэлдэггүй, хүбүүн өөрыгөө ехэ дээгүүр табидаг, хаан болохом гэжэ хэлэдэг һэн. Иигэжэ тэрэ өөртөө дайшалхы морин тэргэнүүдтэй, моридтой, табин хүнһөө бүридэһэн сэрэгтэй болобо.

Һургаал 16:18

Һүйдхэлэй урда бардамлал ябадаг, бүдэржэ унахын урда дээрэлхүү зан ябадаг.

Һургаал 17:14

Хёморол хэрэлдээнэй эхин хадаа уһатай хаалтада нүхэ гаргаһантай адли. Даамжархаһаань урда хэрүүлээ тогтоогты.

Һургаал 18:12

Бардам сэдьхэл һүйдхэлэй урда ехэлиг. Хүндэлэлэй урда хүнэй сэдьхэл даруу байдаг.

Һургаал 24:27

Гэр барихын урда газаахи ажалаа дүүргэжэ, хээрэ талада байһан юумэеэ суглуулан бэлэн болго. Тииһэн хойноол гэрээ бари.

Һургаал 29:9

Сэсэн тэнэг хоёрой хэрэг шиидхэлгэдэ уур сухал, энеэдэн таһархагүй.

Коринфынхидтэ 2-дохи 12:20

Таанадта ошоходоо, бидэ бэе бэедээ урмаа хухарна гүбди гэжэ һэргылнэб. Таанадай дунда хэрүүл ама, атаа жүтөө, уур сухал, хэрэлдээ, хардалга, хоблолго, омогорхолго, журамгүй байдал гараагүй аабза гэжэ айнаб.

Яковай хандалга 1:20

Таанад уурлаха сухалдахадаа, Бурханай хүсэһэн дэмбэрэлтэй юумэнүүдые бүтээжэ шадахагүйт.