Һургаал 17:17 - Библи

¹⁷ Найза нүхэд ямаршье үедэ бэе бэеэ хайрладаг. Аха дүүнэр хэсүү сагта тулга болохын түлөө түрэдэг.

Һургаал 17:17 ပူးပေါင်းရင်းမြစ်များ

2 Хаан түрэнүүд 1:26

Ёнатаан, ахамни! Тан тушаа зобон шаналжа байнаб. Та намда угаа хайратай байгаат. Танай хайра дуран намда хэды гайхалтай һайхан, бүһэгүй хүнэй дуранһаа үлүү дээрэ бэлэйл.

2 Хаан түрэнүүд 15:21

Иттай хаанда харюусаба: – Үндэр түрэлтэ хаан! Эзэнэй нэрээр тангаригланаб: танай амидышье, нүгшөөдшье, хаанашье байгаа хадатнай би тэндэл байхаб!

Эстээр 4:14

Иимэ үе сагта шинии амаа хаагаад байгаа һаа, иудейнүүдые абарха арга ондоо газарһаа ерэхэ. Харин шинии гал гуламта үгы хэгдэхэ. Тиигээдшье иимэ сагта хэрэгтэй болохо гэжэ шинии хаанай ордондо орожо, хатан болоһон ушар байгаа юм аалам, хэн мэдэхэб.

Һургаал 16:28

Муу һанаатай хүн хэрэлдээ үүсхэдэг, хоб тараагша хүн нүхэдые һалгаадаг.

Һургаал 18:24

Дан олон нүхэд һүйдхэлдэ асаржа магад. Зарим ушарта анда нүхэр аха дүүһээ үлүү байдаг.

Һургаал 19:13

Тэнэг хүбүүн эсэгын ядарал зоболон. Яршаг хэрүүлшэ эхэнэр оройн хушалтада гараһан нүхэндэ адли.

Һургаал 19:7

Ядуу хүниие аха дүүнэрыншье үзэн ядахадань, хани нүхэдэйнь хүйтэрэн холодохонь гайхалгүй. Үгэ хэлэн шарайшалхадань, тэдэнь олдохошьегүй.

Еврейнүүдтэ 2:11

Арюудхагша ба арюудхагдаһан бүхы хүнүүд нэгэ Эсэгэтэй. Тиимэһээ Иисүүс тэдэниие аха дүүнэрни гэжэ нэрлэхэеэ эшэдэггүй.

Рүүт 1:16

Теэд Рүүт: – Таниие орхижо ошохыемни, бусахыемни бү баалыт даа. Юуб гэхэдэ, танай ябаха газар руу би ябахаб, танай хонохо газарта бишье хонохоб. Танай арад түмэн минии арад түмэн, танай Бурхан минии Бурхан болохо!

1 Хаан түрэнүүд 18:3

Ёнатаан Давидта өөртөө мэтээр дурлаһан тула Давидтай хэлсээ баталба.

1 Хаан түрэнүүд 19:2

Тиимэһээ тэрэ Давидта: – Минии эсэгэ Саул шамайе алахаяа һанажа байна. Тиимэһээ үглөөдэр болгоомжотой байжа, далда газарта хоргодо.

1 Хаан түрэнүүд 19:3

Би гаража, шинии байһан тала газарта эсэгынгээ хажууда зогсон, шам тухай эсэгэтэеэ хөөрэлдэхэб. Ямар нэгэ юумэ мэдээ һаа, би шамда дуулгахаб, – гэбэ.

1 Хаан түрэнүүд 20:17

Ёнатаан Давидта дуратай байһан тула тэрэниие дахин тангариглуулба. Юуб гэхэдэ, тэрэ өөртөө мэтэ Давидта угаа дуратай байгаа.

1 Хаан түрэнүүд 23:16

Саулай хүбүүн Ёнатаан бодожо, Хорээш руу Давидта ерээд, Бурханда этигэлыень бүри шанга болгобо.