Һургаал 16:24 - Библи

²⁴ Һайн үгэнүүд зүгын балтай һархинаг шэнги. Тэрэнь сэдьхэлдэ амтатай ба яһанда эмтэй.

Һургаал 16:24 ပူးပေါင်းရင်းမြစ်များ

Псалманууд 19:10

Эзэн, абарыт! Хаанда илалта үршөөгыт! Дуудахадамнай, бидэндэ харюу үгыт!

Һургаал 12:18

Бодолгүй яридаг хүн эритэ мэсээр дайраһандал, сэсэнэй үгэ эмтэй адли.

Һургаал 15:23

Онобшотой харюу хүниие баяртай болгодог, саг соогоо хэлэгдэһэн үгэ һайхан байдаг.

Һургаал 15:26

Хорото үүсхэл Эзэн үзэн ядадаг, зүб үгэ Тэрээндэ таатай.

Һургаал 17:22

Сэдьхэлэй баяр баясхалан эмдэ адли туһатай. Уйдхарта абталга яһа хатааһан үбшэнтэй адли.

Һургаал 23:16

Зүб юумэ хэлээ һааш, үнэхөөр баярлаха гээшэб.

Һургаал 27:9

Һайхан тоһон болон анхилма үнэртэй бодос зосоо баясуулха, нүхэрэй зүбшэл заабари сэдьхэлдэ аятай.

Һургаал 3:8

Энэ хадаа бэедэшни эм болохо, яһышни бэхи болгохо.

Һургаал 4:22

Минии үгэ хадаа тэрэниие шагнаһан хүндэ ами үгэдэг, бэеынь элүүр болгодог.

Экклезиаст 12:10

Багша оншотой сэсэн үгэ бэдэржэ, үнэниие байһан соонь бэшэхэ гэжэ оролдоо.

Дуунай дуун 4:11

Инагни, булай хөөрхэн уралшни балай амтаар намайе баяжуулжа, сагаан эдеэн, зүгын бал хэлэн дороһоош урдажа байна. Ливаан ороной сэнгэлиг ой үмдэдэг хубсаһаарш анхилжа байна.

Ерэмияа 15:16

Танай үгөөр үл хоол хэжэ байгааб, үгэ бүхэнтнай намда баяр асардаг, зүрхэ сэдьхэлыем сэнгүүлдэг юм. Би дууһан Танайб, Түмэн Сэрэгтэ Эзэн Бурхан!

Хуули дабталга 32:2

Багахан дуһалнуудай зүлгэ ногоон дээрэ унаһандал, зөөлэн ногоон дээрэ аадарай адхарһандал, һургаални бороо мэтэ адхарха, үгэнүүдни шүүдэр мэтэ унаха.

Гэршэлгэ 10:10

Эльгээмэлэй гарһаа номыень абаад эдижэрхибэб. Аман доторни ороходоо, зүгын бал шэнги амтатай байһанаа, харин тэрэ номоо эдихэдэмни, хото гэдэһэн соомни ехэ гашуун байгаа.