Һургаал 16:17 - Библи

¹⁷ Үнэн сэдьхэлтэй хүнүүдэй зам хадаа өөрыгөө хорото мууһаа холодуулха ябадал. Өөрынгөө зам анхаралтай ажагладаг хүн амияа хамгаална.

Һургаал 16:17 ပူးပေါင်းရင်းမြစ်များ

Иоов 1:1

Ууц нютагта Иоов гэжэ хүн ажаһуугаа. Тэрэ нүгэл хилэнсэг гэжэ мэдэхэгүй, үнэн шударга, Бурханда бэшэрэн шүтэдэг, бузар мууһаа огто зайлаха гэжэ оролдодог хүн байгаа.

Һургаал 10:9

Үнэн шударга замаар алхагша аюулһаа зайладаг, гажуу харгыда гараһан хүн эсэстээ элишэлэгдэдэг.

Һургаал 19:16

Зарлиг хуули сахидаг хүн сэдьхэлээ хамгаална. Харин өөрын зам тухай һанаа зободоггүй хүн үхэхэ болоно.

Һургаал 21:23

Ама хэлээ татадаг хүн сэдьхэлээ аюулһаа хамгаална.

Һургаал 22:5

Худалша хуурмаг хүнэй замда үүргэнэ ба занга байха. Ами наһаа сэгнэдэг хүн тэрэ бүгэдэһөө зайлаха гэжэ оролдодог.

Һургаал 4:23

Хамагай түрүүн зүрхөө хамгаала. Тэрээнһээ аминай булагууд гарадаг юм.

Исай 35:8

Тэндэ нэгэ ехэ харгы зам бии боложо, «Нангин арюун зам» гэжэ нэрлэгдэхэ. Тэрээгээр нүгэлтэй нэгэшье хүн ябахагүй, ямаршье тэнэг хүн энэ замаар ябагшадые төөрюулхэгүй.

Матвей 24:13

Зүгөөр эсэстэнь хүрэтэр тэсэжэ гараһаниинь абарагдаха.

Хэрэгүүд 10:35

Бурхан Тэрээндэ һүгэдэгшэ, үнэн сэхээр амидарагша ямаршье яһатанай хүниие хүлеэн абадаг.

Хэрэгүүд 24:16

Тиимэһээ би Бурханайшье, хүнүүдэйшье урда арюун һайн сэдьхэлтэй байха гэжэ ходо оролдодогби.

Еврейнүүдтэ 10:39

Бидэ татагалзан хосорогшод бэшэбди. Харин һүзэг этигэлтэй зомди, абарагдахабди.

Иудын хандалга 1:24

Таанадые нүгэлдэ унахаһаатнай аршалжа, Өөрынгөө Алдарай урда тээ хирэгүй сэбэр, баяртай байлгажа шадаха,

Гэршэлгэ 3:10

Тэсэбэритэй байха тухай Минии зарлиг заабариие сахиһан туладатнай, газар дэлхэйнхидые туршажа үзэхэеэ бүхы юртэмсэдэ тохёолдохоёо байгаа гай аюулай үедэ Би таанадые хамгаалан үлөөхэб.