Һургаал 11:24 - Библи

²⁴ Зөөриеэ хубаан тараажа байдаг хүнэй зөөри нэмэжэ байха, тиихэдэнь харамнадаг хүн үгырхэ ушар байха.

Һургаал 11:24 ပူးပေါင်းရင်းမြစ်များ

2 Угай бэшэг 31:10

Ахамад санаартан, Цадоогой үри һадаһан Азаарияа тэрээндэ иигэжэ хэлэбэ: – Эзэнэй Һүмэ руу улад зоной үргэл хэжэ эхилһэн сагһаа хойшо бидэ садатараа эдеэлжэ эхилээбди, үшөө олон эдеэ хоол үлэнэ. Эзэнэй арадаа үреэһэнэй ашаар лэ эдэ бүгэдые бидэ хараа гээшэлди.

Псалманууд 112:9

Тэрэ хүүгэдгүй эхэнэрые хүүгэдтэй жаргалтай эхэ болгон гэртэнь ажаһуулгана. Эзэндэ магтаал үргэгты!

Һургаал 11:18

Нүгэлтэй хүн хуурмаг шагнал олоно, харин үнэн шударга хүн ёһотой шагналда хүртэнэ.

Һургаал 11:23

Үнэн шударга хүнэй хүсэлэй бэелэл үргэлжэ һайхан, харин хоротой хүнэй хүсэл Эзэнэй хилэнсэдэ асардаг.

Һургаал 11:25

Элбэг гартай, харуу бэшэ хүн зөөритэй байха, бусадые тэнхэрүүлэгшэ өөрөө тэнхээ орохо.

Һургаал 13:7

Зөөригүй аад, баян хэбэртэй болодог хүнүүд байдаг. Баян аад, өөрыгөө ядуу болгодог хүн байха.

Һургаал 19:17

Үгытэй хүндэ харамнангүй үгэхэнь Эзэндэ зээлеэр үгэһэнтэй адли. Тэрэ хүнэй һайн үйлын түлөө Эзэн бусаажа түлэнэ.

Һургаал 28:27

Ядуушуулда үгэдэг хүн юугээршье дутахагүй. Ядуушуулһаа нюдөө далтируулдаг хүндэ хүртэхэ хараалынь олошорхо.

Һургаал 28:8

Мүнгэ зээлилэн баялигаа арбижуулагша ядуушуулда энэрхыгээр хандадаг хүнэй түлөө мүнгэ нөөсэлдэг.

Экклезиаст 11:6

Үглөөгүүр тарихаяа гара, үдэшэлэн гараа һула бү таби, юундэб гэхэдэ, эртэ орой тариһанай алиниинь үрэжэлтэйб гэжэ ши мэдэнэгүйш, адли урагшатай байжашье магад.

Хаггай 1:6

Таанар ехээр тарибашье, бага ургаса хуряанат. Эдеэлээшье һаа, саданагүйт. Уугаашье һаа, һогтоногүйт. Хубсалаашье һаа, дулаасанагүйт! Олоһон мүнгэнтнай хахархай хармаанда ороод лэ үгы болоно.

Малаахи 3:8

Хүнүүд Бурханиие мэхэлхэ ёһогүй. Гэбэшье таанад Намайе мэхэлжэ байнат. «Яахадаа Таниие мэхэлһэн болонобибди?» гэнэт. Таанад бүхы зөөриингөө арбанай нэгэ хубиие үгэхэ, мүн Намда онсо үргэл хэхэ ёһотой байгаат.

Лука 6:38

Бусад зондо юумэ үгэдэг байбалтнай, Бурханшье таанадта үгэжэ байха. Үгэһэн юумэнтнай элбэг дэлбэгээр, хэмжээнһээ үлүүгээр, обогор болоод, хормойдотнай дүүрэн бусажа ерэхэ. Хүндэ ямар хэмжээгээр юумэ үгэнэт, тиимэл хэмжээгээр Бурхан өөһэдтэтнай үгэхэ.

Хуули дабталга 15:10

Тэрээндэ эриһэн юумыень үгэ, үгэжэ байхадаа сэдьхэлдэшни бүглэржэ бү байг. Юуб гэхэдэ, энэ хэрэгэй түлөө Эзэн Бурханшни бүхы ажал хэрэгүүдыеш, бүтээжэ байгаа бүхы юумыеш үреэхэ.