Һургаал 1:31 - Библи

³¹ Тиин тэдэ өөрын үйлэһөө хэһээлтэ амсаха болоно.

Һургаал 1:31 ပူးပေါင်းရင်းမြစ်များ

Иоов 4:8

Харин би хараһан байнаб: нүгэлэй таряаланда зоболон таригшадта тэрэнь өөһэдынь толгой дээрэ буудаг.

Һургаал 12:14

Хэлэһэн үгынгөө үрэ жэмэсэй һайханһаа хүн садана, хүнэй хэһэн хэрэгээр харюунь бууха.

Һургаал 13:2

Хэлэһэн үгынгөө үрэ жэмэсһээ һайханииень хүн амасадаг. Харин хуули эбдэгшэд хүсэрхэлөөр амидардаг.

Һургаал 14:14

Замһаа хадуурһан хүн үйлынгөө үреэр болоно. Һайн хүн хэһэн үйлэдөө сэдьхэлээ ханана.

Һургаал 22:8

Үнэн шударга бэшэ ябадал таригша өөртөө зоболон хуряаха. Тиигэжэ уур хилэнгэйнь һабаа үгы болохо.

Һургаал 5:22

Хара нүгэлтын хуулигүй ябадал өөрыень барижа байдаг, өөрын нүгэл хилэнсэгэй уяанда тэрэ хүлеэтэй байдаг.

Һургаал 5:23

Һургаал заабари дутаһанһаа боложо тэрэ үхэхэ, өөрын мунхагһаа замаа төөрихэ.

Һургаал 8:36

Харин намда эсэргүү болодог, нүгэл үйлэдэдэг хүн өөрыгөө гэмтээдэг. Намайе үзэн ядагша бүхэн үхэлдэ дура һаналаа мэдүүлнэ.

Исай 66:4

Тиимэһээ Би тэдээндэ гай тодхор татахаб, айдаг юумыень өөһэд дээрэнь асархаб. Юундэб гэхэдэ, Минии дуудахада, хэншье харюусаагүй. Минии айладхахада, хэншье соносоогүй. Тэдэ Минии урда муу юумэ хэжэ, Намда таагүй юумэ шэлээ».

Ерэмияа 14:16

Тэдэнэй буулгаһан абарал шагнаһан улад зон туража үхэхэ, байлдаануудта алуулха, тиигээд Иерусалимай үйлсэнүүдээр хаяатай хэбтэхэ. Тэдэниие, һамгадыень, үхи хүүгэдыень хүдөөлүүлхэ хэншье байхагүй. Хорон мууень өөһэдтэнь лэ буулгахаб! – гэбэ.

Ерэмияа 2:19

Таанадай бузар булай ябадал өөһэдыетнай хэһээхэ, Намһаа буруу хараһантнай өөһэдыетнай дайраха. Намайе, Эзэн Бурханаа, орхихо гээшэ, Намһаа түбэгшөөхэгүй, Намайе хүндэлхэгүй гээшэ таанадта гашуун һургаал болохол! Энээн тушаа мэдэжэ, ойлгожо байгты. Энэ болбол Би, Хүсэн Түгэлдэр Эзэн, Түмэн Сэрэгтэ Бурхан, айладхана мүн!

Ерэмияа 21:14

Теэд Би хэһэн үйлэ хэрэгэйтнай түлөө таанадые хэһээхэб. Ордонгыетнай шатаахаб, тиихэдэм бүхы оршон тойроноорнь гал дүлэн соробхилхо.

Ерэмияа 6:19

Газар дэлхэй, соносо! Мүнөө Би энэ арадай түсэблэһэн гай тодхорые өөһэдэйнь толгой дээрэ буулгахам. Юуб гэхэдэ, тэдэ Минии үгэ дуулабагүй, Минии заабари тообогүй.

Эзэкээл 22:31

Тиимэһээ угаа ехээр уурлажа, Би тэдэниие хэһээхэб, үйлэ хэрэгүүдынь өөһэдынь толгой дээрэ буулгахаб. Энэ болбол Би, Эзэн Бурхан, айладхаа мүн!