Гэршэлгэ 8:5 - Библи

⁵ Удаань тэрэ Эльгээмэлынь бойпуур абажа, үргэлэй шэрээһээ залаһан галаар бойпуураа дүүргээд, газарта хаяжархиба. Тиихэдэнь газар дэлхэйдэ огторгойһоо дуун нэрьебэ, тэнгэри нижаганаса дуугарба, ехээр сахилгаан сахилба, газар хүдэлбэ.

Шэнэ Хэлсээн

⁵ Удаань тэрэ эльгээмэлынь бойпуур абажа, үргэлэй шэрээһээ залаһан галаар бойпуураа дүүргээд, газарта хаяжархиба. Тиихэдэнь газар дэлхэйдэ огторгойһоо дуун нэрьебэ, тэнгэри нижаганаса дуугарба, ехээр сахилгаан сахилба, газар хүдэлбэ.

Гэршэлгэ 8:5 ပူးပေါင်းရင်းမြစ်များ

3 Хаан түрэнүүд 19:11

Эзэн харюусаба: – Газаашаа гараад, Минии урда, хада дээрэ зогсо. Зай, Эзэн үнгэржэ, асари ехэ хүсэтэй һалхи эльгэхэдэнь, хаданууд хамхаржа, хабсагайнууд бутаржа байба. Гэбэшье тэрэ һалхин дотор Эзэн байгаагүй. Һалхинай удаа газар хүдэлбэ. Гэбэшье газар хүдэлэлгын дотор Эзэн байгаагүй.

Псалманууд 18:13

Өөрын бурууе хэн ойлгожо шадахаб даа. Далда байгаа бурууһаам намайе арюудхыт.

Египедһээ гаралга 19:16

Гурбадахи үдэрынь эртэ үглөөнһөө тэнгэри дуугарба, сахилгаан сахилба, хадын орой үдхэн үүлэндэ хушагдаба. Бүреэгэй шанга абяанай соностоходо, зоной зосоо заригад гэбэ.

Исай 29:6

Түмэн Сэрэгтэ Эзэн аянга буулган, газар хүдэлгэн, ехэ дуу шуугаар, хуй һалхяар, шуургаар, түймэрэй галаар таанадые абарха.

Исай 30:30

Эзэн һүрдэмэ шанга хоолойгоор бужаганажа, гараа һунган сохихо. Уур хилэнгынь угаа ехэ, үрэбхилдэг галай дүлэн дүлэгэнэхэ. Шуурган, үер, мүндэр орожо эхилхэ!

Исай 66:6

Шагныт! Хотоһоо гаража байгаа ехэ шууяан, нангин үргөөһөө гаража байһан дуу шэмээ болбол дайсадаа хэһээжэ байһан Минии, Эзэнэй, дуу шуун гээшэл».

Ерэмияа 51:11

Эзэн Мидиин хаашуулые дуудаа, юуб гэхэдэ, тэрэ Вавилооной орон нютагые усадхаха гэһэн түсэбтэй. Иимэл аргаар Тэрэ Һүмынгөө түлөө үһөөгөө абаха. Сэрэгэй ноёд захирба: «Годлинуудаа хурсадагты! Һаадагуудаа дүүргэгты!

Левит 16:12

Тиигээд Эзэнэй үмэнэ байһан үргэлэй шэрээһээ согой амһарта соо дүүрэн улаан сог абаад, дүүрэн адха сан санзай адхаад, халхабшын саана орохо.

Захарияа 14:5

«Минии уулын хүндыгөөр таанар зугадаха болонот, уулын хүнды Ацээлдэ хүрэхэ юм. Иудын хаан Уззияагай байха үедэ газарай хүдэлэлгэһөө тэрьелһэн шэнги тэрьелхэт». Тиин минии Бурхан болохо Эзэн заларха, Тэрээнтэй хамта хамаг гэгээн сэрэгынь ерэхэ.

Матвей 24:7

Нэгэ арад нүгөө арадтаа добтолон орохо, хаан оронууд хоорондоо хёморолдон тэмсэхэ, эндэ тэндэ үлэсхэлэн зоболон, үхэл тахал дэлгэрхэ, газар ехээр хүдэлхэ.

Лука 12:49

Би газар дэлхэйдэ гал асарааб, тэрэмни бадарһай гэжэ ехэ хүсэнэб!

Хэрэгүүд 16:26

Гэнтэ газар ехээр хүдэлжэ, түрмын байра иишэ тиишээ найгалзан хэлбэлзэбэ. Тэрэ дороо түрмын бүхы үүдэнүүд нээгдэжэ, хаалтада байһан зоной гэнжэнүүдынь мултаран унаба.

Хэрэгүүд 4:31

Иигэжэ зальбарһанайнь һүүлдэ сугларһан байрадань газар хүдэлжэ, тэдэнэр булта Арюун Һүлдөөр дүүрээд, Бурханай Үгэ айлтагүйгөөр номножо оробо.

Гэршэлгэ 11:13

Тэрэ үедэнь газар ехээр хүдэлжэ, хотын арбанай нэгэ хубинь һандарба. Долоон мянган хүн газарай хүдэлөөнһөө боложо үхэбэ, бэшэниинь айжа мэгдээд, тэнгэриин Бурханиие алдаршуулан магтаба.

Гэршэлгэ 11:19

Тэнгэри дээрэхи Һүмэ тайлдан нээгдэжэ, Тэрэнэй Хэлсээнэй ханзынь Һүмэ дотор харагдаба. Тиин гал ехэ сахилгаан сахилба, оог шууяан болобо, тэнгэриин дуун нэрьебэ, газар хүдэлбэ, мүндэр ехээр оробо.

Гэршэлгэ 4:5

Хаан шэрээһээнь сахилгаан сахилжа, тэнгэриин дуун нэрьежэ, шанга шууяан гаража байба. Хаан шэрээгэй урда долоон зула носоно. Эдэнь Бурханай долоон Һүлдэ мүн бэлэй.

Гэршэлгэ 6:12

Зургаадахи тамгыень Үргэлэй Хурьганай тайлахадань, харан гэхэдэмни, газар ехээр хүдэлбэ; наран гээшэ үхэһэн хүнүүдэй хойноһоо шаналан уйлаашадай хара хубсаһандал адли баларташоод, һара гээшэ шуһан улаан болошоод байба.

Гэршэлгэ 8:3

Удаань баһа нэгэ Эльгээмэл дүтэлэн ерээд, үргэлэй шэрээгэй хажууда зогсобо. Тэрэ Эльгээмэл гартаа алтан бойпуур баринхай. Бурханай бүхы хүнүүдэй мүргэлтэй нэгэдүүлхын тула, хаан шэрээгэй урдахи тахилай алтан шэрээ дээрэ табяад утахынь тула обоо собоо хүжэ санзай тэрэ Эльгээмэлдэ үгтэбэ.